வீட்டிலே தனியாக இருக்கும் போது மாரடைப்பு வந்தால் உங்களை நீங்களே எப்படி காப்பாற்றிக் கொள்வது? எச்சரிக்கை.எச்சரிக்கை.

வீட்டிலே தனியாக இருக்கும் போது மாரடைப்பு வந்தால் உங்களை நீங்களே எப்படி காப்பாற்றிக் கொள்வது?
எச்சரிக்கை.எச்சரிக்கை.

இந்தக் கட்டுரையை இன்று காலை இந்த இணையத்தில் படிக்க நேர்ந்தது. இணையத்தில் வருவது அனைத்தையும் அப்படியே ஏற்றுக் கொள்ளும் அன்பர்களே! கொஞ்சம் சிந்தியுங்கள்.இந்த மாரடைப்பு பற்றிய கட்டுரையை மின் அஞ்சல் மூலம் அனுப்பி,பலருக்கும் அனுப்பி வைக்கும்படி தெரிவிக்கிறார்கள்.அவர்கள் இதுவரை தங்கள் பெயரை மட்டும் தெரிவிக்கவில்லை.

இந்த மின் அஞ்சல் 1999 ம் ஆண்டில் இருந்து பெயரிடப்படாது அடிக்கடி வந்து கொண்டிருக்கிறது.ஒருவர் தன் எடையைக் குறைக்க,தங்களுக்கு சரியாக இருந்ததை எல்லோருக்கும் பயன்படுத்த முனைவது போன்றதே இந்த முறையாகும். இது Cardiopulmonary resuscitation (CPR) வகையை சேர்ந்த முறையாகும். சென்ற ஆண்டே அமெரிக்க இருதய ஆய்வு நிலையம் இது பற்றி எச்சரித்து இருந்தது.இதை Cough CPR என அழைக்கிறார்கள்.

இருமுவதும் தொடர்ந்து ஆழ்ந்த மூச்சை எடுப்பதும் ஒவ்வொரு இரண்டு வினாடிகள் இடைவெளியில் செய்வதுமாகும் என இந்த மின் அஞ்சல் தெரிவிக்கிறது.மூச்சை இழுத்து விடுவதில் எந்தத் தவறும் கிடையாது. ஆனால் இருமுவது மிகப் பெரிய பாதிப்பை ஏற்படுத்தும் என்பதை கவனத்தில் கொள்ள வேண்டும்.இந்த மின் அஞ்சலை எழுதியவர் cardiac arrest ஐ நினைவில் கொண்டே எழுதி இருக்கக் கூடும்.ஆக்ரோஷமாக இருமுவுதால் இதயத் துடிப்பிற்கு பாதிப்பே ஏற்படும்.இது தவிர நுரையீரலுக்கு ஆக்சிஜின்(பிராணவாயு-Oxygen) செல்ல வேண்டும் என்பதை விட மூளைக்கு இரத்தம் செல்ல வேண்டும் என்பதே முக்கியமானதாகும்.எனவே இந்த மின் அஞ்சல் மர்ம நபர் மருத்துவ அறிவைக் கொண்டவரா என்ற சந்தேகமும் வருகிறது.

Heart attack,மாரடைப்பு, என்பதும்,Cardiac arrest இதய நிறுத்தம் என்பதும்,cardiac dysrhythmia. என்பதும் வெவ்வேறானவை.இவை எல்லாமே நமக்கு ஒன்று போல் தெரிந்தாலும் அவை வெவ்வேறானவை. மாரடைப்பு இதயப் பகுதிகளுக்கு இரத்தம் தடைப்படுவதால் ஏற்படுகிறது. இதய நிறுத்தம் என்ற cardiac arrest, இதயம் சுருங்கி விரியும் தொழிற்பாடு தடைபட்டு இரத்த ஓட்டம் நின்று விடுவதால் ஏற்படுகிறது.இரண்டையும் ஒன்றுபடுத்தி பார்க்காதீர்கள்.இதய நிறுத்தம்,என்ற cadiac arrest, ஏற்படும் போது காற்றோட்டமும்,உடனடி சிகிச்சையும் அவசியம்.ஐந்து நிமிடங்களுக்கு மேலாகும் போது இறப்பு ஏற்படக் கூடும். இந்நிலையில் இதயத்தை அழுத்தி முதலுதவி, Cardiopulmonary resuscitation செய்யவதன் மூலம்,iஇதயத்தை தொழிற்பட செய்து இரத்தத்தை மூளைக்கு அனுப்ப முடியும். ஆனால் American Heart Association அல்லது மருத்துவர்களோ இந்த cough CPR ஐ பரிந்துரை செய்யவில்லை. காரணம் மாரடைப்பா அல்லது இதய நிறுத்தமா என்று சாதாரண ஒருவரால் கண்டு கொள்ள முடியாததும்,cough CPR இதுவரை ஆய்வில் நிரூபிக்கப்படவும் இல்லை என்பதுமாகும்.

