போட்டோஷாப் Clipping Mask இன் பயன்பாடு

போடோஷாபில் ஒரே மாதிரியான டிசைனை பல வழிகளில் பயன்படுத்தலாம். அது
போலவே இன்று நாம் பார்க்கப்போகும் டிசைனையும் நாம் இன்னும் சில வழிகளில்
உருவாக்கலாம். அனால் என்னை பொருத்தவரை இதுவே சிறந்த முறையாகும் அதை விட
இதை செய்வதும் மிகவும் சுலபம்.
Clipping Mask என்பது ஒரு லேயரில் உள்ள ஆப்ஜக்டின் உருவ அமைப்பை
பொறுத்து அதை தவிர்த்து மீதமுள்ள இடங்களை மறைக்க உதவுகிறது. உதாரணமாக
உங்களுடைய பெயரை தட்டச்சு செய்து அதை ஒரு புகைபடத்தினுள் வைத்து
புகைப்படத்தின் பிற பகுதிகளை மறைக்கலாம். இதனால் அந்த புகைப்படம்
உங்களுடைய பெயரின் பின்புலத்தில் மட்டும் தெரியும். உதாரணமாக கீழே உள்ள
புகைப்படத்தை பாருங்கள்.

முதலில் போடோஷோபில் ஒரு புதிய டாக்குமெண்டை படத்தில் குறிப்பிட்டுள்ள அளவில் திறந்து கொள்ளவும்.

அடுத்து உங்களுக்கு பிடித்த புகைப்படத்தை போட்டோஷாப்பில் திறந்து அதை
அப்படியே நீங்கள் புதிதாக திறந்து வைத்திருக்கும் விண்டோவில் பேஸ்ட்
செய்யவும். இப்பொழுது படத்தில் உள்ளது போல உங்களுடைய புகைப்படம் Layer 1
இல் இருக்கும்.

அடுத்து போட்டோஷாப் டூல்பாக்ஸில் உள்ள Text tool ஐ தேர்வு செய்து
உங்களுடைய பெயரையோ அல்லது நீங்கள் விரும்பிய பெயரை தட்டச்சு செய்து
கொள்ளவும். இதற்கு நல்ல தடிமனான எழுத்துருவை தேர்ந்தெடுக்கவும். பின் Ctrl
+ T (Free Transform) கொடுத்து உங்களுடைய டெக்ஸ்ட் லேயரின் உயரத்தை
உங்களுக்கு வேண்டிய அளவு கூட்டவும். இதை செய்யும் போது விசைபலகையில் Alt +
Shift ஐ பிடித்துக்கொண்டு இழுத்தால் லேயரின் இருபுறமும் உயரும். இப்பொழுது
விசைபலகையில் Enter பட்டனை அழுத்தி Free Transform ஐ முடிக்கவும்.
இப்பொழுது உங்களுடைய டெக்ஸ்ட் லேயரை சுற்றியிருந்த கோடு மறைந்துவிடும்.
இது உங்கள் புகைப்படம் எழுத்தினுள் தெளிவாகத் தெரிய உதவும்.

இப்பொழுது Layer Palette இல் உள்ள டெக்ஸ்ட் லேயரை டிராக்
செய்து Background layer உக்கும் Layer 1 உக்கும் இடையில் வந்து
வைக்கவும். மறக்காமல் டிராப் செய்தவுடன் Layer 1 ஐ தேர்வு செய்து
கொள்ளவும். ஏனென்றால் தேர்வு செய்துள்ள லேயருக்கு மட்டும் தான் மாஸ்கிங்
செய்யப் போகிறோம். உங்களுடைய லேயர் பேலட் படத்தில் உள்ளவாறு இருத்தல்
வேண்டும்.



இப்பொழுது Layer மெனுவில் உள்ள Create Clipping Mask மெனுவை தேர்ந்தெடுக்கவும். இப்பொழுது கீழே உள்ளவாறு உங்களுடைய படம் தெரியும்.

வெள்ளை நிற பின்னணியில் அழகாய் தெரிந்தாலும் இதற்கு Drop Shadow
கொடுத்தால் இன்னும் எடுப்பாய் தெரியும். இதற்கு உங்களுடைய layer palette
இல் உள்ள டெக்ஸ்ட் லேயரை வலது கிளிக் செய்து Blending Options ஐ கிளிக்
செய்யவும். பின் அதில் உள்ள Drop Shadow வை டிக் செய்து கீழே உள்ள
செட்டிங்குகளை அளிக்கவும்.


இப்பொழுது உங்களுடைய டெக்ஸ்ட் லேயரையோ அல்லது Layer 1 றையோ நீங்கள்
விரும்பிய இடத்தில் நகர்த்திக்கொள்ளாம். படைப்பு பிடித்திருக்கும் என
நம்புகிறேன்.