பாகிஸ்தான் அத்துமீறல்: இந்தியர்கள் இருவர் பலி

ஸ்ரீநகர், ஜூன் 20: எல்லையில் அத்துமீறி பாகிஸ்தான் சுட்டதில் இந்திய போர்ட்டர்கள் இருவர் ஞாயிற்றுக்கிழமை உயிரிழந்தனர்.÷இது குறித்து பாதுகாப்புத் துறை செய்தித் தொடர்பாளர் ஜே.எஸ்.பிரார் கூறியதாவது:÷இந்திய
எல்லையில் இருந்து எந்தவிதமான தூண்டுதலும் இல்லாதபோதும், ஸ்ரீநகரில்
இருந்து 140 கி.மீ. தொலைவில் உள்ள மாச்சில் செக்டாரில் ஞாயிற்றுக்கிழமை
காலை 7.30 மணியளவில் பாகிஸ்தான் ராணுவத்தினர் துப்பாக்கியால் சுட்டனர்.÷இதில் சம்பவ இடத்திலேயே போர்ட்டர்கள் இருவர் உயிரிழந்தனர். ஜவான்கள் இருவர் காயமடைந்தனர் என்றார்.÷இரு
நாடுகளின் வெளியுறவுச் செயலர்கள் அளவிலான பேச்சுவார்த்தை மற்றும் அமைச்சர்
ப.சிதம்பரம் பங்கேற்கும் சார்க் உள்துறை அமைச்சர்கள் மாநாடு இஸ்லாமாபாதில்
நடைபெற உள்ள நிலையில் இந்த அத்துமீறல் சம்பவம் நடைபெற்றுள்ளது.÷2003 நவம்பரில் இந்தியாவும், பாகிஸ்தானும் எல்லையில் சண்டை நிறுத்தத்துக்கு ஒப்புக் கொண்டன என்பது குறிப்பிடத்தக்கது.÷சண்டை
நிறுத்தத்துக்கு ஒப்புக் கொண்ட போதிலும் பாகிஸ்தான் இதேபோன்று பல முறை
அத்துமீறி இந்திய நிலைகளின் மீது தாக்குதல் நடத்தியுள்ளது. ÷இது குறித்து உரிய முறையில் இந்தியா புகார் தெரிவித்தும் கூட பாகிஸ்தானின் அத்துமீறல் இதுவரை நிறுத்தப்படவில்லை.÷காஷ்மீரை
தனி நாடாக்க வேண்டும் என பிரிவினை கோரும் பிரிவினைவாதிகளுக்கு பாகிஸ்தான்
ஆயுத உதவியும், நிதி உதவியும் அளித்து வருவது ஊரறிந்த ரகசியம். காஷ்மீரில்
பிரிவினைவாதம் நீர்த்துப் போகாமல் இருப்பதற்காக அவ்வப்போது
பாகிஸ்தானிலிருந்து ஊடுருவல்காரர்கள் ஜம்மு - காஷ்மீருக்குள் நுழைகின்றனர்.÷இதைத்
தடுப்பதற்காக, எல்லையில் கண்காணிப்புப் பணியை இந்தியா
தீவிரப்படுத்தியுள்ளது. எல்லையில் வேலி அமைத்தல், உயர் மின் கோபுரங்கள்
அமைத்தல், எல்லைப் பாதுகாப்புப் படையினர் அடிக்கடி ரோந்து செல்லுதல்,
அதற்கு வசதியாக சாலைகள் அமைத்தல் உள்ளிட்ட நடவடிக்கைகளை இந்தியா
மேற்கொண்டுள்ளது.÷சில நேரங்களில் இத்தகைய ஊடுருவல்காரர்களின்
நடமாட்டத்தை இந்திய எல்லை பாதுகாப்புப் படையினர் கண்காணித்துவிட்டால்
அவர்கள் மீண்டும் பாகிஸ்தானுக்குள் சென்றுவிடுகின்றனர்.÷இந்தியாவுக்குள்
மீண்டும் நுழைய தக்க தருணத்தை எதிர்பார்த்து அவர்கள் காத்திருக்கின்றனர்.
அதுபோன்ற சமயங்களில், ஊடுருவல்காரர்கள் இந்தியாவுக்குள் நுழைய வசதியாக,
இந்திய எல்லை பாதுகாப்புப் படையினரின் கவனத்தை திசை திருப்பும் வகையில்
பாகிஸ்தான் ராணுவத்தினர் எல்லையில் துப்பாக்கியால் சுடுகின்றனர்.÷இதுபோன்ற
அத்துமீறல் சம்பவங்களை நிறுத்துமாறு, ஜூன் 24-ல் நடைபெறும் வெளியுறவுச்
செயலர்கள் மாநாட்டில் இந்தியா வலியுறுத்தும் எனத் தெரிகிறது.