குறைந்த மார்க் எடுத்தவர்களை அரசு பள்ளியில் சேர்க்க தயக்கம்

by **ஜனனி** Tue Jun 22, 2010 7:13 am

முதுகுளத்தூர் : குறைந்த மார்க் எடுத்த மாணவர்களை சேர்க்க அரசு
பள்ளிகளில் தயக்கம் காட்டி வருவதால் மாணவர்கள், பெற்றோர்கள்
கவலையடைந்துள்ளனர்.
அரசு பள்ளிகள் கடந்த சில ஆண்டுகளாக 10, 12 ஆம் வகுப்புகளில் மாநில
அளவில் முதல் இடங்களையும், தனியார் பள்ளிகளை விட அதிக தேர்ச்சி விகிதமும்
பெற்று தனியார் பள்ளிகளுக்கு சவால் விட்டு வருகிறது. சில தனியார்
பள்ளிகளில் 400, 450 மார்க் எடுத்து நன்றாக படிக்க கூடிய மாணவர் களை
மெருகூட்டி, தங் களது பள்ளிகளை மாநில அளவில் அடையாளம் காட்டி வருகிறது.
அரசு பள்ளிகளில் திறமையான ஆசிரியர்கள் நியமிக்கப்பட்டபோதும், கல்வி தரம்
உயராமல் இருப்பதை அறிந்த கல்வித்துறை அரசு ,பள்ளிகளில் மாணவர்களின்
தேர்ச்சி, சாதிக்ககூடிய அளவில் ஆசிரியர்களை முடுக்கிவிட்டது. இதன்விளைவாக
அரசு பள்ளிகளில் மாணவர்கள் மாநில அள வில் சாதனை செய்து வருவது
குறிப்பிடத்தக்கது.
ஆனால் முதுகுளத்தூர் பகுதி அரசு பள்ளிகளில் 10 ம் வகுப்பில் குறைந்த
மார்க் எடுத்த மாணவர்களை 11 ம் வகுப்பில் சேர்க்க தயக்கம் காட்டுவதோடு,
வேறொரு பள்ளிகளில் வெக்கேசனல் கோர்சுகளை எடுத்து படிக்க மாணவர்களை
ஆசிரியர்கள் மூளை சலவை செய்து வருகின்றனர். இதனால் கிராமங்களில் உள்ள அரசு
உயர்நிலைபள்ளிகள், மேல்நிலைப்பள்ளிகளாக தரம் உயர்த்தப்பட்டும் மாணவர்களின்
மேல்படிப்பு கேள்விக்குறியாக வருகிறது. தங்களது பகுதிகளில் உள்ள நடுநிலை,
உயர்நிலைபள்ளிகளை மேல்நிலைப்பள்ளிகளாக தரம் உயர்த்த கிராம மக்கள் தங்களது
சொந்த பணத்தை செலுத்தி கூடுதல் அந்தஸ்து பெற்றும், கிராம மாணவர்களின்
மேல்நிலைக்கல்வி இன்னும் கேள்விக்குறியதாகவே உள்ளது.
மாணவர்களை இடைநிறுத்தம் செய்யகூடாது என அரசு சார்பில் ஆசிரியர்கள்
பல்வேறு ஊர்வலம் நடத்தியும், அரசு பள்ளிகளில் படித்து, குறைந்த மார்க்
எடுத்தவர்களை பள்ளிகளில் சேர்க்க ஆசிரியர்கள் தயக்கம் காட்டி வருவது பெற்
றோர்களை கவலையடைய செய்துள்ளது. மாவட்ட கல்வித்துறை அதிகாரிகள் உரிய
நடவடிக்கை எடுக்க வேண்டும்