மனிதன் மாறி விட்டான் .நம் நாட்டின் சில உண்மைகள்............

மனிதன் மாறி விட்டான் .நம் நாட்டின் சில உண்மைகள்............

ஜெயலலிதாவின் சிறுபிள்ளைத்தனமான முடிவுகளுக்கு தொடரும் சாட்டை அடிகள்.

அண்ணா நூற்றாண்டு நூலக இடமாற்றம் ...எடுத்த முடிவு.
சட்டசபைக் கட்டடம் மாற்றம்.
சமச்சீர் கல்வியில் எடுத்த முடிவு.
திடீர் விலைவாசி உயர்வு அறிவிப்பு.
காவல்துறையின் அராஜகங்களுக்கு துணை போவது.
பழிவாங்கும் கைதுகள்.
இப்படி தொடரும் சிறுபிள்ளைத்தனமான முடிவுகளுடன்.......தற்போது.....

விஸ்வரூபம் படத்திற்கான தடையும் சேர்ந்து கொண்டது. உச்ச நீதிமன்றின் கேலிக்கு உள்ளாகி விட்டது தான் மிச்சமாக இருந்தது.தணிக்கை செய்யப்பட்ட படத்திற்கு தடை விதிக்க முடியாது என்ற உச்ச நீதிமன்றத்தின் தீர்ப்பை தெரிந்திருந்தும் கூட எதிர்த்து வழக்காடிய திறமை?.மத்திய அரசின் மீதான கோபம், தனிக்கைத் துறை மீதான குற்றச்சாட்டு.

மத்திய அரசின் மீதான கோபம், பத்து நிமிடத்தில் கூட்டத்தில் இருந்து வெளியேறிய செயல்,டீசல் இரட்டை விலைக்கு எதிராக உச்ச நீதிமன்றம் செல்ல விடுத்த அறிவிப்பு.
காவிரி நீர்ப் பிரச்சனையில் உச்ச நீதிமன்றம் கை விரித்தது.
சொத்துக் குவிப்பு வழக்கில் தீர்ப்பை எதிர்பார்த்து ஏமாந்தது.

இப்படி ஏமாற்றங்கள்,தோல்விகள்,சர்ச்சைகள் தொடருகின்றன. இவை தொடருமானால்.....................

இவை எல்லாவற்றையும் கண்டு வரும் பொதுசனம்,தற்போது அச்சத்தில் கலக்கத்தில் கவலையில் தலையில் கை வைத்து நிற்கிறது.காரணம்....................
லஞ்சம்,ஊழல்,குடும்ப ஆட்சி,அராஜகம்,ஏமாற்று,போலி வேசம்,நில அபகரிப்பு இப்படி பலவற்றில் இருந்து விடுபட்ட மகிழ்ச்சியில் இருந்த தமிழகம்,மீண்டும் அந்த ஆட்சி வந்து விடுமா என்ற ஏக்கத்தில் கேள்விக்குறியுடன் சோர்ந்து கிடக்கிறது.
…...................................
தமிழனின் மதம் எது?

இரண்டாயிரம் ஆண்டுகளுக்கு முன் தமிழனுக்கு மதம் இல்லை,சாதி இல்லை.ஒன்றே குலம் ஒருவனே தேவன் என்ற தாரக மந்திரத்துடன் வாழ்ந்து கலைக்கும்,நாகரீகத்திற்கும்,பண்பாட்டிற்கும் இலக்கணம் வகுத்து உலகின் முதல் குடியாய் வாழ்ந்து வந்தான். மத சார்பற்ற இலக்கியம்,திருக்குறள் படைத்தான்.

அதன் பின் மெல்ல தமிழன் இஸ்லாம்,கிறிஸ்தவம்,இந்துமதம் என மத மாற்றம் செய்யப்பட்டான்.இன்று தமிழ் நாட்டில் வாழும் அனைத்து தமிழர்களும் தமிழர்களாய் இருந்து மதம் மாற்றப்பட்டவர்கள் தான் என்பதை மறந்து, சாதிகள் அற்றவர்களாய் வாழ்ந்ததை மறந்து, மதம் பிடித்து அடித்துக் கொள்ளும் இன்றைய நிலைக்கு ஏன் வந்தார்கள்?

பணம்,பதவி,ஆசைகள் இப்படி இந்தத் தமிழனை ஆட்டிப் படைத்தது தான் காரணம்.இவைகளை அவன் விடத் தயாராக இல்லை.ஆனால் அடிமையாய் தலை குனிந்து வாழத் தயாரானான்.கொலை வெறியுடன் குத்திக் கொண்டு சாகத் தயாரானான்.

