சரத் பவாருக்கு மேலும் நெருக்கடி

by **மாலதி** Mon Jun 07, 2010 8:16 am

புதுடில்லி :ஐ.பி.எல்., அணி ஏலம் தொடர்பான விவகாரத்தில் மத்திய
அமைச்சர் சரத் பவாருக்கு மேலும் நெருக்கடி ஏற்பட்டுள்ளது. "இந்த விவகாரம்
தொடர்பாக, சரத் பவார் தனது நிலையை தெளிவுபடுத்த வேண்டும்' என, காங்கிரஸ்
கூறியுள்ளது.
ஐ.பி.எல்., கிரிக்கெட் தொடரின் புதிய அணிகளுக்கான ஏலத்தில், புனேயைச்
சேர்ந்த சிட்டி கார்ப்பரேஷன் நிறுவனம் பங்கேற்றது. இந்த நிறுவனம், புனே
அணியை ஏலம் எடுப்பதற்கு முயற்சித்தது. ஆனால், ஏலத்தில் சகாரா நிறுவனம்
வெற்றி பெற்றது. இதற்கிடையே, சிட்டி கார்ப்பரேஷன் நிறுவனத்தில் மத்திய
அமைச்சர் சரத் பவார், அவரது மகளும், எம்.பி.,யுமான சுப்ரியா சுலே
ஆகியோருக்கு பங்கு இருப்பதாக தகவல் வெளியானது. இதனால், சரத் பவாருக்கு
நெருக்கடி ஏற்பட்டது."ஏலத்தில் சிட்டி கார்ப்பரேஷன் நிறுவனத்தின் மேலாண்மை
இயக்குனர் அனிருத் தேஷ்பாண்டே, தனிப்பட்ட முறையில் பங்கேற்றார். அதில்
எங்களுக்கு எந்த தொடர்பும் இல்லை' என, சரத் பவாரும், சுப்ரியா சுலேவும்
கூறினர்.இந்நிலையில், ஏலத்தில் சரத் பவாருக்கும், அவரது மகளுக்கும் நேரடி
தொடர்புள்ளதாக தற்போது தகவல் வெளியாகியுள்ளது. தேஷ்பாண்டே தனிப்பட்ட
முறையில் பங்கேற்காமல், சிட்டி கார்ப்பரேஷன் சார்பில் தான் பங்கேற்றார்
என்பதற்கான ஆதாரம் கிடைத்துள்ளதாக தகவல் வெளியாகியுள்ளது. ஐ.பி.எல்.,
அமைப்புக்கு, சிட்டி கார்ப்பரேஷன் சார்பில் எழுதப்பட்ட கடிதத்தில் இது
தொடர்பான விஷயங்கள் இடம் பெற்றுள்ளன. இதனால், சரத் பவார் சம்பந் தம்
இருக்கிறது என்பதால் நெருக் கடி மேலும் அதிகரித் துள்ளது.
சரத் பவார் இதுகுறித்து கூறுகையில்,
"ஏலத்தில் எனக்கும், என் குடும் பத்தினருக் கும் இதில் எந்த தொடர்பும்
இல்லை. இது தொடர்பாக நான் முன்பு தெரிவித்த கருத் துக்களில் எந்த
மாற்றமும் இல்லை' என்றார்.
தேஷ் பாண்டே கூறியதாவது:
ஏலத்தில் பங்கேற்பதற்கான ஆவணங்களில் சிட்டி கார்ப்பரேஷன் நிறுவனத்தின்
பெயரை பயன்படுத்திக் கொள்வதற்கு, நிர்வாகக் குழு எனக்கு அனுமதி அளித்தது
உண்மை தான். ஆனால், ஏலத்தில் வெற்றி பெற் றால், வசதியாக புதிய நிறுவனத்தை
துவங்குவேன் என்றும், பங்குதாரர்களில் மாற்றம் இருக்கும் என்றும்,
ஐ.பி.எல்., அமைப்பிடம் நான் தெரிவித்தேன். இது தொடர்பான ஆவணங்கள்
அனைத்தையும் ஐ.பி.எல்., அமைப்பிடம் சமர்ப்பித்தேன்.ஏலத்தில் வெற்றி
பெறவில்லை என்பதால், இந்த விஷயத்தில் அடுத்த கட்டமாக வேறு எந்த
நடவடிக்கையும் மேற்கொள்ளப் படவில்லை. அதே நேரத்தில், ஏலத்தில் தனிப்பட்ட
முறையில் தான் பங்கேற்றேன் என்பதை மீண்டும் திட்டவட்டமாகக் கூற
விரும்புகிறேன். சரத் பவாருக்கோ, அவரது குடும்பத்தினருக்கோ இதில் எந்த
தொடர்பும் இல்லை.இவ்வாறு தேஷ்பாண்டே கூறினார்.
இதுகுறித்து காங்கிரஸ் செய்தி தொடர்பாளர் அபிஷேக் சிங்வி கூறுகையில்,
"ஐ.பி.எல்., தொடர்பாக ஏற்பட்டுள்ள சர்ச்சை குறித்து, சரத் பவார் தனது
நிலையை தெளிவுபடுத்த வேண்டும்' என்றார். "சரத் பவார் பதவி விலக வேண்டும்'
என, பா.ஜ., தொடர்ந்து வலியுறுத்தியுள்ளது.
மார்க்சிஸ்ட் கட்சியின் பொலிட் பீரோ உறுப்பினர் சீதாராம் யெச்சூரி
கூறுகையில், "ஐ.பி.எல்., விவகாரத்தில், பார்லிமென்ட் கூட்டுக்குழு
முழுமையாக விசாரணை நடத்த வேண்டும்' என்றார்.
வெளிநாட்டு பண முதலீடு?
இதற்கிடையே, ஐ.பி.எல்., அணிகளில் வெளிநாடு வாழ் இந்தியர்களின்
கறுப்புப் பணம் பெருமளவு முதலீடு செய்யப் பட்டுள்ளதாக தகவல்கள்
வெளியாகியுள்ளன. இவற்றில், சுவிஸ் வங்கிகளில் உள்ள கறுப்புப் பணமும்
அடக்கம் என்றும் சந்தேகம் எழுந்துள்ளது. இது தொடர்பாக, விசாரணை நடத்த
வேண்டும் என்று மத்திய நிதி அமைச்சகத்திற்கு, வருமான வரித்துறை கோரிக்கை
விடுத்துள்ளது thanks:dinamalar