ஈழப்போரின் வீரப்பதிவு தேன்கூடு படத்தின் திரை முன்னோட்டம் வெளியீடு

தமிழ்த் திரையுலக வரலாற்றில் முதன் முறைய ஈழ மக்களின்
வாழ்க்கை, துயரம், போராட்டம் ஆகியவற்றை மையமாகக் கொண்டு "தேன் கூடு" என்ற
திரைப்படம் உலகெங்கும் வெளியாகிறது.

இத்திரைப்படத்தின் திரை முன்னோட்டம் 2012 புத்தாண்டை ஒட்டி இன்று இணையத்தில் வெளியிடப்படுகின்றது.


தமிழீழ
மக்களின் வாழ்வியலையும், போராட்ட வாழ்க்கையையும், தாங்கி வருவதோடு
மட்டுமின்றி எதிர்கால ஈழவிடுதலையின் நம்பிக்கைக் கருவாக இத்திரைப்படம்
உருவாகி இருக்கிறது. இப்படம், ஓர் கலை ஆயுதமாகவும், அடுத்துக்கட்ட
நகர்வுக்கு ஓர் ஒளியாகவும் இருக்கும் என்று படக்குழுவினர் இப்படத்தை
நம்பிக்கையுடன் உருவாக்கியுள்ளனர்.





இத்திரைப்படத்தில் கதை நாயகனாக கனடா வாழ் புலம்
பெயர்த் தமிழரும், கனடாவில் எடுக்கப்பட்ட முழு நீளத் தமிழ்த் திரைப்படமான
"1999" நாயகருமான சுதன் மகாலிங்கம் நடித்துள்ளார். இத் திரைப்படத்தின் கதை
நாயகியாக நவீனா என்பவர் நடித்துள்ளார். தமிழில் வெளியான கலாபக்காதலன்,
திக்திக் ஆகிய திரைப்படங்களை இயக்கிய, இகோர் இப்படத்தின் இயக்குநர்.





இப்படத்தினை இலெமூரியா சர்வதேச திரைப்பட நிறுவனம்
தயாரிக்க, பிளசிங் எண்டர்டெய்னர்ஸ் பிரபாதிஷ் சாமுவேல் உணர்வுடன்
வழங்குகிறார். படத்திற்கு பாலை திரைப்படத்தின் இசையமைப்பாளர் வேத் சங்கர்
சுகவனம் இசையமைத்துள்ளார். உணர்ச்சித் ததும்பும் வசனங்களை அ.திருநாவுக்கரசு
எழுதியுள்ளார். ஒளிப்பதிவாளர் தே.ஸ்ரீ.வாசன், படத்தொகுப்பாளர் ரேம்ப்
கா.முத்து ஆகியோர் தங்கள் பணிகளை சிறப்புறச் செய்து வருகின்றனர்.
இப்படத்தின் கதையையும் எடுக்கப்பட்ட முறையையும். தொகுத்து வரலாற்று ஆவண
நூலாகத் தயாரிப்பதோடு மட்டுமின்றி, ஈழமக்களின் வலியை பாடலாகவும்
வடித்துள்ளார் கவிஞர் கவிபாஸ்கர்.





விரைவில் இத்திரைப்படம் உலகெங்கும் வெளியாகி, உலகத்
தமிழர்களின் பாராட்டையும், ஆதரவையும் பெறும் என படக்குழுவினர்
எதிர்பார்த்துக் காத்திருக்கின்றனர்.








பேஸ்புக்: [You must be registered and logged in to see this link.] மின்னஞ்சல்: [You must be registered and logged in to see this link.]