ராஜீவ்காந்தி சொன்னதை கேட்டிருந்தால் முடிசூடா மன்னனாக இருந்திருப்பார் பிரபாகரன் – ப.சிதம்பரம். Posted on ஜூலை 20, 2010

ராஜீவ்காந்தி சொன்னதை கேட்டிருந்தால் முடிசூடா மன்னனாக இருந்திருப்பார் பிரபாகரன் – ப.சிதம்பரம்.
Posted on ஜூலை 20, எ ம்

விடுதலைப் புலிகளின் தலைவர் பிரபாகரன் எமது எதிரியல்ல, அவர் தெரிவு செய்த பாதையைத் தான் நாம் எதிர்த்தோம் என்று இந்திய உள்துறை அமைச்சர் ப. சிதம்பரம் தெரிவித்துள்ளார்.
தமிழ்நாட்டு முன்னாள் முதல்வர் காமராஜரின் 108 ஆவது பிறந்த நாள் மற்றும் காங்கிரஸ் கட்சியின 125 ஆவது ஆண்டு நிறைவை முன்னிட்டு விருதுநகரில் நடைபெற்ற பொதுக்கூட்டம் ஒன்றில் பேசும் போதே அவர் இவ்வாறு தெரிவித்தார்.
அங்கு தொடர்ந்து உரையாற்றிய ப. சிதம்பரம்,
“முன்னாள் இந்தியப் பிரதமர் ராஜிவ்காந்தி கேட்டுக் கொண்டபடி இந்திய – சிறிலங்கா உடன்படிக்கையை ஏற்றுக் கொண்டிருந்தால் புலிகளின் தலைவர் பிரபாகரன் வடக்கு – கிழக்கு மாகாணத்தின் ‘முடிசூடா மன்னனாக’ இருந்திருப்பார்.
நான் பிரபாகரனைச் சந்தித்துப் பல மணிநேரம் பேசியிருக்கிறேன். அவர் எமது எதிரியாக இருக்கவில்லை. அவர் தெரிவு செய்த பாதையைத் தான் எதிர்த்தோம்.
ஒரு நாட்டின் அபிவிருத்திக்கு அமைதி முக்கியமானது. வன்முறைகளும் கிளர்ச்சியும் ஒரு நாட்டை அபிவிருத்தி அடையச் செய்யாது.
சிறிலங்காவில் போரினால் பாரிய உயிரழிவுகளும் சொத்து இழப்புகளும் தான் ஏற்பட்டன. சிறிலங்காவில் அமைதி திரும்பியுள்ளது.
அங்கு இடம்பெயர்ந்த தமிழர்களுக்காக இந்தியா 3600 கோடி ரூபா உதவிகளை வழங்கியுள்ளது.
அத்துடன் சிறிலங்காவின் வடக்கில் 50,000 வீடுகளை அமைக்க இந்திய அரசாங்கம் 1000 கோடி ரூபாவை ஒதுக்கியுள்ளது.
காங்கேசன்துறை துறைமுகத்தை மீளமைக்கும் பணிகளையும், பலாலி விமான நிலையத்தை திருத்தியமைக்கும் பணியையும் இந்தியா மேற்கொள்கிறது.
இன்னும் இரண்டு வருடங்களில் இடம்பெயர்ந்த இரண்டரை இலட்சம் மக்களும் புனர்வாழ்வு பெற்று தமது வீடுகளில் வசிப்பார்கள் என்று நம்புகிறேன்.” என்று தெரிவித்தார்.

இந்த முட்டாளுக்கு மாவோஸ்ட் களை அடக்க முடியவில்லை வெட்டி வீண் பேசு