வழக்கறிஞர்கள் உண்ணாவிரதத்தை கைவிட ஜெயலலிதா வேண்டுகோள்

by **மாலதி** Thu Jun 17, 2010 6:38 am

Last Updated :

வழக்கறிஞர்கள் உண்ணாவிரதத்தை கைவிட ஜெயலலிதா வேண்டுகோள் Jj

சென்னை,
ஜூன் 16: சென்னை உயர் நீதிமன்றத்தில் தமிழில் வாதாட அனுமதிக்கக் கோரி
மதுரையில் வழக்கறிஞர்கள் மேற்கொண்டுள்ள உண்ணாவிரதப் போராட்டத்தை
கைவிடுமாறு அதிமுக பொதுச்செயலாளர் ஜெயலலிதா வேண்டுகோள் விடுத்துள்ளார்.
÷வழக்கறிஞர்களின்
உண்ணாவிரதம் குறித்து செவ்வாய்க்கிழமை அறிக்கை வெளியிட்ட முதல்வர்
கருணாநிதி, ""இந்தியாவின் ஆட்சி மொழிகளில் ஒன்றாக தமிழ் இருக்க வேண்டும்
என்பதுதான் திமுகவின் கொள்கை.
உயர் நீதிமன்றத்தில் தமிழில் வாதாட அனுமதிக்கக் கோரி மதுரையில் வழக்கறிஞர்கள் உண்ணாவிரதம் இருந்து வருகிறார்கள்.
இது
குறித்து மத்திய சட்ட அமைச்சர் வீரப்ப மொய்லியுடன் மத்திய அமைச்சர்
மு.க.அழகிரி தொலைபேசியில் பேசியுள்ளார். இப்பிரச்னை குறித்து ஆலோசித்து
ஆவன செய்வதாக அவர் உறுதியளித்துள்ளார். இதையெல்லாம் மூடி மறைத்துவிட்டு
செம்மொழி மாநாட்டுக்கு ஊறுவிளைவிப்பவர்களின் எண்ணம் ஈடேறாது'' என்று
கூறியிருந்தார்.
அதற்கு பதிலளிக்கும் வகையில் அதிமுக பொதுச் செயலாளர் ஜெயலலிதா புதன்கிழமை வெளியிட்ட அறிக்கை:
சென்னை
உயர் நீதிமன்றத்தில் தமிழில் வாதாட அனுமதிக்க வேண்டும் என்ற கோரிக்கையை
வலியுறுத்தி ஜூன் 9 முதல் உயர் நீதிமன்றத்தின் மதுரை கிளை முன்பு
வழக்கறிஞர்கள் உண்ணாவிரதம் இருந்து வருகின்றனர்.
÷இதனைக் கண்டு கொள்ளாத
முதல்வர் கருணாநிதி, வழக்கறிஞர்களுக்கு ஆதரவாக நான் அறிக்கை விட்டதும்
மத்திய அமைச்சர் மு.க அழகிரி மூலம் ஒரு நாடகத்தை தொடங்கியிருக்கிறார்.
சென்னை
உயர் நீதிமன்றத்தில் தமிழில் வாதிடுவது குறித்து மத்திய சட்ட அமைச்சர்
வீரப்ப மொய்லியின் கவனத்துக்கு எடுத்துச் சென்றிருப்பதாகவும், இப்போது
இந்தப் பிரச்னை உள்துறை அமைச்சகத்தின் பரிசீலனையில் இருப்பதாகவும், 15
நாள்களுக்குள் முடிவு காணப்படும் என்று அழகிரி கூறியதாகவும் தெரிகிறது.
÷நாடாளுமன்றத்தில்
தமிழில் பேச வேண்டும் என்ற தனது கோரிக்கையையே நிறைவேற்ற முடியாத அழகிரி
இதுபோன்று கூறியிருப்பது நகைப்புக்குரியதாக இருக்கிறது.
ஆனால்,
போராட்டத்தில் ஈடுபட்டுள்ள வழக்கறிஞர்கள், ""தமிழில் வாதாடுவது குறித்து
மத்திய சட்ட அமைச்சர் வீரப்ப மொய்லி உறுதி அளிக்க வேண்டும். 15 நாள்களில்
முடிவு காணப்படும் என்று அழகிரி எழுதிக் கொடுக்க வேண்டும்'' என்று
தெரிவித்துள்ளனர்.
÷அதனால் போராட்டத்தில் ஈடுபட்டுள்ள வழக்கறிஞர்களை சந்திப்பதையே அழகிரி தவிர்த்து விட்டதாகத் தெரிகிறது.
திமுக
ஆட்சியில் வழக்கறிஞர்களின் எண்ணம் நிறைவேறாது என்பதால் உண்ணாவிரதம்
இருந்து தங்கள் இன்னுயிரை மாய்த்துக் கொள்ளும் முயற்சியில் வழக்கறிஞர்கள்
இறங்க வேண்டாம்.
÷அதிமுகவுக்கு வழக்கறிஞர்கள் மீது பரிவும், பாசமும் எப்போதும் உண்டு.
அதிமுக
ஆட்சியில் அவர்களின் பல்வேறு கோரிக்கைகளை நிறைவேற்றியுள்ளோம். உயர்
நீதிமன்றத்தில் தமிழில் வாதாட அனுமதிக்க வேண்டும் என்ற கோரிக்கையை அதிமுக
ஆதரிக்கிறது.
2011-ல் அதிமுக ஆட்சி அமைந்தவுடன் வழக்கறிஞர்களின்
கோரிக்கை நிறைவேற்றப்படும். எனவே, உண்ணாவிரதப் போராட்டத்தை கைவிட வேண்டும்
என்று ஜெயலலிதா கேட்டுக் கொண்டுள்ளார்.