எல்லாத்துக்கும் பணம் வாங்கும் அமைச்சர்' 'வாட்ஸ் ஆப்'பில் வாக்குமூலம்

அ.தி.மு.க.,வில், ஓ.பன்னீர்செல்வம் ஆதரவாளர்கள் நீக்கப்பட்ட நிலையில், அமைச்சர் முக்கூர் சுப்ரமணியம் ஆதரவாளரான, ஆரணி தொகுதி அ.தி.மு.க., செயலர் கார்த்திகேயனும், கட்சியிலிருந்து நீக்கப்பட்ட, முன்னாள் மாவட்ட செயலர் பையூர் சந்தானமும் பேசியதாக வெளியாகி உள்ள, 'வாட்ஸ் ஆப்' தகவல், பெரும் பரபரப்பை ஏற்படுத்தி உள்ளது. 

அவர்கள் பேசியதாக, 'வாட்ஸ் ஆப்'பில் வலம் வரும், எட்டு நிமிட பேச்சு விவரம் வருமாறு: 
பையூர் சந்தானம்: பயந்து பயந்து வாழ வேண்டியதா இருக்குது.
கார்த்திகேயன்: நான்கு நாட்களுக்கு முன், எனக்கும், அவருக்கும் (அமைச்சர் முக்கூர் சுப்ரமணியம்) லடாய் ஆயிடுச்சு; போன வாரம், பி.டபுள்யு.டி.,யில, 3 லட்சம் ரூபாய் பணம் 
வந்தது. அதை, கணக்கு போட்டு கழிச்சிட்டேன். ஆச்சா போச்சான்னாரு. என் பொண்ணு கல்யாணத்துக்கு, ஒரு லட்சம் ரூபாய் கொடுத்தாரு, அந்த பணத்தையும் கழிச்சிட்டேன். 
சந்தானம்: ஏம்பா, நீ இல்லாத பட்ட மனுஷன், ஏம்பா உனக்கு இந்ததொல்லை.
கார்த்திகேயன்: நம்பள தான் எல்லாம் சாவடிக்கிறானுங்க.
சந்தானம்: பா.ம.க.,வை எதிர்க்கிற மாதிரி, 'சீன்' போட்டு ஏன் இவரு, 'அம்மா'வை ஏமாத்துறாரு? 
கார்த்திகேயன்: ஊரு பூராம், இந்த ஆளு பண்ணது எல்லாம் தெரிஞ்சு போச்சு. காரி மூஞ்சி போச்சு (காரி துப்பிட்டாங்க). யாரும் இங்க வர்றது கிடையாதுன்னா, நகர செயலரும், ஒன்றிய செயலரும் தலையெழுத்தேன்னு வரானுங்க. 
பையூர் சந்தானம்: என்ன, பலன் ஒண்ணும் கிடையாது. ஏம்பா, பசுமை வீட்டுக்குக் கூடவா காசு வாங்கறான், அம்மாவோட திட்டமாச்சேப்பா. 
கார்த்திகேயன்: அம்மாதிட்டமாவது, அப்பா திட்டமாவது, வெம்பாக்கம் யூனியன்ல மட்டும், 13.50 லட்சம் ரூபாய் வசூல் பண்ணி, அவரிடம் கொடுத்திருக்கிறேன். 
சந்தானம்: ஜனங்க நாளைக்கு ஓட்டு போடுவானுங்களாப்பா? கார்த்திகேயன்: ஓட்டு போட்டா என்ன, போடாட்டா என்ன, எவன் தோத்தா இவனுக்கு என்ன? 
சந்தானம்: பசுமை வீடு தவிர, வேற எது எதுக்குப்பா பணம் வாங்கிக்கிறாரு.

கார்த்திகேயன்: எல்லாத்துக்கும் தான் வாங்கறாரு. ஆனா, மேடையில பசுமை வீட்டுக்கு யாரும் பணம் கொடுக்காதீங்கன்னு சொல்றாரு. 
சந்தானம்: சேர்மனுங்க கிட்ட பணம் வாங்கினாரா?
கார்த்திகேயன்: எல்லா சேர்மன் பசங்களும், கடன்கார பசங்க தான். முக்கூரான் (அமைச்சர்) ஒருத்தன் தான் பணக்காரன், மத்தவங்க எல்லாரும் பிச்சைக்காரன் தான். 

இவ்வாறு அந்த உரையாடல் உள்ளது. 
இது, பரவி வருகிறது. இதுகுறித்து, போலீசில் புகார் அளிக்கப்பட்டு உள்ளது.