மனிதனால் எழுதப்பட்ட சட்டத்திற்கு அடிக்கடி மாற்றங்களைக் கொண்டு வரும் இந்த மனிதன்,
மனிதனால் எழுதப்பட்ட மத நூல்களுக்கு காலத்துக்கு ஏற்ப மாற்றங்களைக் கொண்டு வர மறந்தான்.மறுத்தான்.
பைபிளில் மட்டும் சில மாற்றங்களை ரோமில் கொண்டு வந்தார்கள். அவ்வளவு தான்.
சந்திரனுக்கு உரிய இடத்தைக் கொடுத்த இஸ்லாம்,மனிதன் சந்திரனில் கால் வைத்ததும் அதை மறந்தது.
ஆனாலும் இன்றுவரை எந்த மதமும் மத நூல்களில் மாறங்களைக் கொண்டு வர முயற்சிக்கவில்லை. அது இறைவன் சொன்னது என அடம் பிடித்துக் கொண்டு அதில் தொங்கிக் கொண்டிருக்கிறான்.

மதங்கள் வீட்டுடன்,வழிபாட்டு ஸ்தலங்களுடன் நிறுத்தப்படல் வேண்டும். எந்த நாட்டிலும் இல்லாதவாறு இந்தியாவில் மதங்களுக்கும் சாதிகளுக்கும் முக்கியத்துவம் கொடுத்து அரசியல் நடத்துவதில் இருந்து இந்த நாடு மாற வேண்டும். இதற்கு தற்போது எழுந்து குரல் கொடுக்கப்பட்ட விஸ்வரூபம் சான்றாகி நிற்கிறது. இனிமேலும் இந்த நிலை வரக் கூடாது என நடுநிலையாளர்கள் விரும்புகிறார்கள். அதை சமீபத்தைய தொலைக்காட்சி நிகழ்ச்சிகள் சாட்சிகளாகிக் காட்டுகின்றன.

பொதுவான மக்களின் பிரச்சனைகளை மறந்து, இப்படியான பிரச்சனைகளை பெரிது படுத்தி மக்களை திசை திருப்புவதும்,இலாபம் சம்பாதிப்பதும் மறைய வேண்டும். இப்படிப்பட்ட போலி வேடதாரிகளை மக்கள் இனம் காண வேண்டும்.

இன்று மக்களுக்கு எத்தனை பிரச்சனைகள். பட்டினியால் வாடும் ஏழைகள்,விவசாயம் அழிந்து தற்கொலைக்கு செல்லும் விவசாயிகள்,தண்ணீர் இன்றி தவிக்கும் மக்கள்,குற்றங்கள் அதிகரித்து செல்லும் தமிழகம்,சாதி கலவரங்கள்,அச்சத்துடன் வீதியில் செல்லும் பெண்கள்,இனப்படுகொலைகள்,இன அழிப்புக்கள்,பல இலட்சங்களை செலவு செய்து படித்து விட்டு வேலை இல்லாதிருக்கும் பட்டதாரிகள்.........இப்படி எத்தனை எத்தனை.......

ஆனாலும் நாம்,ஈழத் தமிழர்களை மறந்தோம்,பாலியல் கொடுமைகளுக்கு உள்ளாகும் பெண்களை மறந்தோம், கடத்தப்படும் சிறுவர்களை மறந்தோம்,நரபலி கொடுக்கும் கொடூரர்களிடம் இருந்து குழந்தைகளை காப்பாற்ற மறந்தோம்,மலாலாவை,ரிசானாவுக்கு ஏற்பட்ட கொடூரத்தை மறந்தோம்,கொடுமைக்கு உள்ளாகும் ஆதிவாசிகளை மறந்தோம்,பசியால் துடிப்பவர்களையும் பாதிக்கப்பட்டவர்களையும் மறந்தோம்.
நாம் மறக்க வேண்டிய மதக் கொடூரங்களை மறக்க மறந்தோம்.அதில் கட்டித் தொங்கிக் கொண்டு வெறி பிடித்து அலைகிறோம்.

மனிதன் மாறி விட்டான்.

ஆனாலும் டிசம்பர் 21 ல் உலகம் ஏன் அழியாமல் போனது என்று அப்பாவிகளாய் நிற்கும் நல்லவர்கள் கேட்கத்தான் செய்கிறார்கள். அப்படி அழிந்திருந்தால், புதிய நல்லதொரு சமுதாயம் உருவாகி இருக்குமே என்ற ஆதங்கம் எல்லோரிடமும் இருக்கவே செய்கிறது.

உலகம் ஏன் அழியவில்லை? நாம் சாதிக்க வேண்டியவை பல இருக்கின்றனவா? இல்லையேல் நாம் இப்படி வெட்டிக் கொண்டும் குத்திக் கொண்டும் நம்மை நாமே அழித்துக் கொள்ளெ வேண்டும் என்பது தான் விதியா?

உலகம் ஏன் அழியவில்லை? நாம் சாதிக்க வேண்டியவை பல இருக்கின்றனவா? இல்லையேல்
நாம் இப்படி வெட்டிக் கொண்டும் குத்திக் கொண்டும் நம்மை நாமே அழித்துக்
கொள்ளெ வேண்டும் என்பது தான் விதியா?
உண்மை..........................