6 தேமுதிக எம்எல்ஏ சஸ்பெண்ட் ரத்து - உச்ச நீதிமன்றம்

6 தேமுதிக எம்எல்ஏ சஸ்பெண்ட் ரத்து - உச்ச நீதிமன்றம்
தமிழக சட்டப்பேரவையில் இருந்து தேமுதிக எம்எல்ஏக்கள் 6 பேர் சஸ்பெண்ட் செய்யப்பட்டதை ரத்து செய்து உச்ச நீதிமன்றம் நேற்று அதிரடியாக தீர்ப்பளித்துள்ளது. 6 எம்எல்ஏக்களையும் சஸ்பெண்ட் செய்தது சட்ட விரோதமானது; மக்கள் பிரதிநிதிகளின் அடிப்படை உரிமை பறிக்கும் செயல் என்றும் நீதிபதிகள் கருத்து தெரிவித்துள்ளனர். கடந்த ஆண்டு பிப்ரவரி 19ம் தேதி நடைபெற்ற தமிழக சட்டப்பேரவையின் பட்ஜெட் கூட்டத்தொடரில் பங்கேற்ற தேமுதிக எம்எல்ஏக்கள் சில கருத்துக்களை தெரிவித்ததையடுத்து, அவையில் கடும் அமளி நிலவியது. இதையடுத்து, தேமுதிக எம்எல்ஏக்கள் அனைவரையும் அவையிலிருந்து வெளியேற்ற பேரவைத்தலைவர் தனபால்,  உத்தரவிட்டார். அப்போது, தேமுதிக எம்எல்ஏக்கள் சிலர் அவைக்காவலர்களுடன் வாக்குவாதத்தில் ஈடுபட்டுள்ளனர்.

இதையடுத்து, தேமுதிக பேரவைத் துணைத் தலைவர் அழகாபுரம் மோகன்ராஜ், தேமுதிக கொறடா சந்திரகுமார், வெங்கடேசன், தினகரன், பார்த்தீபன், சேகர் ஆகிய 6 உறுப்பினர்கள் மீது உரிமைக் குழுவில் விசாரிக்கப்பட்டு 2015 மார்ச் 31ம் தேதி 2 கூட்டத்தொடரில் கலந்துகொள்ள 6 பேருக்கும் தடை விதித்து பேரவைத்தலைவர் உத்தரவிட்டார்.இந்த உத்தரவை எதிர்த்து 6 எம்எல்ஏக்களும் உயர் நீதிமன்றத்தில் தாக்கல் செய்த மனு தள்ளுபடி செய்யப்பட்டது. இதையடுத்து, 6 பேரும் உச்ச நீதிமன்றத்தில் மேல்முறையீடு செய்தனர். இந்த வழக்கு நீதிபதிகள் செல்லமேஸ்வர், ஏ.எம்.சப்ரே ஆகியோர் அடங்கிய டிவிஷன் பெஞ்சில் விசாரணைக்கு வந்தது. வழக்கை விசாரித்த நீதிபதிகள் நேற்று தீர்ப்பளித்தனர். தீர்ப்பு விபரம் வருமாறு: மனுதாரர்கள் சார்பில் ஆஜரான வக்கீல் வாதிடும்போது, அரசியலமைப்பு சட்டத்தில் பேச்சுரிமை மிகத் தெளிவாக குறிப்பிடப்பட்டுள்ளது.



