தன்செயலின்றிப் புகைத்தலின் (Passive Smoking) ஆபத்துக்கள்

by **மாலதி** Mon May 31, 2010 7:45 am

புகைத்தல் ஆபத்தானது என அறியாதவர்கள் யாரும் இருக்க முடியாது.

புகைத்தலும் புற்றுநோய்களும்

அதனால் ஏற்படும் மிக முக்கிய பாதிப்பு நுரையீரல் புற்றுநோயாகும்.
புகைப்பவர்களுக்கு நுரையீரல் புற்றுநோய் வருவதற்கும், அதனால்
மரணமடைவதற்குமான சாத்தியம் புகைக்காதவர்களை விட 10 முதல் 20 மடங்கு
அதிகமாகும்.

தன்செயலின்றிப் புகைத்தலின் (Passive Smoking) ஆபத்துக்கள் Passive-smoking

அமெரிக்க புள்ளிவிபரங்கள் படி அங்கு நுரையீரல் புற்றுநோயால் மரணமடையும்
ஆண்களில் 90 சதவிகிதமும், பெண்களில் 80 சதவிகிதமும் புகைப்பவர்களாகவே
இருக்கிறார்கள்.

நுரையீரல் புற்றுநோயைத் தவிர, குரல்வளை, களம், சிறுநீரகம், சிறுநீர்ப்பை,
சதையம், இரைப்பை, கருப்பைக் கழுத்து, குருதிப் புற்றுநோய் போன்றவற்றில்
ஏற்படும் புற்றுநோய்களுக்கும் புகைத்தலே முக்கிய காரணமாகிறது.

தன்செயலின்றிப் புகைத்தல்

நீங்கள் புகைக்காதவராக இருந்தபோதும் உங்களைச் சுற்றியுள்ளவர்கள்
புகைப்பதாலும் உங்களுக்கு நுரையீரல் புற்றுநோய் வருவதற்கான வாய்ப்புகள்
அதிகமாகும்.

தன்செயலின்றிப் புகைத்தலின் (Passive Smoking) ஆபத்துக்கள் Smoking+passive

மற்றவர்கள் புகைத்து வெளிவரும் புகையில் 4000 ற்கு அதிகமான நச்சு இரசாயனப்
பொருட்கள் உள்ளன. இவற்றில் குறைந்தது 50 புற்றுநோயை ஏற்படுத்துவையாகும்.

அவ்வாறான தன்செயலின்றிப் புகைத்தல் காரணமாக வருடாந்தம் 3000 பேர் அமெரிக்காவில் மரணமடைகிறார்கள்.

தன்செயலின்றிப் புகைத்தல் என்பது ஒருவரது சுற்றாடலிலுள்ள புகையிலையின் புகையால் Enviromental tobacoo smoke (ETS) ஏற்படுகிறது.

இது இரண்டு வழிகளில் நேர்கிறது.

புகைந்து கொண்டிருக்கும் சிகரெட்டின் எரியும் முனையிலிருந்து வெளிவரும் புகை.
இரண்டாவது புகைப்பவர் வெளிவிடும் சுவாசக் காற்றோடு கலந்து வரும் புகையாகும்.

புற்றுநோயைக் கொண்டு வருவது மாத்திரமின்றி வேறும் பல உடல் நலக் கேடுகளை இது ஏற்படுத்துகிறது.

மாரடைப்பு வருவதற்கான சாத்தியம் அதிகமாகும்.

தன்செயலின்றிப் புகைத்தல் காரணமான நெஞ்சில் சளி, இருமல்,
நெஞ்சு இறுக்கம், நுரையீரலின் செயற்பாடு குறைந்து இளைப்பு ஏற்படுதல்
ஆகியனவும் ஏற்படும்.

நுரையீரலில் கிருமி தொற்றி நியுமோனியா, புரங்கைட்டிஸ் ஆகியவை அதிகம் ஏற்படும்.

