தலைவர் பதவியை சோனியா விட்டுத் தர வேண்டும்: பாஜக

by **ஜனனி** Fri Sep 03, 2010 7:12 am

Last Updated :

தலைவர் பதவியை சோனியா விட்டுத் தர வேண்டும்: பாஜக 2bjp

புது
தில்லி, செப்.2: காங்கிரஸ் கட்சியின் தலைவர் பதவியை நேரு குடும்பத்தைச்
சேராத ஒருவருக்கு சோனியா காந்தி விட்டுத் தர வேண்டும் என்று பாஜக கருத்து
தெரிவித்துள்ளது.÷பொதுவாக பிற கட்சி உள் விவகாரங்களில் எந்த
கட்சியும் கருத்து தெரிவிக்காது. ஆனால் முதல் முறையாக பாஜக இத்தகைய
கருத்தைத் தெரிவித்துள்ளது குறிப்பிடத்தக்கது.÷பிரதமர் பதவியைத்
தியாகம் செய்தவர் சோனியா காந்தி என்று காங்கிரஸôர் கூறுகின்றனர். இதைப்
போல கட்சித் தலைவர் பதவியையும் அவர் தியாகம் செய்யலாமே, என்று பாஜக
செய்தித் தொடர்பாளர் ரவிசங்கர் பிரசாத் கருத்து தெரிவித்துள்ளார்.÷தலைவர்
பதவிக்கு தொடர்ந்து நான்காவது முறையாக போட்டியின்றி சோனியா
தேர்ந்தெடுக்கப்பட உள்ளார். அவரை எதிர்த்து எவரும் போட்டியிடாத சூழலில்
அவர் தலைவர் பதவியை விட்டுத் தரலாமே என்று கூறினார்.÷காங்கிரஸ்
கட்சி விதிமுறைகளின்படி கட்சித் தலைவர் பதவிக்கு அக்கட்சியின் தேசிய,
மாநில, மாவட்ட அல்லது வட்டார தலைவராக தொடர்ந்து இரண்டு முறை கூட
போட்டியிடலாம். ÷காங்கிரஸ் கட்சித் தலைவராக சோனியா காந்தி போட்டியின்றி தேர்வுசெய்யப்பட்டதாக வெள்ளிக்கிழமை அறிவிக்கப்படும். ÷காங்கிரஸ்
கட்சி ஜனநாயக கட்சி எனக் கூறி வருகிறது. அது உண்மையானால், தலைவர் பதவிக்கு
எவர் வேண்டுமானாலும் போட்டியிடலாம். கட்சித் தலைவராக எவர் வேண்டுமானாலும்
வரலாம் என்ற நிலையை உருவாக்க ஏற்ற நேரம் இது. ÷காங்கிரஸ் கட்சித்
தலைவர் பதவிக்கு நேரு குடும்பத்தைச் சேர்ந்தவர்கள் தவிர திறமையானவர்கள்
அக்கட்சியில் உள்ளனர் என்று பாஜக கருதுகிறது.÷பாஜக நிர்வாகிகளை தேர்ந்தெடுப்பதில் ஜனநாயக முறை கடைப்பிடிக்கப்படுகிறது என்றார் ரவி சங்கர் பிரசாத்.