இந்துக் கடவுள் அனுமன் பெயரில் அவரது புகைப்படத்துடன் கூடிய ஆதார் கார்டு-பொதுமக்கள் அதிர்ச்சி

இந்துக் கடவுள் அனுமன் பெயரில் அவரது புகைப்படத்துடன் கூடிய ஆதார் கார்டு-பொதுமக்கள் அதிர்ச்சி

ராஜஸ்தான் மாநிலத்தில் இந்துக் கடவுள் அனுமன் பெயரில் அவரது புகைப்படத்துடன் கூடிய ஆதார் கார்டு வந்தது பரபரப்பை ஏற்படுத்தியது.

இந்திய குடிமக்களுக்கு அடையாள எண் மற்றும் புகைப்படம், கைரேகை ஆகியவற்றுடன் கூடிய தனிச்சிறப்பு மிக்க ஆதார் அடையாள அட்டை வழங்கப்பட்டு வருகிறது. இதற்காக நாடு முழுவதும் பல்வேறு இடங்களில் சிறப்பு முகாம்கள் அமைத்து, புகைப்படம் எடுக்கும் பணி நடைபெற்றது. இப்பணி இடையில் நிறுத்தப்பட்டபோதிலும், புதிய அரசு பொறுப்பேற்றபின்னர் கார்டுகள் விநியோகிக்கும் பணிகள் தொடர்ந்து நடைபெறுகின்றன.

இந்நிலையில், இந்துக் கடவுள் அனுமன் புகைப்படத்துடன் கூடிய ஆதார் அட்டை தயாரிக்கப்பட்டிருப்பது, ஆதார் செயல்பாடு மீது கடும் சந்தேகத்தை எழுப்பியுள்ளது.

அனுமன் படத்துடன் கூடிய அந்த அட்டையில் அடையாள எண் 2094705195411 என்றும், பவான் என்பவரின் மகன் என்றும் குறிப்பிடப்பட்டிருந்தது. கைவிரல் ரேகை, செல்போன் எண்ணுடன் சிகார் பகுதி முகவரியும் இருந்தது.

பெங்களூரில் இருந்து ராஜஸ்தான் மாநிலம் சிகார் மாவட்டத்திற்கு கடந்த 6-ம் தேதி அனுப்பி வைக்கப்பட்ட இந்த கார்டு, தண்டாராம்கர் தபால் நிலையத்திற்கு வந்தது. அதனை, டெலிவரி செய்வதற்காக எடுத்துப் பார்த்த தபால் காரர், அதில் அனுமன் படத்தைப் பார்த்ததும் அதிர்ச்சியடைந்தார். இதுபற்றி அதிகாரிகளின் கவனத்திற்கு கொண்டு சென்றார்.

பின்னர், அந்த கார்டில் உள்ள செல்போன் எண்ணை தொடர்பு கொண்டபோது, அது சுவிட் ஆப் செய்யப்பட்டிருந்தது தெரியவந்தது. அந்த கார்டை டெலிவரி செய்ய முடியாததால், பெங்களூருக்கே திருப்பி அனுப்ப உள்ளதாக தபால் நிலைய அதிகாரி கூறினார். ஆதாரின் இந்த குழப்பம் இதுகுறித்து விசாரணை நடத்தப்பட்டு வருகிறது.

அட கடவுளே