உண்ணாவிரதம் இருந்த வழக்கறிஞர்கள் கைது: சென்னை வழக்கறிஞர்களுக்கு ஜூலை 2 வரை காவல்

by **மாலதி** Sat Jun 19, 2010 6:54 am

Last Updated :

உண்ணாவிரதம் இருந்த வழக்கறிஞர்கள் கைது: சென்னை வழக்கறிஞர்களுக்கு ஜூலை 2 வரை காவல் 18chadvaca

வழக்கறிஞர்களை கைது செய்து, அழைத்துச் செல்லும் போலீஸôர்.

சென்னை,
ஜூன் 18: உயர் நீதிமன்றத்தில் தமிழை வழக்காடு மொழியாக்க வலியுறுத்தி
சென்னையில் உண்ணாவிரதப் போராட்டத்தில் ஈடுபட்ட 7 வழக்கறிஞர்கள்
வெள்ளிக்கிழமை கைது செய்யப்பட்டனர். அவர்கள் ஜூலை 2-ம் தேதி வரை நீதிமன்ற காவலில் சிறையில் அடைக்கப்பட்டுள்ளனர்.
சென்னை உயர் நீதிமன்றத்தில் தமிழை வழக்காடு மொழியாக்கக் கோரி, மதுரை உயர்
நீதிமன்ற கிளையில் வழக்கறிஞர்கள் சிலர் கடந்த 9-ம் தேதி முதல் தொடர்
உண்ணாவிரதப் போராட்டத்தில் ஈடுபட்டு வருகின்றனர்.÷தலைமை
நீதிபதியின் அறிவுரையின் பேரில், உண்ணாவிரதம் இருப்பவர்களுடன் மூத்த
நீதிபதிகள் ஆலோசனை நடத்தி அறிவுரை கூறிய பின்னரும் அதைக் கண்டு கொள்ளாமல்
தொடர்ந்து உண்ணாவிரதப் போராட்டத்தைத் தொடர்ந்தனர்.÷இந்த நிலையில்
வியாழக்கிழமை சென்னையிலும் சில வழக்கறிஞர்கள் அதே கோரிக்கையை வலியுறுத்தி
போராட்டத்தைத் தொடங்கினர். உடனடியாக உயர் நீதிமன்ற தலைமை நீதிபதி
தலைமையில் நிர்வாகக் குழு கூட்டம் கூட்டப்பட்டது. இதில் பல்வேறு
வழக்கறிஞர்கள் சங்கங்களின் தலைவர்கள் பங்கேற்றனர்.÷"வழக்கறிஞர்கள்
போராட்டம் நடத்துவது முறையற்றது. உடனடியாக அவர்கள் போராட்டத்தைக் கைவிட
வேண்டும்' என ஒருமனதாக கூட்டத்தில் முடிவெடுக்கப்பட்டது. இருந்தபோதும்
அவர்கள் தொடர்ந்து போராட்டத்தில் ஈடுபட்டனர்.÷இதனால் மதியமே,
மீண்டும் நிர்வாகக் குழு கூட்டம் கூடியது. இதில் உயர் நீதிமன்ற வளாகத்தில்
உண்ணாவிரதம் இருக்கும் வழக்கறிஞர்கள் அப்புறப்படுத்தப்பட வேண்டும். இதற்கு
பதிவாளர் (நிர்வாகம்) உரிய நடவடிக்கை எடுக்க வேண்டும் என உத்தரவிடப்பட்டது.÷நீதீமன்ற
உத்தரவுப்படி, சென்னை உயர் நீதிமன்ற வளாகத்தில் போராட்டத்தில் ஈடுபட்ட
வழக்கறிஞர்கள் சேசுபாலன், காசிநாத பாரதி, ராஜூ, பார்த்தசாரதி, எருசலேம்,
அங்கயர்கண்ணி, சக்திராணி ஆகிய 7 பேரை இரவு 10 மணி அளவில் போலீஸôர் கைது
செய்து, எஸ்பிளனேடு காவல் நிலையத்துக்கு கொண்டு சென்றனர். கைது
செய்யப்படுவதற்கு முன்பு, தங்களை எந்த அடிப்படையில் கைத செய்கிறீர்கள் என
வழக்கறிஞர்கள் வாதம் செய்தனர். உயர் நீதிமன்ற பதிவாளர் அளித்த புகாரைக்
காட்டி, போலீஸôர் அவர்களை கைது செய்தனர். வழக்கறிஞர்கள் மீது
சட்ட விரோதமாக கூடுதல், அரசு உத்தரவை மீறுதல், தற்கொலை முயற்சி ஆகிய
பிரிவுகளின் கீழ் வழக்குப் பதிவு செய்யப்பட்டுள்ளது. கைது
செய்யப்பட்ட வழக்கறிஞர்கள் சைதாப்பேட்டையில் உள்ள 7-வது பெருநகர
மாஜிஸ்திரேட் சாந்தினியின் வீட்டில், அவர் முன் ஆஜர்படுத்தப்பட்டனர்.
அவர்களை ஜூலை 2-ம் தேதி வரை நீதிமன்றக் காவலில் அடைக்க நீதிபதி
உத்தரவிட்டார். இதைத் தொடர்ந்து வழக்கறிஞர்கள் புழல் மத்திய
சிறைக்கு அழைத்துச் செல்லப்பட்டனர். இதுபோல், மதுரையில் 5 வழக்கறிஞர்கள்
கைது செய்யப்பட்டு மருத்துவமனையில் அனுமதிக்கப்பட்டனர்.÷திருநெல்வேலியில்
உண்ணாவிரதப் போராட்டத்தில் ஈடுபட்ட வழக்கறிஞர்கள் காலையில் கைது
செய்யப்பட்டு, மாலையில் சொந்த ஜாமீனில் விடுவிக்கப்பட்டனர்.