923 உள்ளாட்சி பதவிகளுக்கு ஜூலை 22-ல் தேர்தல்: வேட்பு மனு தாக்கல் இன்று தொடக்கம்

சென்னை, ஜூலை 2:
தமிழகத்தில் பல்வேறு உள்ளாட்சி அமைப்புகளில் காலியாக உள்ள 923
பதவியிடங்களுக்கு இந்த மாதம் 22-ம் தேதி தேர்தல் நடைபெறும் என தமிழ்நாடு
மாநில தேர்தல் ஆணையம் அறிவித்துள்ளது. இதற்கான வேட்பு மனு தாக்கல் சனிக்கிழமை தொடங்குகிறது.சிற்றூராட்சி
முதல் மாநகராட்சி வரை பல்வேறு உள்ளாட்சி அமைப்புகளில் தேர்ந்தெடுக்கப்பட்ட
உறுப்பினர்கள் பதவி விலகியது, பதவி நீக்கம் செய்யப்பட்டது, உறுப்பினர்
இறந்தது உள்ளிட்ட காரணங்களால் ஏற்பட்ட காலியிடங்களுக்கு புதிய
உறுப்பினர்களை தேர்வு செய்வதற்கான தேர்தலை நடத்த மாநில தேர்தல் ஆணையம்
முடிவு செய்தது.இதன்படி கடந்த ஏப்ரல் 30-ம் தேதி வரை ஏற்பட்ட 923
காலியிடங்களுக்கு தேர்தல் நடத்துவது தொடர்பான அறிவிப்பை தமிழ்நாடு மாநில
தேர்தல் ஆணையம் வெள்ளிக்கிழமை வெளியிட்டது. ஊரக உள்ளாட்சிகளில் தேர்தல் நடைபெற உள்ள உள்ளாட்சி பதவியிடங்கள் விவரம்: நாமக்கல், திருவண்ணாமலை, திருவாரூர், வேலூர் ஆகிய மாவட்டங்களில் காலியாக உள்ள 4 மாவட்ட ஊராட்சி வார்டு உறுப்பினர் பதவியிடங்கள். ஜெயங்கொண்டம்,
அண்ணாகிராமம், ஆத்தூர், தொப்பம்பட்டி, அம்மாபேட்டை, சென்னிமலை,
ஸ்ரீபெரும்புதூர், பர்கூர், காவேரிபட்டினம், கொட்டாம்பட்டி, டி
கல்லுப்பட்டி, குத்தாலம், மயிலாடுதுறை, வேதாரண்யம், அரிமளம், கரம்பக்குடி,
எடப்பாடி, உதகமண்டலம், அனக்காவூர், சாத்தான்குளம், உடன்குடி, மணப்பாறை,
மானூர், வள்ளியூர், ஊத்துக்குளி, பள்ளிப்பட்டு, பூண்டி, சோழவரம்,
ஜோலார்பேட்டை, முகையூர், தியாகதுர்கம் ஆகிய ஊராட்சி ஒன்றியங்களில் காலியாக
உள்ள மொத்தம் 32 வார்டு உறுப்பினர் பதவியிடங்கள். பல்வேறு
மாவட்டங்களில் காலியாக உள்ள 94 சிற்றூராட்சித் தலைவர் பதவியிடங்கள்
மற்றும் அந்தந்த ஊராட்சிகளில் காலியாக உள்ள 710 வார்டு உறுப்பினர்
பதவியிடங்கள் என ஊரக உள்ளாட்சிகளில் மொத்தம் 840 பதவியிடங்களுக்கு தேர்தல்
நடைபெற உள்ளது. நகர்ப்புற உள்ளாட்சி அமைப்புகளில், திருச்சி
மாநகராட்சியில் காலியாக உள்ள 28-வது வார்டு, சிதம்பரம், ராசிபுரம்,
ஆத்தூர், கும்பகோணம், கம்பம், புளியங்குடி, சங்கரன்கோவில், தாராபுரம்,
குடியாத்தம், விழுப்புரம் ஆகிய நகராட்சிகளில் காலியாக உள்ள 13
பதவியிடங்களுக்கு தேர்தல் நடைபெற உள்ளது.குனியமுத்தூர், புஞ்சை
புளியம்பட்டி, வேதாரண்யம், நரசிங்கபுரம், மேல்விஷாரம் ஆகிய மூன்றாம் நிலை
நகராட்சிகளில் காலியாக உள்ள 7 பதவியிடங்கள், அரியலூர், கோவை, திண்டுக்கல்,
திருநெல்வேலி, திருவண்ணாமலை, வேலூர், திருவள்ளூர், திருப்பூர்,
விழுப்புரம், திருச்சி உள்ளிட்ட பல்வேறு மாவட்டங்களில் உள்ள
பேரூராட்சிகளில் காலியாக உள்ள 83 பதவியிடங்களுக்கும் தேர்தல்
அறிவிக்கப்பட்டுள்ளது.2,034 வாக்குச்சாவடிகள்... இந்த தேர்தலுக்காக
நகர்ப்புற உள்ளாட்சி பதவிகளுக்கான தேர்தலுக்கு 1,934 வாக்குச் சாவடிகளும்,
நகர்ப்புற உள்ளாட்சிகளில் 100 வாக்குச் சாவடிகளும் என மொத்தம் 2,034
வாக்குச் சாவடிகள் அமைக்கப்படும். இதில் நகர்ப்புறப் பகுதிகளில் அமைக்கப்படும் 100 வாக்குச் சாவடிகளிலும் மின்னணு வாக்குப்பதிவு இயந்திரங்கள் பயன்படுத்தப்படும். தேர்தல்
விதிமுறைகளின்படி தேர்தலில் போட்டியிடும் வேட்பாளர்கள் தேர்தல் முடிவு
அறிவிக்கப்பட்ட நாளில் இருந்து 30 நாள்களுக்குள் தேர்தல் கணக்குகளை
தாக்கல் செய்ய வேண்டும். அவ்வாறு தாக்கல் செய்யாதவர்கள் அடுத்த 3
ஆண்டுகளுக்கு தேர்தலில் போட்டியிடுவதில் இருந்து தகுதி நீக்கம்
செய்யப்படுவார்கள் என தேர்தல் ஆணையத்தின் அறிவிப்பில்
குறிப்பிடப்பட்டுள்ளது.தேர்தல் கால அட்டவணைவேட்பு மனு தாக்கல் தொடக்கம் 3-7-2010வேட்பு மனுக்கள் தாக்கல் செய்ய கடைசி நாள் 10-7-2010வேட்பு மனுக்கள் பரிசீலனை 12-7-2010வேட்பு மனுக்கள் திரும்பப் பெறுதல் 14-7-2010வாக்குப் பதிவு 22-7-2010வாக்கு எண்ணிக்கை 24-7-2010