ஓவியர் நடராசா - இன உணர்வு மிகுந்தவர்.தேசியத் தலைவர் பிரபாகரன் அவர்களால் 'அண்ணா ' என் அழைக்கப்பட்டவர்

by **Tamil** Sun May 05, 2013 6:41 am

ஓவியர் நடராசா - இன உணர்வு மிகுந்தவர்.தேசியத் தலைவர் பிரபாகரன் அவர்களால்
'அண்ணா ' என் அழைக்கப்பட்டவர். அவரோடு நெருங்கி பழகும் வாய்ப்பை பெற்றவர்.
புலிகள் இயக்கத்தை தொடங்கிய காலத்தில்
தனது இயக்கத்திற்கு நமது முன்னோர்கள் சோழர்களின் பட்டொளி வீசி தமிழர்களின்
வீரத்தை உலகிற்கு பறைசாற்றிய புலிச் சின்னத்தை தமிழ் தேசியத்தின் தேசிய
கொடியாக வரைய ஆசைப்பட்ட நமது தேசிய தலைவர் பிரபாகரன் தமிழகத்தில் இருக்கும்
பல ஓவியர்களை சந்தித்திருக்கிறார். எவரும் தலைவர் திருப்தியடையும் வகையில்
புலி கொடியை வரையவில்லை. பிறகுதான் மதுரையில் வசித்த ஓவியர் நடராசாவை
கேள்விப்பட்டு அவரிடம் சென்று தான் யாரென்று அறிமுகம் செய்துகொள்ளாமல் தாம்
இலங்கையை சேர்ந்தவர் என்றும் தமது இயக்கத்திற்கு புலிக்கொடி ஒன்று வரைந்து
தரவேண்டும் என்று தலைவர் கேட்டுகொண்டார். இதை ஒரு வாய்ப்பாக ஓவியர்
பயன்படுத்திக்கொண்டு புலிக்கொடியை வரைந்து கொடுத்தார் அதில் திருப்தியடையாத
தலைவர் 'புலியின் முகத்தில் சீற்றம் வேண்டும்' என்று சொல்ல அந்த சீற்றத்தை
தனது தூரிகையின் மூலம் உயிர்ப்பாக கொண்டு வந்தார் ஓவியர் நடராசா. அந்த
புலிச் சின்னம் இனவெறியர்களான சிங்களவர்களை அச்சுறுத்துவதாக இருக்க
வேண்டும் என்று துப்பாக்கிகளையும் புல்லட்டுகலையும் அந்த இலட்சினையில்
இணைத்து தலைவரையே பிரமிக்க வைத்தார். பிறகு ஓவியர் நடராசா தலைவரின்
ஆஸ்த்தான ஓவியராக மாறிய பிறகு இயக்கத்திற்கு தேவையான கடிதம் எழுதுவதற்கு
தேவையான (letter pad) வடிவமைத்தவர் அவர். அதைவிடவும் புலிகள் இயக்கத்திற்கு
முதன் முதலில் போர்க்களத்துக்கான சீருடையை உருவாக்கி தந்தவரும் இவர் தான்.
இதற்காக இவரே துணி வாங்கி, அதில் கோடுகளை வண்ணங்களால் வரைந்து அதை
மிடுக்கான ஆடையாக தைத்து தலைவரின் கையில் கொடுத்து அதை அணிந்து கொள்ளச்
செய்து தனது பிள்ளைகளின் (N.C.C Cap) குல்லாவையும், கையில்
துப்பாக்கியையும் கொடுத்து அவரை பல கோணங்களிலும் படம் எடுத்தார். அவர்
முதன் முதலில் எடுத்த தலைவரின் சீருடை படம் பல பத்திரிக்கைகளிலும்
வெளிவந்தது. அந்தப் படம் சிவகாசி காலண்டராகவும் வந்து புகழ் பெற்றது.
(இணைத்துள்ள படத்தை காண்க) தேசிய தலைவருக்கு சீருடை மூலம் கம்பீரத்தையும்
மிடுக்கையும் உருவாக்கிய பெருமை ஓவியர் நடராசவையே சேரும். இப்படியெல்லாம்
உதவிகள் புரிந்ததால்தான் தலைவர் இவரை தனது சொந்த அண்ணனாகவே எண்ணி. அண்ணா
என்று அன்புருகி அழைத்தார்.