சுடுகாட்டு கூரை ஊழல் வழக்கில் தீர்ப்பு; மாஜி அமைச்சர்கள் உள்பட 8 பேர் விடுதலை

மதுரை: தமிழகத்தில் அ.தி.மு.க., ஆட்சிகாலத்தில் சுடுகாட்டு கூரை
அமைப்பதில் ஊழல் நடந்த விகாரத்தில் சி.பி.ஐ., கோர்ட் இன்று தீர்ப்பளித்தது.
இதில் சம்பந்தப்பட்ட மாஜி அமைச்சர்கள் இருவர் உள்பட 8 பேர் விடுதலை
செய்யப்பட்டனர்.
ஜெ., முதல்வராக இருந்த (1995 ) நேரத்தில் தமிழகம் முழுவதும் மயானங்கள்
அமைக்கப்பட்டது. இதில் மதுரை சுற்றுப்பகுதியில் பல மயானங்கள் கட்டுவதில்
முறைகேடு நடந்தது.

இது தொர்டபாக தி.மு.க., ஆட்சிக்கு வந்ததும் அ.தி.மு.க.,வினர் மீது
வருமானத்திற்கு அதிகமாக சொத்து சேர்த்தல், இலவச வேட்டிசேலை மற்றும் காலணி
வழங்குதலில் ஊழல், சுடுகாட்டுகூரை அமைப்பதில் ஊழல் என பல வழக்குகள் பதிவு
செய்யப்பட்டன.
உமாசங்கர் ஐகோர்ட்டில் மனு: மதுரையில் ஊரகப்பகுதியில்
சுடுகாட்டு கூரை அமைப்பதற்கு ஒதுக்கப்பட்ட நிதியில் முறைகேடு இருப்பதாக
அப்போதைய துணை கலெக்டர் உமாசங்கர் ஐகோர்ட்டில் மனுத்தாக்கல் செய்தார்.
இதனையடுத்துசி.பி.ஐ., விசாரிக்க ஐகோர்ட் உத்தரவிட்டது.
முதல்வராக இருந்த ஜெ., மீதான வழக்கு கர்நாடக சிறப்பு கோர்ட்டில்
நடந்து வருகிறது. சுடுகாட்டு கூரை ஊழல் வழக்கில் இன்று
தீர்ப்பளிக்கப்பட்டது. வழக்கை விசாரித்த நீதிபதி எம்.பி., ஜெகன்நாதன்,
போதிய ஆதாரங்கள் இல்லாததால் வழக்கில் சம்பந்தப்பட்டவர்கள் 8 பேரும் விடுதலை
செய்யப்படுவதாக தீர்ப்பளித்தார்.
இதன்படி மாஜி அமைச்சர்கள் செல்வகணபதி, ஈஸ்வரமூர்த்தி, இவரது உதவியாளர்
மோகன், ஊரக வளர்ச்சி துறை இயக்குனராக இருந்த சத்தியமூர்த்தி ஊரகவளர்ச்சி
துறை செயலர் ஆச்சாரியாலு, அசோக், ராஜகோபால், உள்பட 8 பேரும்
விடுதலையாயினர்.
போதிய ஆதாரங்கள் இல்லை : இந்த வழக்கில் 11 பேர் மீது குற்றம்
சுமத்தப்பட்டது. இதில் சம்பத் என்பவர் ஐகோர்ட் உத்தரவுப்படி
விடுவிக்கப்பட்டார்.இந்த வழக்கு தொடர்பாக 138 சாட்சிகள்
விசாரிக்கப்பட்டனர். குற்றங்களை நிரூபிக்கும்படியாக போதிய ஆதாரங்கள் இல்லை
என நீதிபதி தனது தீர்ப்பில் கூறியுள்ளார். சி.பி.ஐ.,சார்பில் வக்கீல்
தெய்வேந்திரன் ஆஜரானார். செல்வகணபதி தற்போது தி.மு.க.,வில் இருக்கிறார்.

அரசியல் வாதிகளின் சொத்து கணக்கை வருடந்தோறும் சமர்பிக்க வேண்டும் என்று ஒரு சட்டம் இயற்ற வேண்டும்.