மலையாள முதல்வரின் இனப் பாசமும் தமிழர்கள் கற்றுக் கொள்ள வேண்டிய பாடமும் !

by **ஜனனி** Sat Nov 30, 2013 7:50 am

மலையாள முதல்வரின் இனப் பாசமும் தமிழர்கள் கற்றுக் கொள்ள வேண்டிய பாடமும் ! பெங்களூரு ஏடிஎம் மையத்தில் தாக்கப்பட்டு மருத்துவமனையில் சிகிச்சை பெற்று வரும் வங்கிபெண் அதிகாரியை கேரள மாநில முதல்வர் உம்மன் சாண்டி நேரில் சந்தித்து ஆறுதல் கூறினார். பெங்களூரில் கடந்த 19-ந்தேதி வங்கி பெண் அதிகாரி ஜோதி உதய் என்பவர் ஏ.டி.எம்மில் பணம் எடுக்க சென்றபோது, மர்ம மனிதனால் சரமாரியாக தாக்கப்பட்டார். அரிவாள் வெட்டு விழுந்ததில் மயங்கி விழுந்த பெண் அதிகாரி ஜோதி உதய் பெங்களூரில் உள்ள ஒரு தனியார் ஆஸ்பத்திரியில் அனுமதிக்கப்பட்டு சிகிச்சை பெற்று வருகிறார். ஏ.டி.எம். மையத்தில் பட்டப்பகலில் நடந்த இந்த துணிகர சம்பவம் நாடு முழுவதும் பரபரப்பை ஏற்படுத்தியது. ஏ.டி.எம். மையத்தில் மர்ம மனிதனால் தாக்கப்பட்ட வங்கி பெண் அதிகாரி ஜோதி உதய் கேரள மாநிலம் கொல்லத்தைச் சேர்ந்தவர். இந்த தகவல் அறிந்த கேரள முதல்வர் உம்மன்சாண்டி, வங்கி பெண் அதிகாரி ஜோதி உதய் விரைவில் குணமடைய வேண்டும் என இறைவனை பிரார்த்திப்பதாக கூறி இருந்தார். இந்த நிலையில் நேற்று அவர் ஒரு திருமண விழாவில் பங்கேற்க பெங்களூர் சென்றார். விமான நிலையத்தில் இறங்கியதும், அவர் நேராக வங்கி பெண் அதிகாரி ஜோதி உதய் சிகிச்சை பெறும் தனியார் ஆஸ்பத்திரிக்கு சென்றார். அங்கு அவரை நேரில் சந்தித்து நலம் விசாரித்தார்.முதல்வர் உம்மன் சாண்டியை கண்டதும் வங்கி பெண் அதிகாரி ஜோதி உதய் கண்ணீர் மல்க அவருக்கு நன்றி கூறினார். எ அவருக்கு நம்பிக்கையூட்டிய உம்மன்சாண்டி, விரைவில் உடல் நலம் தேறி நலமடைவீர்கள். இதற்காக நானும் இறைவனிடம் பிரார்த்திக்கிறேன். உங்களை தாக்கியவரை விரைவில் கண்டுபிடித்து நடவடிக்கை எடுக்க வேண்டுமென கர்நாடகா உள்துறை மந்திரியிடம் வலியுறுத்தி உள்ளேன் என்று கூறினார். மேலும் ஜோதி உதய்க்கு சிகிச்சை அளித்த ஆஸ்பத்திரியின் முதன்மை டாக்டர் வெங்கட்ட ரமணாவிடமும் அவருக்கு அளிக்கப்படும் சிகிச்சைகள் குறித்து கேட்டு அறிந்தார். ஜோதி உதய்யின் கணவர் உதயகுமாருக்கும் அவர் ஆறுதல் கூறினார். தமிழர்கள் கற்றுக் கொள்ள வேண்டிய பாடம் : இப்படி கேரளாவின் முதல்வரே பாதிக்கப்பட்ட தன்னுடையே இனத்தின் பெண்ணிற்கு நேரில் சென்று ஆறுதல் தெரிவித்து உள்ளார். ஆனால் தமிழகத்திலோ , எத்தனையோ தமிழர்கள் தமிழகத்திற்கு அப்பால் தாக்கப் படுகின்றனர் , கொலைப் செய்யப்படுகின்றனர் . ஆனால் தமிழக முதல்வரோ , அமைச்சர்களோ நேரில் சென்று நலம் விசாரிப்பது இல்லை. சொந்த மாநிலத்தில் ஈழத் தமிழர்கள் அதிகளாக முகாம்களில் வாழ்கின்றனர், அவர்களை ஒரு முறை கூட நேரில் சந்திப்பது இல்லை ஆட்சியாளர்கள் . மீனவர்கள் தினம் தினம் இலங்கை கடற்படையால் தாக்கப்படுகின்றனர் . அவர்களுக்கு எந்த ஆறுதலும் நேரில் தெரிவிப்பது இல்லை தமிழக முதல்வர்கள். மலையாளிகளால் படுகொலை செய்யப்பட்ட சாந்தவேலு என்ற தமிழருக்கு ஆதரவாக தமிழர்கள் எவ்வளவோ போராடியும் தமிழக முதல்வர் அதை காதில் கூட போட்டுக் கொள்ளவில்லை. இதற்கெல்லாம் காரணம் என்ன ? தமிழர் நாட்டை ஆண்டு கொண்டிருப்பது திராவிடர்கள், தமிழர்கள் அல்ல என்று தெரிகிறது. அதனால் அவர்களுக்கு தமிழர்களின் மேல் இயல்பாக பாசம் வராது. என்று தமிழர் நாட்டை இன உணர்வுள்ள ஒரு தமிழர் ஆள்கிறாரோ அன்று தான் தமிழர்களுக்கு உண்மையான விடிவு காலம் . இதை தமிழகத் தமிழர்கள் உணர்தல் வேண்டும் . தமிழகத்தை இத்தனை ஆண்டுகள் வேற்றின மக்கள் ஆண்டது போதும் . இனி தமிழகத்தை தமிழரையே ஆளச் செய்வோம். தமிழினத்தை , தமிழ் மொழியை பாதுகாப்போம் .