ஆசியக் கோப்பை கிரிக்கெட்: வங்கதேசத்தை எளிதில் வென்றது இந்தியா

by **மாலதி** Thu Jun 17, 2010 6:40 am

Last Updated :

ஆசியக் கோப்பை கிரிக்கெட்: வங்கதேசத்தை எளிதில் வென்றது இந்தியா Cr

தம்புல்லா, ஜூன் 16: ஆசிய கோப்பை கிரிக்கெட் போட்டியில் இந்திய அணி வங்கதேசத்தை 6 விக்கெட்டுகள் வித்தியாசத்தில் மிக எளிதாக வென்றது.
÷முதலில்
ஆடிய வங்கதேசம் 34.5 ஓவர்களில் 167 ரன்களுக்குச் சுருண்டது. இதைத்
தொடர்ந்து விளையாடிய இந்தியா 30.4 ஓவர்களில் 4 விக்கெட்டுகள் இழப்புக்கு
168 ரன்கள் எடுத்து வெற்றி கண்டது.
÷இலங்கையில் நடைபெற்று வரும் ஆசிய
கோப்பை கிரிக்கெட் போட்டியில் புதன்கிழமை தம்புல்லாவில் இந்திய அணி
வங்கதேசத்தை எதிர்கொண்டது. டாஸ் வென்ற வங்கதேசம் பேட்டிங்கைத்
தேர்ந்தெடுத்தது.
÷தொடக்க ஆட்டக்காரர்களாக தமீம் இக்பால், இம்ருல்
கெய்ஸýம் களம் இறங்கினர். 3-வது ஓவரில் தமீம் ஆட்டம் இழந்தார். அவர் 12
பந்துகளில் 22 ரன்கள் எடுத்து வெளியேறினார். அடுத்து வந்து முகமது
அஸ்ரப்உல் 20 ரன்களில் பெவிலியன் திரும்பினார்.
÷அடுத்து இம்ருல்லுடன்
ரஹீம் ஜோடி சேர்ந்தார். 16-வது ஓவரில் இம்ருல் விக்கெட்டை பறி கொடுத்தார்.
அவர் அணியில் அதிகபட்சமாக 37 ரன்கள் (35 பந்துகள்) எடுத்தார்.
÷17-வது ஓவரில் வங்கதேசம் 100 ரன்களைக் கடந்தது. அப்போதிருந்த நிலையில் அந்த அணி 250 ரன்கள் வரை எட்டும் என்று எதிர்பார்க்கப்பட்டது.
÷ஆனால்
பின்வரிசை ஆட்டக்காரர்கள் விரைவிலேயே ஆட்டம் இழந்தனர். 155 ரன்களுக்கு 5
விக்கெட்டுகளை இழந்திருந்த வங்கதேசம் 167 ரன்கள் எடுத்திருந்த போது
அனைத்து விக்கெட்டுகளையும் பறிகொடுத்தது. 34.5 ஓவரிலேயே அந்த அணி
சுருண்டது.
÷இந்திய தரப்பில் சேவாக் 2.5 ஓவர்கள் பந்து வீசி 4 விக்கெட்டுகளை வீழ்த்தினார்.
÷168
ரன்கள் என்ற எளிதான இலக்குடன் இந்தியா களம் இறங்கியது. தொடக்க ஆட்டக்காரர்
சேவாக் 11 ரன்களில் ஆட்டம் இழந்தாலும், மற்றொரு தொடக்க வீரர் கம்பீர்
நிலைத்து நின்று விளையாடினார்.
÷10-வது ஓவர் வீசப்பட்டுக்
கொண்டிருந்தபோது மைதானத்தில் உள்ள விளக்குகளில் பிரச்னை ஏற்பட்டதால் போதிய
வெளிச்சம் இல்லை. எனவே ஆட்டம் சிறிது நேரம் தடை பட்டது.
÷மீண்டும்
ஆட்டம் தொடங்கிய போது விராட் கோலி 11 ரன்களில் வெளியேறினார். அடுத்து வந்த
ரோஹித் சர்மா முதல் பந்திலேயே ரன் ஏதும் எடுக்காமல் பெவிலியன்
திரும்பினார்.
÷அடுத்து கம்பீருடன் ஜோடி சேர்ந்த கேப்டன் தோனி
பொறுப்பாக விளையாடினார். 30.1 ஓவரில் இந்திய அணி 158 ரன்கள்
சேர்த்திருந்தது. அப்போது கம்பீர் ஆட்டம் இழந்தார். அவர் 101 பந்துகளில்
82 ரன்கள் எடுத்தார். இதில் 6 பவுண்டரிகளும் அடங்கும். அடுத்து ரெய்னா
களம் கண்டார்.
÷30-வது ஓவரில் 3 மற்றும் 4 -வது பந்துகளை அடுத்தடுத்து
பவுண்டரிக்கு விரட்டி கேப்டன் தோனி, வெற்றிக்குத் தேவையான ரன்களை
எடுத்தார். இதன் மூலம் இந்தியா 6 விக்கெட்டுகள் வித்தியாசத்தில்
வங்கதேசத்தை வென்றது.
÷38 ரன்கள் எடுத்த தோனி கடைசி வரை ஆட்டம்
இழக்காமல் இருந்தார். கம்பீர் ஆட்ட நாயகனாகத் தேர்வானார். இந்த வெற்றி
மூலம் இந்திய அணி போனஸ் புள்ளிகளையும் சேர்ந்து மொத்தம் 5 புள்ளிகளைப்
பெற்றுள்ளது.
பாகிஸ்தானுடன் அடுத்த மோதல்: சனிக்கிழமை நடைபெறும் ஆட்டத்தில் இந்தியா, பாகிஸ்தானை எதிர்கொள்கிறது.
இலங்கையிடம்
பாகிஸ்தான் தோல்வி: ஆசிய கோப்பை கிரிக்கெட் போட்டியின் முதல் லீக்
ஆட்டத்தில் 16 ரன்கள் வித்தியாசத்தில் இலங்கையிடம் பாகிஸ்தான் தோற்றது.
÷செவ்வாய்க்கிழமை
நடைபெற்ற இந்த ஆட்டத்தில் முதலில் ஆடிய இலங்கை அணி 50 ஓவர்களில் 9
விக்கெட்டுகள் இழப்புக்கு 242 ரன்கள் எடுத்தது. பின்னர் ஆடிய பாகிஸ்தான்
அணி 47 ஓவர்களில் 226 ரன்களுக்கு ஆட்டமிழந்தது.