விமான நிலையங்களில் ராபர்ட் வதேராவுக்கு சோதனை செய்வதில் விலக்கு ஏன்?

by **ஜனனி** Sun Oct 07, 2012 12:38 pm

விமான நிலையங்களில் ராபர்ட் வதேராவுக்கு சோதனை செய்வதில் விலக்கு ஏன்?
விமான நிலையங்களில் பிரியங்கா காந்தியின் கணவரும், ரியல் எஸ்டேட்
நிறுவனத்தின் உரிமையாளருமான ராபர்ட் வதேராவிடம் பாதுகாப்புச் சோதனையை
நடத்துவதற்கு விலக்கு அளிக்கப்பட்டுள்ளது ஏன் என்று மத்திய உள்துறை
அமைச்சகத்திடம் விமான பாதுகாப்புத் துறை கேள்வி எழுப்பியுள்ளது.

வட மாநிலங்களில் உள்ள பிரபல தனியார் கட்டுமான நிறுவனங்களுடன் இணைந்து
தொழில் புரிந்து வருபவர் ராபர்ட் வதேரா. தீவிரவாத அச்சுறுத்தல் காரணமாக
காங்கிரஸ் தலைவர் சோனியா காந்தி, அவரது மகன் ராகுல் காந்தி, மகள் பிரியங்கா
காந்தி ஆகியோருக்கு சிறப்புப் பாதுகாப்புப் படையினர் பாதுகாப்பு வழங்கி
வருகின்றனர். இவர்கள் அனைவரும் குடியரசுத் தலைவர், குடியரசு துணைத் தலைவர்,
பிரதமர் உள்ளிட்ட மிக, மிக முக்கியப் பிரமுகர்களின் பட்டியலில்
சேர்க்கப்பட்டுள்ளனர்.

ராபர்ட்
வதேராவை சோதனை செய்வதிலிருந்து விலக்கு அளிப்பதால் தங்கள் பணியில்
நடைமுறைப் பிரச்னை நிலவுவதாக விமான போக்குவரத்துப் பாதுகாப்புப் படையினர்
கருதுகின்றனர்.

இதையடுத்து எந்த அடிப்படையில் ராபர்டுக்கு சோதனை
நடத்துவதில் இருந்து விலக்கு அளிக்க வேண்டும்? அவரையும் சாதாரண மக்கள்
போலக் கருதி ஏன் சோதனையிடக் கூடாது என்பதற்கு விளக்கம் அளிக்கும்படி மத்திய
உள்துறையிடம் விமான போக்குவரத்து பாதுகாப்புத் துறை கோரியுள்ளது. இத்தகவலை
உறுதிப்படுத்திய மத்திய அரசு வட்டாரங்கள், இது குறித்து பாதுகாப்பு
விவகாரங்களுக்கான மத்திய அமைச்சரவையில் விவாதித்த பிறகு விமான போக்குவரத்து
பாதுகாப்புத் துறைக்கு பதில் அனுப்பப்படும் எனத் தெரிவித்தன.
(தினமணி)