உலகிலேயே அதிகமான சம்பளம் கொடுக்கப்படும் இடம் சுவிஸின் சூரிச்.

உலகிலேயே மிக குறைந்த செலவில் வாழ்வதற்கு தகுந்த இடங்கள் பட்டியலில் இந்தியாவின் மும்பை, டெல்லி நகரங்கள் இடம்பெற்றுள்ளன.

காஸ்ட்லி நகரமாக நார்வே நாட்டின் தலைநகர் ஆஸ்லோ பெயர் பெற்றுள்ளது. சுவிட்சர்லாந்தில் உள்ள யூனியன் பேங்க் ஆப் சுவிட்சர்லாந்து ஆண்டுதோறும் உலகின் பல நகரங்கள் குறித்து ஆய்வு செய்து வருகிறது. எந்த நகரத்தில் எவ்வளவு செலவில் வாழலாம் என்று இந்த ஆய்வு தெரிவித்து வருகிறது. இந்த ஆண்டு 72 நகரங்களில் யூனியன் பேங்க் ஆய்வு நடத்தியது. அதன் அறிக்கை வெளியிடப்பட்டது. அதில், நார்வே நாட்டின் தலைநகர் ஆஸ்லோதான், காஸ்ட்லியான நகரம் என்று தெரிவிக்கப்பட்டுள்ளது. அதற்கடுத்த நிலையில் சுவிட்சர்லாந்தின் ஜூரிச், ஜப்பானின் டோக்கியோ நகரங்கள் இடம்பெற்றுள்ளன.

இந்த பட்டியலில் குறைந்த செலவில் வாழக் கூடிய நகரங்கள் பட்டியலில் இந்தியாவின் மும்பையும் டெல்லியும் இடம்பெற்றுள்ளன. சுவிட்சர்லாந்தின் ஜூரிச் நகரம் காஸ்ட்லியாக இருந்தாலும், இங்கு வேலை செய்பவர்களுக்கு உலகிலேயே அதிக சம்பளம் வழங்கப்படுகிறது. அதனால் அவர்களுக்கு பொருட்களை வாங்கும் திறனும் அதிகமாக உள்ளது என்று அறிக்கையில் தெரிவிக்கப்பட்டுள்ளது. மொத்தம் 72 நகரங்களில் 122 பொருட்களின் விலை, வேலைக்கு சம்பளம் மற்றும் பல்வேறு சேவைகளுக்கு விதிக்கப்படும் கட்டணங்கள் குறித்து யூனியன் பேங்க் ஆய்வு நடத்தி உள்ளது. அதில் தெரிய வந்த விவரங்களின் அடிப்படையில், காஸ்ட்லி நகரங்கள், மலிவான நகரங்கள் என்று இந்த வங்கி வகைப்படுத்தி உள்ளது.

மேலும், பன்களில் இறைச்சி, சீஸ் வைத்து தயாரிக்கப்படும் Ôபிக் மேக்Õ வாங்குவதற்கு தேவையான பணத்தை சம்பாதிக்க டோக்கியோவில் 9 நிமிடம் வேலை செய்தாலே போதும். இதே பிக் மேக் பன் வாங்க நைரோபியில் 84 நிமிடங்கள் வேலை செய்ய வேண்டும் என்று ஆய்வில் தெரிவிக்கப்பட்டுள்ளது. இதேபோல் உலகிலேயே பாரிஸ், லியான், கோபன்ஹேகன் போன்ற நகரங்களில் நிறுவனங்களில் மக்கள் குறைந்த நேரமே வேலை செய்வதாகவும், ஆசியா, ஆப்ரிக்கா, மத்திய கிழக்கு, தென் அமெரிக்கா போன்ற நாட்டு மக்கள் உலகிலேயே அதிக நேரம் வேலை செய்வதாகவும் ஆய்வில் தெரிய வந்துள்ளது. இந்த நாட்டு மக்கள் ஆண்டுக்கு 2000 மணி நேரத்துக்கு மேல் வேலை செய்வதாக ஆய்வு தெரிவிக்கிறது.