நக்கீரன் ஆபீஸ் மீது அ.தி.மு.க.,வினர் தாக்குதல்

சென்னை: முதல்வர் ஜெ., குறித்து அவதூறாக செய்தி
வெளியிட்டமைக்கு கண்டனம் தெரிவித்து தமிழகம் முழுவதும் நக்கீரன் இதழை தீ
வைத்து அ.தி.மு.க.,வினர் கொளுத்தினர் . சென்னையில் உள்ள நக்கீரன் அலுவலகம்
மீது அ.தி.மு.க., தொண்டர்கள் கல் மற்றும் உருட்டுக்கட்டையால் வீசி
அங்கிருந்த பொருட்களை அடித்து நொறுக்கினர். இதனையடுத்து அங்கு பரபரப்பும்,
பதட்டமும் ஏற்பட்டுள்ளது.

நக்கீரன் இதழில் சசிகலாவுடனான பிரச்னையில் ஜெ., இப்போது எவ்வாறு நடந்து
கொள்கிறார், அவர் என்ன சொல்லியிருக்கிறார் என்று அட்டைப்படத்தில் ஜெ.,
சசிகலா படத்துடன் செய்தி வெளியானது. இதில் கடுமையான வார்த்தைகள்
உபயோகித்ததாக அ.தி.மு.க,வினர் இன்று ஆவேசமுற்றனர். மாநிலம் முழுவதும்
மதுரை, ஈரோடு, கரூர், நாமக்கல், அரியலூர், ராசிபுரம், விருதுநகர் மாவட்டம்
சாத்தூர், சிவகாசி, வால்பாறை, திருநெல்வேலி, உள்ளிட்ட பகுதிகளில் இந்த
கட்சியின் எம்.எல்.ஏ., மற்றும் கவுன்சிலர்கள் இந்த பத்திரிகையை தீ வைத்து
எரித்தனர். சில கடைகளில் அ.தி.மு.க,வினர் புகுந்து புத்தகங்களை அள்ளி
சென்றனர்.


இதற்கிடையில் இன்று காலையில் சென்னை ராயப்பேட்டை ஜானிஜான்கான் தெருவில்
அமைந்திருக்கும் நக்கீரன் அலுவலகம் முன்பாக அ.தி.மு.க.,வின் பல்வேறு
பிரிவினர் கூடினர். நக்கீரனுக்கு எதிராக கோஷங்கள் எழுப்பினர். தொடர்ந்து
அங்கும் இதழ்களை தீ வைத்து கொளுத்தினர். பின்னர் கல் மற்றும் கம்புகளால்
வீசி தாக்குதல் நடத்தப்பட்டது. இதில் அலுவலக கண்ணாடி , அருகில்
நிறுத்தப்பட்டிருந்த கார் சேதமடைந்தன. தொடர்ந்து போலீசார் வந்தும்
தொண்டர்கள் கடும் ஆவேசமாக இருப்பதை காண முடிந்தது.


இது குறித்து நக்கீரன் கோபால் கூறுகையில்: ஆளும் அரசின் அராஜகம் அத்துமீறி
போயிருக்கிறது. போலீசாருக்கு பல முறை தொடர்பு கொண்டும் பாதுகாப்புக்கு
யாரும் வரவில்லை. காலதாமதமாக வந்த போலீஸ்காரர்கள் முன்னிலையிலேயே தாக்குதல்
நடந்தது என்றார்.


கருணாநிதி கண்டனம் : இந்த சம்பவம்
குறித்து தி.மு.க., தலைவர் கருணாநிதி கண்டனம் தெரிவித்துள்ளார். இவர்
வெளியிட்டுள்ள அறிக்கையில்: ஜனநாயக நாட்டில் இது போன்று பத்திரிகை
அலுவலகத்தை தாக்குவது ஏற்புடையது அல்ல. ஒரு தலைவர் குறித்து அவதூறாக செய்தி
வெளியானால் கோர்ட்டில் முறையிட்டு வழக்கு தொடர வாய்ப்பு இருக்கிறது. ஆனால்
இதனை விட்டு இவ்வாறு வன்முறை செயல்கள் ஏவி விடப்படுவது ஜனநாயகத்தில்
ஏற்புடையது அல்ல. இவ்வாறு கருணாநிதி கூறியுள்ளார்.