சட்டத்துக்கு புறம்பாக பேசுவது உள்ளிட்ட சில கட்டுப்பாடுகள் மட்டுமே உள்ளன. மக்களால் தேர்ந்தெடுக்கப்பட்ட பிரதிநிதிகள் மீது சட்டப் பேரவையில் எடுக்கப்படும் ஒரு சில நடவடிக்கைகளால் அவர்களுக்கு பேச்சுரிமை மறுக்கப்படுவது என்பதை ஏற்க முடியாது. எனவே, அரசியலமைப்பு சட்டப் பிரிவு 19(1)(ஏ)ன்படி மனுதாரர்களுக்கு உள்ள பேச்சுரிமையை பறித்து உத்தரவிட்ட தமிழக சட்டப் பேரவையின் உத்தரவு தவறானது. மனுதாரர்கள் 6 பேரும்  சஸ்பெண்ட் செய்யப்பட்டுள்ளதால் அவர்களுக்கு சம்பளம் மற்றும் இதர பயன்கள் நிறுத்தப்பட்டுள்ளன. இது அரசியலமைப்பு சட்டத்தில் கூறப்பட்டுள்ள அடிப்படை உரிமைகள் என்ற சரத்துக்கு எதிரானது. இந்த வழக்கில் மனுதாரர்களின் அடிப்படை உரிமைகள் மீறப்பட்டுள்ளது நிரூபணமாகியுள்ளது.

மனுதாரர்கள் மீது எடுக்கப்பட்டுள்ள நடவடிக்கை மூலம் இயற்கை நீதி மீறப்பட்டுள்ளது. சட்டப் பேரவையில் பிப்ரவரி 19 தேதி எடுக்கப்பட்ட வீடியோ ஆதாரங்களின் அடிப்படையிலேயே உரிமை குழு நடவடிக்கை எடுத்துள்ளது. இந்த வீடியோவின் நகலை குற்றம்சாட்டப்பட்டவர்களுக்கு தரவில்லை.சம்பவம் நடந்த நேரத்தில் தேமுதிகவைச் சேர்ந்த 19 உறுப்பினர்கள் அவையில் இருந்த நிலையில் 6 பேர் மீது மட்டும் நடவடிக்கை எடுக்கப்பட்டுள்ளது. சம்பவத்தையொட்டி அன்று சஸ்பெண்ட் செய்யப்பட்ட 19 உறுப்பினர்களிடமும் விளக்கம் கேட்டு உரிமைக் குழு நோட்டீஸ் அனுப்பியது. அவர்கள் கொடுத்த விளக்கத்தின் அடிப்படையில் மனுதாரர்கள் 6 பேர் மீது மட்டும் நடவடிக்கை எடுக்க முடிவு செய்யப்பட்டுள்ளது. அந்த 6 பேர் மீது நடவடிக்கை எடுக்க வகைசெய்யும் வீடியோ பதிவுகள் மட்டுமே உரிமைக் குழுவில் காட்டப்பட்டுள்ளது.

எந்த அடிப்படையில் நடவடிக்கை எடுக்கப்பட்டது என்பதை மனுதாரர்கள் தெரிந்துகொள்ளும் வகையில் அவர்களுக்கு அந்த வீடியோ ஆதாரங்கள் காட்டப்பட வேண்டும். ஆனால், மனுதாரர்களுக்கு அந்த வீடியோ நகல் வழங்கப்படவில்லை. பேரவையின் காவலர் விஜயன் கொடுத்த புகாரில் 2 பேரின் பெயர் மட்டுமே உள்ளது. ஆனால், எந்த புகாரின் அடிப்படையில் 6 பேர் மீது நடவடிக்கை எடுக்கப்பட்டுள்ளது என்று அரசுத் தரப்பில் கூறப்படவில்லை. வீடியோ ஆதாரங்களைக் காட்ட மறுப்பது இயற்கை நியதிக்கு எதிரானது.

குற்றம்சாட்டப்பட்டவர்களுக்கு போதிய வாய்ப்புகளைத் தராமல் தமிழக சட்டப் பேரவையில் எடுக்கப்பட்ட 2015 மார்ச் 31ம் தேதி தீர்மானம் ரத்து செய்யப்படுகிறது. மனுதாரர்களுக்கு தரப்படவேண்டிய சம்பளம் இதர பயன்கள் தரப்படவேண்டும். அவர்கள் மீண்டும் பேரவை உறுப்பினர்களாக்கப்பட வேண்டும்.  இவ்வாறு தீர்ப்பில் கூறப்பட்