வெற்றிக்குப் போராடும் இந்தியா (53-3)

by **ஜனனி** Sat Aug 07, 2010 7:47 am

Last Updated :

வெற்றிக்குப் போராடும் இந்தியா (53-3) Spt2

ரன் ஏதும் எடுக்காமல் விக்கெட்டை பறிகொடுத்து ஏமாற்றத்துடன் பெவிலியன் திரும்பும் சேவாக்.

கொழும்பு, ஆக. 6: மூன்றாவது டெஸ்ட் ஆட்டத்தில் வெற்றி பெற இந்திய அணிக்கு 257 ரன்களை வெற்றி இலக்காக இலங்கை நிர்ணயித்துள்ளது.4-வது
நாள் ஆட்ட நேர இறுதியில் இந்தியா 3 விக்கெட்டுகள் இழப்புக்கு 53 ரன்களை
எடுத்துள்ளது. சனிக்கிழமை 5-ம் நாள் ஆட்டத்தில் இந்தியா மேலும் 204 ரன்கள்
எடுத்தால் வெல்லும். 7 விக்கெட்டுகள் கைவசம் உள்ள நிலையில் இந்தியா வெற்றி
இலக்கை எட்டி இந்த ஆட்டத்தில் வெற்றி பெறும் என்று
எதிர்பார்க்கப்படுகிறது. அவ்வாறு வெற்றி பெற்றால் டெஸ்ட் தொடர் 1-1 என்ற
கணக்கில் டிராவில் முடியும்.முன்னதாக 2 விக்கெட் இழப்புக்கு 45
ரன்கள் என்ற முந்தையநாள் ஸ்கோருடன் இலங்கை அணி 2-வது இன்னிங்ûஸத்
தொடர்ந்தது. சங்ககரா, ரணதேவ் ஆகியோர் ஆட்டத்தைத் தொடர்ந்தனர். 6 ரன்கள்
எடுத்திருந்தபோது ரணதேவ், ஓஜா பந்துவீச்சில் எல்பிடபிள்யூ முறையில்
ஆட்டமிழந்தார்.அடுத்து வந்த மஹேல ஜெயவர்த்தனே 5 ரன்களில்
வெளியேறினார். தொடர்ந்து கேப்டன் சங்ககராவும் (28 ரன்கள்) விக்கெட்டை
பறிகொடுத்தார். மேத்யூஸ் 5 ரன்களுக்கும், பிரசன்னா ஜெயவர்த்தனே ரன் ஏதும்
எடுக்காமலும் மிஸ்ராவின் பந்து வீச்சில் அடுத்தடுத்து வீழ்ந்தனர்.இதனால்
87 ரன்களுக்கு 7 விக்கெட்டுகளை இழந்து இலங்கை அணி தத்தளித்தது. தொடர்ந்து
சமரவீராவும், மலிங்காவும் ஜோடி சேர்ந்து நிதானமாக விளையாடினர். ஸ்கோர் 125
ஆக உயர்ந்தபோது மலிங்கா (15 ரன்கள்), சேவாக் பந்தில் எல்பிடபிள்யூ
முறையில் அவுட் ஆனார். சோதித்தார் மெண்டிஸ்:அடுத்து வந்து மெண்டிஸ்
நிலைத்து நின்று விளையாடி இந்திய பந்து வீச்சாளர்களை சோதித்தார்.
மறுமுனையில் சமரவீராவும் நிதானமாக விளையாடினார். இந்த ஜோடி இலங்கை அணி
ஸ்கோர் உயர முக்கியக் காரணமாக இருந்தது.இந்த ஜோடி 9-வது
விக்கெட்டுக்கு 118 ரன்கள் குவித்தது. ஸ்கோர் 243 ரன்களாக இருந்தபோது
மிதுன் பந்தில் தோனியிடம் கேட்ச் கொடுத்து சமரவீரா வெளியேறினார். அவர் 139
பந்துகளில் 83 ரன்கள் எடுத்தார்.தொடர்ந்து வெலகெதேரா களம்
இறங்கினார். ஸ்கோர் 267 ஆக இருந்தபோது இலங்கை அணியின் 2-வது இன்னிங்ஸ்
முடிவுக்கு வந்தது. 78 ரன்கள் எடுத்திருந்த மெண்டிûஸ மிஸ்ரா அவுட்
ஆக்கினார். அவர் 157 பந்துகளை எதிர்கொண்டு ஒரு சிக்ஸர், 10 பவுண்டரிகளை
