பயிற்சியின் போது விபத்தில் கையை இழந்த போதும் 26 நாளில் இரும்புக்கையுடன் வேலைக்கு சேர்ந்த வாலிபர்

by **ஜனனி** Fri Jan 23, 2015 6:34 pm

[You must be registered and logged in to see this image.]
இங்கிலாந்தின் ஷிர் கவுண்டியை சேர்ந்த சோமர்செட்டில் இயங்கி வரும் பி அண்ட் கே என்ற இறைச்சி கடையில் இறைச்சிகளை வெட்டும் பயிற்சி பெற்று வந்தவர் தாமஸ் ஸ்டீவன். இவர் கடந்த மாதம் வேலை செய்து கொண்டிருந்த போது பாதுகாப்பற்ற இறைச்சி வெட்டும் இயந்திரத்தில் சிக்கி அவரது வலது கை வெட்டுப்பட்டது. ரத்த வெள்ளத்தில் அலறிய தாமஸை உடனடியாக ஆம்புலன்சில் கொண்டு சென்று மருத்துவமனையில் சேர்த்தனர்.
[You must be registered and logged in to see this image.]
ஆனால், அவருக்கு சிகிச்சை அளித்த மருத்துவர்களோ வலது கையை எடுக்க வேண்டும் என்று தெரிவித்தனர். வேறு வழியில்லாத நிலையில் அவரது வலது கை அறுவை சிகிச்சை செய்து அகற்றப்பட்டது. இதையடுத்து தொழிலாளர் பாதுகாப்பு தொடர்பான வழக்கு பதிவு செய்யப்பட்டது.
[You must be registered and logged in to see this image.]
தெற்கு சோமர்செட்டின், யோவில் நகரில் உள்ள மாஜிஸ்டிரேட் கோர்ட்டில் இவ்வழக்கின் விசாரணை நடைபெற்று வந்தது. வழக்கை விசாரித்த நீதிபதிகள் நிறுவனத்தின் முதலாளி பால் ஜெப்ரிக்கு 15,000 பவுண்ட் அபராதம் விதித்தனர். ஏற்கனவே குற்ற உணர்ச்சியால் பாதிக்கப்பட்டிருந்த அவர், தனிப்பட்ட முறையில் தாமஸின் விபத்திற்கு பொறுப்பேற்றுக்கொண்டார்.
[You must be registered and logged in to see this image.]
சிகிச்சை முடிந்த 26 நாட்களில், தாமஸ் செயற்கை கையுடன் மீண்டும் வேலைக்கு சேர்ந்து விட்டார். ஏன் இவ்வளவு சீக்கிரம் வேலைக்கு வந்து விட்டீர்கள் என்று கேட்டால் "வீட்டில் போரடிக்கிறது அதான் இங்கு வந்து விட்டேன். இந்த செயற்கை கையால் இறைச்சி வெட்டுவது சுலபமாகத்தான் இருக்கிறது. என்ன இருக்கும் இன்னொரு கையை இனி பத்திரமாக பார்த்துக்கொள்ள வேண்டும்" என்று சொல்லிவிட்டு சிரிக்கிறார்.
[You must be registered and logged in to see this image.]
பயிற்சிக்காக வேலைக்கு சேர்ந்த இவர், இறைச்சி வெட்டும் தொழிலில் நிபுணத்துவம் பெற வேண்டும் என்ற லட்சியத்துடன் உழைத்துக்கொண்டிருக்கிறார். தன்னம்பிக்கை மனிதனான தாமசுக்கு வாழ்த்துக்கள்.
[You must be registered and logged in to see this image.]