இது சாத்தியமா? முட்டையா கோழியா முதலில் வந்தது?

by **sakthy** Sun Feb 02, 2014 1:02 am

இது சாத்தியமா?

திருவிளையாடல் படத்தில் ஒரு பாடலைப் பாடும் போது, கடல் அலை அசையாமலும், மரங்கள் அசையாமல் நிற்பதும் அல்லது அசைவதும் காட்டப்பட்டது. இவை எல்லாம் சாத்தியமா?

எழுப்பப்படும் ஒரு ஒலி அலையின் மூலம், அலைகளை மரங்களை அசைய அல்லது அசையாமல் செய்ய முடியும் என அறிவியல்theory சொன்னாலும் கூட,இதை ஒரு தியரியாக பார்க்கலாமே தவிர, நிஜ வாழ்வில் ,real life, சாத்தியப்படாது.ஒலிக்கும் சத்தம் போதுமானதாக இல்லாமல் இருப்பது, குறிப்பிட்ட தொலைவுக்கு மேல் ஒலியை மனிதனால் அனுப்ப முடியாதிருப்பது, அப்படி அனுப்பினாலும் குறிப்பிட்ட இடத்தை அடையும் போது ஒலியின் சக்தி குறைந்து விடுவது,பொருளின் natural frequency உடன் சமனாக மனிதனால் ஒலியை எழுப்ப முடியாது இருப்பது போன்ற காரணங்களால் இது சாத்தியப்பட முடியாது.

ஒலி எப்படி உண்டாகிறது?ஒரு பொருளில் ஏற்படும் அசைவு, vibrating object ,எனச் சொல்லலாம்..உலகில் உள்ள எல்லாப் பொருட்களுக்கும் இயற்கையான அசைவு, natural frequency, இருந்தாலும், மனிதனின் கேட்கும் சக்திக்கு human frequency range, உட்படும் போது தான், நம்மால் அதைக் கேட்க முடிகிறது. ஆனாலும் சில சமயங்களில் தொடு உணர்ச்சி மூலம் இந்த அசைவை உணர முடியும்.செயற்கையாக அசைவதன் மூலமும் ஒலியை எழுப்ப முடியும். நாம் பேசும் போது,வீணையின் தந்தி-நரம்பு-string அசையும் போது ஒலி வருகிறது போன்றவற்றைச் சொல்லலாம்.

சிலர் தங்கள் குரலினால் ஒலியை எழுப்பி, கண்ணாடியினால் ஆன ஒரு குடுவையை உடையச் செய்வார்கள்.ஒலி அலைகளைக் கொண்டு ஒரு கண்ணாடிக் குடுவையை, அல்லது கண்ணாடியிலான ஒரு பொருளை உடைய வைக்க முடியும்.அறிவியல் என்ன சொல்கிறது? இந்த உலகில் உள்ள எல்லாப் பொருள்களுக்கும் உள்ள இயற்கையான அதிர்வு natural frequency என்பது resonance frequency எனச் சொல்லப்படுகிறது.இதன் தாக்கம் அந்தப் பொருளின் அளவு, அமைப்பு,செய்யப்பட்ட பொருள் போன்றவற்றினால் மாறுபடுகிறது.

இந்த natural frequency இனால் ஏற்படும் அசைவை,vibration, குரல் ஒலியினால் தடைப்படுத்தப்படும் போது, இந்த நிகழ்வு நடைபெறுகிறது. ஆனாலும் அப்படியான ஒலியை எழுப்ப மூச்சுப் பயிற்சி அதிகமாகவே தேவைப்படுகிறது. குறைந்த தரமுடைய மெல்லிய கண்ணாடி 80-90 db இலும்,பொதுவாக 100 decibels க்கு மேலும் ஒலியின் தரம் இருந்தால் மட்டுமே இது சாத்தியமாகும். உடைக்கப்படும் பொருளின் natural frequency உம்,குரலின் natural frequency சமனாகும் போது இது சாத்தியமாகிறது.

ஜெட் விமானங்களை உயர்ந்த கட்டிடத்தின் மேல் பறக்க அனுமதிப்பதில்லை.எயர்பஸ் என்ற ஐரோப்பிய தயரிப்பு விமானத்தை பரிஸ் கோபுரத்தின் மேல் பறக்க சில வருடங்களுக்கு முன்னர் பிரான்ஸ் அரசு தடை விதித்தது,பாலங்களில் இராணுவத்தினர் போகும் போது சாதாரணமாக நடக்க வைப்பது போன்றவற்றை சில உதாரணங்களாக சொல்லலாம்.

ஆனாலும் திருவிளையாடலில் காட்டப்பட்ட காட்சிகள் இயற்பியல் கோட்பாட்டின்படி சரியாக இருந்தாலும், சாதாரண வாழ்வில் சாத்தியமில்லை.

முட்டையா கோழியா முதலில் வந்தது?

நிச்சயமாக முட்டை தான். ஏன்? ஒரு உயிரினத்தின் மாற்றங்கள் DNA இல் தான் தொடங்குகிறது.கோழி அல்லாத ஒரு பறவை இனத்தின் ஆண் sperm cell இன் DNA, பெண் இனத்தின் முட்டையுடன் சேரும் போது, zygote என்ற கோழிக் குஞ்சின் முதல் cell என்ற உயிரணு உருவாகிறது.இது தொடர்ந்து பிரிகிறது.பிரியும் அனைத்து உயிரணுக்களும் ஒரே zygote இல் இருந்து வந்த DNA ஐக் கொண்டிருக்கும்.அதாவது இரண்டு கோழிகள் அல்லாத பறவை இனத்தின் தொடர்பின் போது ஏற்பட்ட DNA மாற்றத்தினால் உருவானzygote cell உள்ள முட்டை தான் கோழியை உருவாக்கியது.

பரிணாம வளர்ச்சி evolution கோட்பாட்டின்படி, ஒரு உயிரினத்தில் இருந்து மற்றொரு உயிரினம் உருவானது.குரங்கில் இருந்து மனிதன் தோன்றினான் என்பது போல், வேறொரு பறவை அல்லது மிருகத்தில் இருந்து உருவான முட்டையில் இருந்து தான் கோழி உருவானது என்பதே ஏற்றுக் கொள்ளக் கூடிய வாதமாகும்.