மாரடைப்பு என்பது இதயத்திற்கு இரத்தம் தடைப்படைவதால் ஏற்பட்டு, இதய திசுக்களும்,தசைகளும் அழிய நேரிடுவதாகும். மாரடைப்பு வரும் போது இரத்தக் கட்டு,clot , ஏற்பட்டு இதய வலி ஏற்படும்.

இதைவிட cardiac dysrhythmia என்பது மாறுபட்ட இதயத் துடிப்பாகும்.அதாவது அதிகமாக அல்லது குறைவாக மாறி மாறி இதயம் துடிப்பதாகும்.

இதய நிறுத்தத்திற்கு மருத்துவ தாதிகள் போன்றவர்களுக்கு சொல்லப்பட்ட முதலுதவி என்னவெனில்,ஒரு முறை நன்றாக குனிந்து நிமிரும் போது அதிக காற்றை உள்ளே எடுக்க முடியும் என்பதும்,இதயத்தை இயங்க செய்ய வேண்டிய முதலுதவியும் தான்..அப்படியான முதலுதவி பயிற்சி பெற்ற மருத்துவ உதவியாளர்களால் மட்டும் செய்ய அனுமதிக்கப்படுகிறார்கள்.சில முதலுதவிகளை, செஞ்சிலுவை,Red cross, போன்றவை பயிற்சி கொடுக்கின்றன.

இந்த கட்டுரையை மின் அஞ்சல் வடிவத்தில் எழுதியவர், இருமுவதன் மூலம் இரத்த அழுத்தம் அதிகமாகி மூளைக்கு இரத்தம் செல்லும் என்று குறிப்பிடுவதை ஏற்றுக் கொள்ள முடியாது.. அப்படி ஏற்படுமென நிரூபிக்கப்படவும் இல்லை.அதுமட்டுமல்ல போகும் பிராணவாயுவையும்,இதய திசுக்களையும் இந்த இருமல் பாதிக்கவும் கூடும்.அப்படி பாதிக்குமானால் மிக மோசமான நிலைக்கு கொண்டு போய்விடும்.

ஆனாலும் இதில் வேடிக்கை என்னவெனில் இந்த மின் அஞ்சலில் குறிப்பிடப்பட்ட Health Care, Rochester General Hospital ன் 240 newsletter, என்பதே பொய்யானதாகும். இது பற்றி அந்த மருத்துவ நிலையத்தை தொடர்பு கொண்ட போது,அவர்களே அது பொய்யான செய்தி என்றும் தங்களுக்கும் அதில் சொல்லப்பட்டவற்றுக்கும் எந்த தொடர்பும் கிடையாது எனவும், தொடர்ந்து யாருக்கும் அதை அனுப்ப வேண்டாம் என்பதை மற்றவர்களுக்கும் தெரிவிக்கும்படி தெரிவித்தார்கள்.இந்தச் செய்தி பற்றி அவர்கள் ஊடகங்கள் மூலம் எச்சரித்து இருந்தார்கள்.அதன் வடிவம் இதோ.......................

The source of information for this article was attributed to Rochester General Hospital. This article is being propagated on the Internet as individuals send it to friends and acquaintances – and then those recipients of the memo send it to their friends and acquaintances, and so on.
We can find no record that an article even resembling this was produced by Rochester General Hospital within the last 20 years. Furthermore, the medical information listed in the article can not be verified by current medical literature and is in no way condoned by this hospital’s medical staff. Also, both The Mended Hearts, Inc., a support organization for heart patients, and the American Heart Association have said that this information should not be forwarded or used by anyone.
Please help us combat the proliferation of this misinformation. We ask that you please send this e-mail to anyone who sent you the article, and please ask them to do the same.
படித்தவர்கள் நீங்கள்.இணையத் தளங்களில் வருவன அனைத்தும் உண்மை என்று எண்ணி விடாதீர்கள். ஆவிகள்,பேய்களை இணையத்தில் பார்த்து ஏமாறுவது போல் மருத்துவத்தையும் இணையங்களில் வருவதை வைத்து மருத்துவம் செய்து கேலிக்குரியவர்கள் ஆகி விடாதீர்கள். சில இணையங்களும்,முகநூல்,facebook, தொலைக்காட்சிகள் போன்றவையும் பணத்திற்காகவும்,பார்வையாளர்களை அதிகரிக்கவும் இந்த மாதிரியான செய்திகளை தருகின்றன. அதனால் தான் முன்னர் ஒரு முறை முக்கியமான செய்திகளின் முடிவில் பின்னூட்டமோ அல்லது வெளிவந்த ஊடகத்தின் பெயரையோ குறிப்பிடுவதால்,நாம் தவறான செய்திகளை தரவில்லை என்பதை நாம் வாசகர்களுக்கு தெரியப்படுத்திக் கொள்ளலாம். சிந்தியுங்கள்.நமது உடல் அணு சோதனை போல் பரீட்சை செய்யும் இடம் அல்ல.

சக்தி.

உண்மை சக்தி நானும் எதை இரண்டு நாட்களுக்கு முன் முக நூலில் காண முடித்து ...நல்ல விளக்கம் கொடுத்திர்கள் .....நன்றிகள் [You must be registered and logged in to see this image.]