விளாசி இந்த ரன்களை எடுத்தார். இந்திய தரப்பில் ஓஜா, சேவாக், மிஸ்ரா
ஆகியோர் தலா 3 விக்கெட்டுகளை வீழ்த்தினர்.இலங்கை அணி முதல்
இன்னிங்ஸில் 425 ரன்கள், 2-வது இன்னிங்ஸில் 267 ரன்கள் எடுத்துள்ளது.
இந்திய அணி முதல் இன்னிங்ஸில் 436 ரன்கள் எடுத்தது. இதன் மூலம் இந்திய அணி
வெற்றி பெற 257 என்ற இலக்கு நிர்ணயிக்கப்பட்டது.இந்தியா
தடுமாற்றம்: அடுத்து வெற்றியை எட்டிப்பிடிக்கும் முயற்சியில் இந்தியா
2-வது இன்னிங்ஸில் களம் இறங்கியது. முரளி விஜயும், சேவாக்கும் ஆட்டத்தைத்
தொடர்ந்தனர். ரணதேவ் வீசிய 2-வது ஓவரில் சேவாக் ரன் ஏதும் எடுக்காமல்
அவுட் ஆனார். அவர் முதல் இன்னிங்ஸில் சதமடித்தார் என்பது
குறிப்பிடத்தக்கது. அடுத்து வந்த திராவிடையும் (7ரன்கள்) ரணதேவ்
வெளியேற்றினார். தொடர்ந்து விஜயுடன் சச்சின் ஜோடி சேர்ந்தார். இந்த
ஜோடியும் நீடிக்கவில்லை. 27 ரன்கள் எடுத்திருந்தபோது விஜயும்
ஜெயவர்த்தனேயிடம் கேட்ச் கொடுத்து வெளியேறினார். இவரும் ரணதேவ் பந்து
வீச்சில்தான் வீழ்ந்தார் என்பது குறிப்பிடத்தக்கது.மேலும் 204
ரன்கள்:4-வது நாள் ஆட்ட நேரம் முடிவில், இந்தியா 3 விக்கெட்டுகள்
இழப்புக்கு 53 ரன்கள் எடுத்திருந்தது. சச்சின் 11 ரன்களுடனும், இஷாத்
சர்மா 2 ரன்களுடன் களத்தில் உள்ளனர்.மேலும், 204 ரன்கள் சேர்த்தால்
இந்திய அணி வெற்றி பெறும். 7 விக்கெட்டுகள் கைவசம் உள்ள நிலையில், இன்னும்
204 ரன்கள் எடுப்பது கடினமல்ல. சச்சின், லட்சுமண், ரெய்னா, தோனி என சிறந்த
பேட்ஸ்மேன்கள் உள்ளதால், இந்தியா டெஸ்டை வென்று தொடரை டிரா செய்யும் என
இந்திய ரசிகர்கள் எதிர்பார்க்கின்றனர்.ஸ்கோர் போர்டுஇலங்கை முதல் இன்னிங்ஸ் 425இந்தியா முதல் இன்னிங்ஸ் 436இலங்கை 2-வது இன்னிங்ஸ் 267பரணவிதன (சி) தோனி (பி) சேவாக் 16தில்ஸôன் (சி)விஜய் (பி) சேவாக் 13சங்ககரா (சி) ரெய்னா (பி) ஓஜா 28ரணதேவ் எல்.பி.டபிள்யூ (பி) ஓஜா 6ஜெயவர்த்தனே (சி) திராவிட் (பி) ஓஜா 5சமரவீரா (சி) தோனி (பி) மிதுன் 83மேத்யூஸ் (சி) சச்சின், (பி) மிஸ்ரா 5பி.ஜெயவர்த்தனே எல்.பி.டபிள்யூ (பி) மிஸ்ரா 0மலிங்கா (சி) எல்.பி.டபிள்யூ (பி) சேவாக் 15மெண்டிஸ் (சி)ரெய்னா (பி)மிஸ்ரா 78வெலகேதேரா (அவுட் இல்லை) 4இந்தியா 2-வது இன்னிங்ஸ் 53-3விஜய் (சி) பி. ஜெயவர்த்தனே (பி) ரணதேவ் 27சேவாக் (சி) பி. ஜெயவர்த்தனே (பி) ரணதேவ் 0திராவிட் (பி)ரணதேவ் 7 சச்சின் (அவுட் இல்லை) 11இஷாந்த் சர்மா (அவுட் இல்லை) 2 உபரி 6