ஆஸ்த்மா வருவதற்கும், ஏற்கனவே உள்ளவர்களுக்கு மோசமடைவதற்கும் தன்செயலின்றிப் புகைத்தல் முக்கிய காரணமாகும்.

குழந்தைகளில் உட்காதில் கிருமித்தொற்று (Middle Ear Infections) அதிகளவு ஏற்படுவதற்கு வாய்ப்புண்டு.

தன்செயலின்றிப் புகைத்தலின் (Passive Smoking) ஆபத்துக்கள் Passive-smoking-baby

தன்செயலின்றிப் புகைத்தலால் கருவில் வளரும் குழந்தைகளுக்கும் ஆபத்துண்டு. அவர்கள் நிறை குறைந்த குழந்தைகளாகப் பிறப்பர்.

ஒரு வயதிற்கு உட்பட்ட குழந்தைகள் திடீர் மரணம் அடைவதற்கு
(Sudden Infant death Syndrome -SIDS அத்தகைய தன்செயலின்றிப் புகைத்தல்
மற்றொரு காரணமாகும்.

குழந்தைகளிலும் வளர்ந்தவர்களிலும் காலத்திற்கு முந்திய மரணம் ஏற்படுவதற்கு தன்செயலின்றிப் புகைத்தலும் ஒரு காரணமாகும்.

எவ்வாறு

எவ்வாறு நீங்கள் தன்செயலின்றிப் புகைத்தலுக்கு ஆளாகிறீர்கள்.

வேலைத்தளம்,
பொது இடங்கள்,
வீடு ஆகியனவே அதற்கான சாத்தியமுள்ள இடங்களாகும்.

இலங்கையில் சினிமா அரங்கு, பஸ் போக்குவரத்து ஆகியவற்றில் புகைத்தலைத் தடை செய்திருப்பது முன்னேற்ரகரமான செயலாகும்.

ஆயினும் வியாபார ஸ்தலங்களில் தடை செய்யப்படவில்லை.

வீட்டினுள் புகைக்காதிருப்பது மிக முக்கியமாகும். வீட்டில் அடைபட்டுக்
கிடக்கும் காற்றில் புகையின் செறிவு அதிகமாகும். இதனால் ஒருவரது மனைவி,
குழந்தைகள், வீட்டில் உள்ள முதியவர்கள் என எல்லோரையும் பாதிக்கும்.

தப்புவதற்கு வழி

இதிலிருந்து நீங்கள் தப்புவதற்கு வழி என்ன?

வீட்டினுள் புகைப்பதைத் தவிருங்கள்.
நீங்கள் புகைக்காவிட்டாலும் வரும் விருந்தினர்கள் புகைப்பதை ஊக்குவிக்க வேண்டாம்.
வரவேற்பறையில் சாம்பல் கிண்ணம் வைக்காதீர்கள்.
காரில் பயணம் செய்யும்போது புகைக்கவே வேண்டாம்.

நீங்கள் முன்மாதிரியாக இருந்து உங்கள் குடும்பத்தினர்
புகைக்காதிருக்க வழி காட்டுங்கள். அது புகைக்காத சமூகத்தை நோக்கி
முன்நகர்வதற்கான முதல் படியாகும்.

புகைத்தல் பற்றிய எனது மற்றொரு கட்டுரையான 'வாழ்வை எரிப்பதில் நாட்டமோ? - புகைத்தல்' பற்றிப் படிக்க கிளிக் செய்யுங்கள்

டொக்டர்.எம்.கே.முருகானந்தன்.

by **kalairaja** Mon May 31, 2010 11:08 am

உங்கள் புகைச்சல் ,புகைபிடிப்பவர்களுக்கு புரிந்தால் நலமே.
பகிர்வுக்கு நன்றி........

தன்செயலின்றிப் புகைத்தலின் (Passive Smoking) ஆபத்துக்கள்

தன்செயலின்றிப் புகைத்தலின் (Passive Smoking) ஆபத்துக்கள்

Re: தன்செயலின்றிப் புகைத்தலின் (Passive Smoking) ஆபத்துக்கள்