பெற்றால்தான் பிள்ளையா இயக்கம்: நிதியுதவி அளிக்க கமல்ஹாசன், திரிஷா கோரிக்கை

எச்.ஐ.வி.யால் பாதிக்கப்பட்ட குழந்தைகளுக்கு உதவுவதற்கான பெற்றால்தான் பிள்ளையா? திட்டத்துக்கு பொதுமக்கள் நிதி உதவி அளித்து உதவ வேண்டும் என்று நடிகர் கமல்ஹாசன் உள்ளிட்ட முக்கிய பிரமுகர்கள் கோரிக்கை விடுத்துள்ளனர்.

பொதுவாகவே, தூய அன்பையும், வெகுளித்தனத்தையும் வெளிப்படுத்தக்கூடிய குழந்தைகளுக்கு உதவவும், பாசம் காட்டவுமே அனைவரும் விரும்புவர். இப்போது, நோய் பாதிப்பில் இருக்கும் குழந்தைகளுக்கு உதவுவதில் பலரும் தீவிரம் காட்டி வருகிறார்கள். சமூகப் பணிகளில் ஆர்வம் காட்டி வரும் நடிகர் கமல்ஹாசன் அதில் குறிப்பிடத்தக்கவர்.

எச்.ஐ.வி.யால் பாதிக்கப்பட்ட குழந்தைகளுக்கு உதவ நிதி திரட்டுவதற்காக, பாபுலேஷன் சர்வீசஸ் இன்டர்நேஷனல் (பி.எஸ்.ஐ.) என்னும் ஒரு நிறுவனமும், தமிழகத்தின் முன்னணி பண்பலை வரிசையுமான ஹலோ எப்.எம்-மும் இணைந்து கடந்த ஆண்டு முதல், பெற்றால்தான் பிள்ளையா? என்னும் இயக்கத்தை நடத்தி வருகின்றன. கடந்த ஆண்டில், இந்த இயக்கத்துக்கு பெயரிட்ட நடிகர் கமல்ஹாசன், பெரிதும் ஆதரவளித்தார்.

இந்த இயக்கத்துக்கு கடந்த ஆண்டில் 5 ஆயிரம் பேர் எஸ்.எம்.எஸ். அனுப்பி ஆதரவு தெரிவித்து உதவியதில் ரூ.23 லட்சம் நிதி குவிந்தது. இதன் மூலம் தமிழகத்தில் எச்.ஐ.வி.யால் பாதிக்கப்பட்ட 2,500 குழந்தைகள் மருத்துவ காப்பீடு பெற்றார்கள். இந்த ஆண்டும் நடிகர் கமல்ஹாசன் இந்த இயக்கத்துக்கு தனது ஆதரவுக்கரத்தை நீட்டியுள்ளார். எச்.ஐ.வி. பாதித்த குழந்தைகளுடனும், அவர்களுக்கு உதவுவோருடனும் ஹலோ எப்.எம். நிகழ்ச்சியில் அவர் கலந்து பேசினார். இந்த குழந்தைகளுக்கு ஆதரவு அளிக்குமாறும் கேட்டுக் கொண்டார்.

இது கேட்பவர்களின் நெஞ்சை உருக்குவதாக இருந்தது. இதுபோல், நடிகர்கள் மாதவன், திரிஷா, ரமேஷ் அரவிந்த் போன்றோரும் இந்த குழந்தைளுக்காக குறைந்தபட்சம் ரூ.750 தந்து உதவும்படி ஹலோ எப்.எம். நிகழ்ச்சிகளில் கோரிக்கை வைத்து தங்கள் குரல்களை பதிவு செய்துள்ளார்கள். மக்களுக்கு உதவ விரும்புகிறேன். இது போன்ற பணிகளில் ஈடுபடுவதில் நாள் முடிவில் எனக்கு பெரும் மகிழ்ச்சி ஏற்படுகிறது என்று திரிஷா கூறுகிறார்.

இந்த இயக்கத்துக்காக, பி.எஸ்.ஐ. நிறுவனம் நிதி திரட்ட இந்த ஆண்டும் நடவடிக்கைகளை மேற்கொண்டுள்ளது. கமல்ஹாசனின் ஈடுபாடும், இக்குழந்தைகளுக்கு உதவ பலருக்கும் உத்வேகத்தை ஏற்படுத்தியுள்ளது. டாடா டெலி சர்வீசஸ் நிறுவனமும், இதற்கான காசோலைகளை பொதுமக்கள் தங்கள் நிறுவன கிளைகளில் போடுவதற்கு அனுமதி அளித்துள்ளது.[img][/img]

கமல் மற்றும் த்ரிஷா ஆகியோரை பாராட்டலாம்