மொத்த வாக்காளர்கள் 5.79 கோடி-நஜீம் ஜைதி

மொத்த வாக்காளர்கள் 5.79 கோடி-நஜீம் ஜைதி 

தமிழகத்தில் நடு நிலையுடனதேர்தல் நடத்தப்படும் என்றும், மொத்த வாக்காளர்கள் 5. 79 கோடி பேர் உள்ளனர் என்றும், தேர்தலுக்கு மாநிலம் முழுவதும் 65 ஆயிரத்து 616 ஓட்டுச்சாவடிகள் அமைக்கப்படும் என்றும் தேர்தல் கமிஷனர் நஜீம் ஜைதி கூறியுள்ளார் .

தமிழக தேர்தல் குறித்து தலைமை தேர்தல் கமிஷனர் நஜீம் ஜைதி பல்வேறு அரசியல் கட்சியினர் மற்றும் அதிகாரிகளுடன் நடத்திய ஆலோசனைக்கு பின்னர் இன்று (12 ம் தேதி ) நிருபர்களிடம் கூறியதாவது:

தமிழகத்தில் தேர்தல் ஏற்பாடுகள் திருப்தி அளிக்கிறது. இன்றைய அரசியல் கட்சியினர் சந்திப்பில் தேர்தல் நேரத்தில் பணப்பட்டுவாடா , மதுக் கடைகள் மூடல் மற்றும் ஒரே கட்ட தேர்தல் ஆகியன குறித்து கருத்துக்கள் தெரிவித்தன. இது தொடர்பான நடவடிக்கை எடுக்கப்படும் .

மேலும் இந்த தேர்தலில் யாருக்கு ஓட்டளித்தோம் என்பதை பார்த்து கொள்ள வசதி, சில ஓட்டு சாவடிகளில் அமைக்கப்படும். வெள்ளத்தால் பாதிக்கப்பட்ட பகுதிகளில் வாக்காளர் அடையாள அட்டை வழங்கிட சிறப்பு முகாம்கள் அமைக்கப்படும்.



இறுதி வாக்காளர் பட்டியல் இணையதளத்தில் வெளியிட ஏற்பாடு செய்யப்படும். வாக்காளர் சரி பார்க்கும் முகாம் வரும் 29 ம் தேதி வரை நடக்கும். தகவல் தொழில்நுட்பம் மற்றும் மென்பொருட்கள் இந்த தேர்தலில் பயன்படுத்தப்படும். ஓட்டுச்சாவடியில் நிற்கும் வரிசை நிலவரம் குறித்து அறிய எஸ் எம். எஸ் .மூலம் வசதி செய்யப்பட்டுள்ளது.

தேர்தல் நடத்தை மீறுவோர் மீது கடும் நடவடிக்கை எடுக்கப்படும் . வேட்பு மனு தாக்கலுக்கு 10 நாட்கள் முன்னர் வரை வாக்காளர் பட்டியலில் பெயரை புதிதாக சேர்க்கப்படும் . 17 லட்சம் புதிய வாக்காளர் விண்ணப்பம் பெறப்பட்டு 16 லட்சம் பேர் சேர்க்கப்பட்டனர், ஒரு லட்சம் பேர் நிராகரிக்கப்பட்டுள்ளனர் .

தமிழகத்தில் 9 மாவட்டங்கள் பதட்டம் நிறைந்தவை. தேர்தல் காலத்தில் வரும் புகார்கள் மீது உடனடி நடவடிக்கை எடுக்கப்படும் .தமிழகத்தில் மொத்த வாக்காளர்கள் 5.79 கோடி பேர் உள்ளனர். 65 ஆயிரத்து 616 ஓட்டுச்சாவடிகள் அமைக்கப்படும். குடிநீர் , கண்காணிப்பு கேமரா, அமைக்கப்படும். நடு நிலையுடன் தேர்தல் நடத்தப்படும். இவ்வாறு கமிஷனர் கூறினார் .

dinamalar