நக்கீரன் மீது அவதூறு வழக்கு :
நக்கீரன் செய்தி தொடர்பாக இந்த பத்திரிகை மீது சட்டப்பூர்வ நடவடிக்கை
எடுக்கப்படும் அ.தி.மு.க., ஒருங்கிணைப்பு செயலர் பொன்னையன் கூறியுள்ளார்.
இது தொடர்பாக அவர் வெளியிட்டுள்ள செய்திக்குறிப்பில்: முதல்வர் ஜெ., மீது
களங்கம் ஏற்படுத்தும் விதமாக செய்தி பிரசுரிக்கப்பட்டுள்ளது. இந்த செய்தி
குறித்து அவதூறு வழக்கு பதிவு செய்யவும், சட்டப்பூர்வ நடவடிக்கை எடுக்கவும்
கட்சி முடிவு செய்திருப்பதாக கூறப்பட்டுள்ளது.

சென்னை, ஜன.7:
முதல்வர் ஜெயலலிதா குறித்து அவதூறாக செய்தி வெளியிட்டதற்கு கண்டனம்
தெரிவித்து நக்கீரன் பத்திரிகை அலுவலகம் மீது அதிமுகவினர் இன்று தாக்குதல்
நடத்தினர். மேலும் தமிழகம் முழுவதும் பெரும்பாலான இடங்களில் அந்த
பத்திரிகையை எரித்து அதிமுகவினர் ஆர்ப்பாட்டம் நடத்தினர்.சென்னையில்
உள்ள நக்கீரன் அலுவலகம் மீது அ.தி.மு.க., தொண்டர்கள் பலர் கல் மற்றும்
உருட்டுக்கட்டையால் வீசி அங்கிருந்த பொருட்களை அடித்து நொறுக்கினர்.
இதனையடுத்து அங்கு பரபரப்பு ஏற்பட்டது.மேலும் மதுரை, ஈரோடு, கரூர்,
நாமக்கல், ராசிபுரம், விருதுநகர் மாவட்டம் சாத்தூர், சிவகாசி, வால்பாறை,
திருநெல்வேலி, உள்ளிட்ட பகுதிகளில் இந்த கட்சியின் எம்.எல்.ஏ., மற்றும்
கவுன்சிலர்கள் இந்த பத்திரிகையை தீ வைத்து எரித்தனர். சில கடைகளில்
அதிமுகவினர் புகுந்து புத்தகங்களை அள்ளி சென்றனர்.இது குறித்து
நக்கீரன் கோபால் கூறுகையில், போலீசாருக்கு பல முறை தொடர்பு கொண்டும்
பாதுகாப்புக்கு யாரும் வரவில்லை. காலதாமதமாக வந்த போலீஸ்காரர்கள்
முன்னிலையிலேயே தாக்குதல் நடந்தது என்றார்.இந்த சம்பவம் குறித்து
தி.மு.க., தலைவர் கருணாநிதி கண்டனம் தெரிவித்துள்ளார். அவர் வெளியிட்டுள்ள
அறிக்கையில், ஜனநாயக நாட்டில் இது போன்று பத்திரிகை அலுவலகத்தை தாக்குவது
ஏற்புடையது அல்ல. ஒரு தலைவர் குறித்து அவதூறாக செய்தி வெளியானால்
நீதிமன்றத்தில் முறையிட்டு வழக்கு தொடர வாய்ப்பு இருக்கிறது. அதனை விட்டு
இவ்வாறு வன்முறை செயல்கள் ஏவி விடப்படுவது ஜனநாயகத்தில் ஏற்புடையது அல்ல
என்று குறிப்பிட்டுள்ளார்.