கர்ப்பப்பை வாய் புற்றுநோய் பற்றி ஒரு சிறப்புப் பார்வை

கர்ப்பப்பை வாய் புற்றுநோய் பற்றி ஒரு சிறப்புப் பார்வை

[You must be registered and logged in to see this image.]


சகோதரிகளே உங்களில் பெரும்பாலானவர்களை தாக்கும்
கர்ப்பப்பை வாய் புற்றுநோய் பற்றி
ஒரு சிறப்புப் பார்வை
கர்ப்பப்பை வாய் புற்றுநோய் பெண்களின் கர்ப்பப்பை மற்றும் கர்ப்பப்பை வாயினைத் தாக்கும் புற்றுநோய் என்பது நமக்கு தெரிந்ததே.
நம் இந்தியாவைப் போல வளரும் நாடுகளில், பெண்களில் அதிகமாகக் காணப்படுகிறது. இதன் தாக்கம் கிராமப்புறப் பெண்களின் மத்தியில் அதிகமாக உள்ளது. அதுவே இளம் வயது பெண்களிடையே அதிகம் காணப்படுகிறது.
நோய்க்காண காரணங்கள்:
மனிதப் பாப்பிலோமா வைரஸ் (human papilloma virus – HPV), பால்வினை வைரஸ், அல்லது பால்வினை நோய்கள், இளம் வயதில் ஏற்படும் பாலியல் செயல்பாடு, மற்றும் பல தகாத உறவு வைத்திருப்பது.
அறிகுறிகள் மற்றும் அடையாளங்கள் : (சைன்ஸ் அண்ட் சிம்ப்டம்ஸ் ):
ஆரம்ப நிலையில் கர்ப்பப்பை வாய் புற்றுநோய் பொதுவாக எந்த அறிகுறிகளையும் உருவாக்குவதில்லை.
புற்றுநோய் எவ்வாறு முன்னேறுகிறது என்பது இங்கே கீழே கொடுக்கப்பட்டுள்ள அறிகுறிகள் மற்றும் அடையாளங்களை வைத்து கர்ப்பப்பை வாய் புற்றுநோய் என்று சுட்டிக்காட்டிடலாம்.
1) அதிக ரத்த போக்கு, உடலுறவுக்கு பின்னர் ஏற்படும் ரத்த போக்கு, மாதவிடாய்க்கு முன்போ, பின்போ ஏற்படும் ரத்த போக்கு, அல்லது இறுதி மாதவிடாய்க்கு பிறகு ஏற்படும் ரத்த போக்கு (menopause).
2) தண்ணீர் போன்ற திரவ போக்கு அல்லது ரத்தம் தோய்ந்து யோனியிலிருந்து வெளியேற்றம், அல்லது அதிக ரத்தப் போக்கு அதனூடே வரும் துர்நாற்றம்.
3) உடலுறவின் போது ஏற்படும் வலி அல்லது அடி வயிற்று வலி.
வியாதி நிர்ணயம் (diagnosis): தொடர் பாப் ஸ்மியர் பரிசோதனை மூலம் ஏற்படும் மாற்றங்களைக் கண்டறியமுடியும்.
கர்ப்பப்பை வாய் பகுதியைச் சோதனைச் செய்தல்:
மேலே குறிப்பிட்ட அறிகுறிகள் இருப்பின் அடுத்தக் கட்டமாகக் கர்பப்பை வாயிலிருக்கும் திசுக்களை பரிசோதனைக்குள் ஆக்கலாம்.
இதை பயொப்சி (biopsy) என்று மருத்தவ ரீதியில் அழைக்கிறார்கள்.
இதன் மூலம் உள்ளே இருக்கும் கட்டி எந்த கட்டத்திலோ , அல்லது எவ்விதமான கட்டி என்பதைப் பரிசோதனை உணர்த்தும்.
இதை எவ்வாறு கையாள்வது ?
அறுவைச் சிகிச்சை மற்றும் கதிர்வீச்சின் முறை இப்புற்று நோயை குணப்படுத்த முக்கியப்பங்கு வகிக்கிறது.
கர்ப்பப்பை வாய் புற்றுநோய் வளரும் நாடுகளில் அதிகம் காணப்படுகிறது.
இவ்விதப்புற்று நோய்களைப் பற்றி விழிப்புணர்வு கொடுக்க வேண்டும்.
ஆரம்ப நிலையிலேயே இவ்வித நோய்களைக் கண்டுக் கொண்டோமானால், குணப் படுத்துவது எளிது.
பெண்கள் தன் அச்சத்தையும் கூச்சத்தையும் விட்டு பரிசோதனைக்குட்பட்டால், கண்டிப்பாக இவ்விதத் தாக்கத்திலிருந்துத் தன்னையும் தன்னைச் சார்ந்தச் சமுதாயத்தையும் பாதுகாக்கலாம்.
நன்றி
மகப்பேறு மருத்துவர் S. வசுமதி,