இனி ரூ 299-க்கு 1 Mbps வேக வரையறையில்லா பிராட்பேண்ட்!

by **அருள்** Mon Jun 14, 2010 8:16 am

புதிய வேகத்தில் பிஎஸ்என்எல் பிராட்பேண்ட் இணைப்புகள்!
இனி ரூ 299-க்கு 1 Mbps வேக வரையறையில்லா பிராட்பேண்ட்! Broadband-1

டெல்லி: இந்திய தொலைத்
தொடர்பு சந்தையில் ஏற்பட்டுள்ள பெரும் போட்டி காரணமாக இனி ரூ 299-க்கு 1
Mbps திறன் கொண்ட வரையறையில்லா பிராட்பேண்ட் இணைப்பு கிடைக்கும் நிலை
ஏற்பட்டுள்ளது.
8 Mbps வேகம் கொண்ட பிராட்பேண்ட் இணைப்புகள் ரூ 1500-க்குள் தர பல்வேறு நிறுவனங்கள் அறிவிப்புகளை வெளியிடவிருக்கின்றன.
சமீபத்தில் 3 ஜி பிராட்பேண்ட் வயர்லெஸ் சேவைக்கான ஏலம் முடிந்தது.
இதில் இன்ஃபோடெல் நிறுவனம் 22 சர்க்கிள்களுக்கான உரிமத்தை வென்றுள்ளது.
இந்த நிறுவனத்தைத்தான் முகேஷ் அம்பானி வாங்கியுள்ளார்.
அண்ணனுக்கு ஆதரவாக, இந்த ஏலத்திலிருந்தே அனில் அம்பானியின் ரிலையன்ஸ் கம்யூனிகேஷன்ஸ் விலகிக் கொண்டது.
எனவே, ஏராளமான சலுகைத் திட்டங்களுடன் முகேஷின் ரிலையன்ஸ் நிறுவனம் பிராட்பேண்ட் சேவைகளை அளிக்கப் போகிறது.
அதே நேரம், இந்தப் போட்டியைச் சமாளிக்க, நிறைய சலுகைத் திட்டங்களை
போட்டி நிறுவனங்களும் அறிவித்தாக வேண்டிய கட்டாயத்தில் உள்ளன. ஏர்டெல்,
ஏர்செல், டாடா போன்ற நிறுவனங்களும் 3 ஜி பிராட்பேண்ட் சேவை வழங்க
காத்திருக்கின்றன.
இன்னொரு பக்கம் அரசுத் துறையின் பிஎஸ்என்எல், எம்டிஎன்எல்
நிறுவனங்களுக்கும் 3 ஜி பிராட்பேண்ட் சேவை உரிமம் வழங்கப்பட்டுள்ளது.
அனைத்து சர்க்கிள்களிலும் பிஎஸ்என்எல் சேவை கிடைக்கும். சில குறிப்பிட்ட
பகுதிகளில் மட்டும் எம்டிஎன்எல் சேவை கிடைக்கும்.
தனியார் மற்றும் அரசுத் துறை நிறுவனங்கள் போட்டி போட்டுக் கொண்டு
பிராட்பேண்ட் சேவை அளிப்பதால், 1 Mbps வரை வரையறையில்லா பிராட்பேண்ட்
இணைப்புக்கு ரூ 299 மட்டும் செலுத்தினால் போதும் என்ற நிலை
உருவாகியுள்ளது. இந்தத் திட்டத்துக்கு ட்ராயின் ஒப்புதலும் கிடைத்துள்ளது.
ஏற்கெனவே, பிஎஸ்என்எல் நிறுவனம் 2 Mbps வரை வேகம் கொண்ட பிராட்பேண்ட்
இணைப்புக்கு அதிகபட்சமாக ரூ 1350 வசூலிக்கிறது. (பிஎஸ்என்எல்லில் மட்டுமே
இந்த வசதி. மற்ற நிறுவனங்கள் 2 Mbps வரை அன்லிமிடட் என்று கூறிவிட்டு,
குறிப்பிட்ட அளவு டவுன்லோட் முடிந்ததும், 256 kbps ஆக சுருக்கிவிடுகின்றன.
இந்த மோசடியை வாடிக்கையாளர் உணர்வதே இல்லை. இன்னும் சில நிறுவனங்கள்,
அன்லிமிடட் என்று கூறிவிட்டு, ‘லிமிட் தாண்டிவிட்டீர்கள்’ என்று கூறி
பில்லில் தாறுமாறாக கட்டணத்தை ஏற்றுவதும் நடக்கிறது).
இனி இந்த கட்டணமும் மாறும். 8 Mbps வரையிலான பிராட் பேண்ட் இணைப்பை ரூ
1500-க்கே தரப்போகிறது பிஎஸ்என்எல். 4 Mbps வேகம் கொண்ட அன்லிமிடட்
பிராட்பேண்ட் இணைப்பு ரூ 800க்கே தரப்போகிறார்களாம்.
இதன்மூலம் விரைவான டவுன்லோட் மற்றும் தொலைக்காட்சி இணைப்பைப் (IPTV) பெற முடியும்.
தொழில்நுட்பம் வேகமெல்லாம் சரிதான்… பிஎஸ்என்எல் அலுவலர்களும் அதற்கேற்ற வேகத்துக்கு மாறினால் நன்றாக இருக்கும்!