தமிழக சட்டசபை தேர்தல் செலவு ரூ.200 கோடி

தமிழக சட்டசபை தேர்தலை நடத்தி முடிக்க சுமார் ரூ.200 கோடி வரை செயலாகும் என தேர்தல் கமிஷன் கணக்கிட்டுள்ளது. இது கடந்த தேர்தலை விட அதிகம்.தமிழக சட்டசபை தேர்தலை நடத்துவதற்கான பணிகளை தேர்தல் கமிஷன் மேற்கொண்டு வருகிறது. சட்டசபைத் தேர்தலைப் பொறுத்தவரை மத்திய அரசே முழு செலவையும் ஏற்கும். அதேசமயம், லோக்சபா தேர்தலாக இருந்தால் மத்திய, மாநில அரசுகள் செலவைப் பகிர்ந்து கொள்ளும். 2011ல் தமிழகத்தில் நடந்த சட்டசபைத் தேர்தலின்போது தேர்தல் ஆணையம் ரூ. 148 கோடி அளவுக்கு செலவிட்டது. ஆனால் தற்போது செலவுத் தொகை கிடுகிடுவென அதிகரித்துள்ளது.

தமிழக சட்டசபை தேர்தல் செலவு ரூ.200 கோடி
தேர்தலுக்கு ஒதுக்கப்படும் மொத்த தொகையில் பெரும்பாலானவை தேர்தல் பணியில் ஈடுபடுவோருக்கு சம்பளம் வழங்குவதற்கே செலவிடப்படுகிறது. கடந்த தேர்தலை விட இந்த ஆண்டு கூடுதலாக தேர்தல் பணியாளர்கள் நியமிக்கப்பட உள்ளதால் இந்த ஆண்டு செலவும் ரூ.198 கோடி வரை ஆகும் என கணக்கிடப்பட்டுள்ளது. ஓட்டுப் பதிவை வீடியோ எடுப்பது, வெப் கேமரா மூலம் கண்காணிப்பது, புகைப்படம் எடுப்பது ஆகியவற்றும் செலவு அதிகமாகும்.

கடந்த சட்டசபைத் தேர்தலில் பணியாளர்களுக்கு ரூ. 82 கோடி சம்பளமாக வழங்கப்பட்டது. இந்த தேர்தலில் தேர்தல் பணியில் ஈடுபடும் ஊழியர்கள் எண்ணிக்கை கூடுதலாக 2000 பேர் வரை ஆகலாம் என்று எதிர்பார்க்கப்படுகிறது. கடந்த லோக்சபா தேர்தலுக்கு ரூ. 3,500 கோடி செலவிடப்பட்டது. இது 2009 லோக்சபா தேர்தலை விட 150 சதவீதம் அதிகமாகும். 2009 தேர்தலில் ரூ. 1400 கோடி தான் செலவிடப்பட்டது.