தமிழறிவோம்...............களவளாவல், களவாணி.

தமிழறிவோம்...............களவளாவல், களவாணி.



அவர்க்கு இவர்க்கு வந்தவர்க்கு போனவர்க்கு என்று ‘ரு’ போடாமல் எழுத வேண்டும்.

நாம் செய்கின்ற மற்றொரு தவறு உகரத்தில் முடியும் பெயர்ச்சொற்களுக்கு நடுவில் ‘வு’ போடுவது. வைரமுத்துவுக்கு விருது கொடுத்தோம், குமரிமுத்துவுக்குப் பொன்னாடை போர்த்தப்பட்டது - என்று எழுதுகிறோம்.அன்புக்கு நான் அடிமை’ என்கிறோமா ? அன்புவுக்கு நான் அடிமை என்கிறோமா ? முத்துக்கு முத்தாக என்கிறோம்... முத்துவுக்கு முத்தாக’ என்பதில்லை. சொத்துக்கு அடித்துக்கொள்கிறார்கள்’ என்கிறோம். சொத்துவுக்கு அடித்துக்கொள்கிறார்கள் என்பதில்லை. அதனால் உகரத்தில் முடியும் பெயர்ச்சொற்களுக்குக் ‘கு’ சேர்க்கும்போது ‘வு’ தவிர்த்து நேரடியாகப் புணர்த்தி வைரமுத்துக்கு, குமரிமுத்துக்கு என்றே எழுதுவதே பொருந்தும்.

டேட்டிங் என்பதற்குத் தமிழ் வார்த்தை -களவளாவல்- என்ற சொல் பொருந்தும். டேட்டிங் என்பது ஆணும் பெண்ணும் கலந்து பழகி அறிகின்ற இளம்பருவச் செயல். அச்செயலைக் குற்றமாகவோ தீதாகவோ பொருளுணர்த்தாதபடி தமிழ்ச்சொல் அமையவேண்டும்.

களவு என்பதைத் திருட்டு என்ற பொருளில் புரிந்துகொள்ளவேண்டியதில்லை. காதல் வாழ்க்கையைக் களவு, கற்பு என்று இருவகையாய் வகுப்பர் தமிழர். இங்கே களவு என்பது பிறர் அறியாத நடத்தை. அதைக் களவொழுக்கம் என்பர்.

களவொழுக்கம் கற்பொழுக்கம் இரண்டையும் ஒரே நேர்க்கோட்டில் அடுக்கி அமைத்ததிலிருந்தே இரண்டின் முக்கியத்துவத்தையும் உணரலாம். களவில் தலைவனும் தலைவியும் தம்மை ஊரார் அறியும்முன் சந்தித்துப் பழகுவர். உறவும் இருக்கலாம். அளாவுதல் என்பதற்குக் ‘கலத்தல், சென்று பொருந்துதல், கலந்து பேசுதல்’ ஆகியன பொருள்கள். களவு + அளாவல் = களவளாவல்.

கிராமப்புறத்தில் ஒருவனைக் களவாணி என்பார்கள். ‘அவன் சரியான களவாணிப் பயலாச்சே...’ என்று சிரித்துக்கொண்டே சொல்வார்கள். இங்கே என்ன அர்த்தம் ? அவன் வீடுகள்தோறும் திருடியவனா ? அவன் நிறைய மறைபொருள்கள் உடையவன். யார்க்கும் தெரியாமல் எதையாவதொன்றைச் செய்கின்றவன். அது அவனுடைய களவு நடத்தை. அதனால்தான் அவன் களவாணி.

டேட்டிங் என்பதற்குத் தமிழ் வார்த்தை -களவளாவல் அருமை