600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார்

by **mmani** Thu Jan 08, 2015 9:26 pm

ஆஸ்திரேலிய டெஸ்ட் தொடரில் வீராட்கோலியின் ஆட்டம் மிகவும் அபாரமாக இருந்து வருகிறது. இந்த டெஸ்ட் தொடரில் அவர் இன்று தனது 4–வது சதத்தை பதிவு செய்தார்.
அடிலெய்டில் நடந்த முதல் டெஸ்டில் அவர் முதல் இன்னிங்சில் 115 ரன்னும், 2–வது இண்ணிங்சில் 141 ரன்னும், மெல்போர்னில் நடந்த 3–வது டெஸ்டில் 169 ரன்னும் எடுத்தார். தற்போது சிட்னியில் நடைபெற்று வரும் டெஸ்டில் 4–வது சதத்தை எடுத்து முத்திரை பதித்தார்.
600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார் 10489858_919964501356376_7464573801365343915_n

600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார் 10489858_919964501356376_7464573801365343915_n

கேப்டன் பதவியில் 3–வது செஞ்சூரியை எடுத்தார். அடிலெய்டு டெஸ்டில் அவர் முதல் முறையாக கேப்டன் பொறுப்பை ஏற்றார். கேப்டன் பதவியில் அவர் சந்திக்கும் 2–வது போட்டி சிட்னி டெஸ்ட் ஆகும்.
33–வது டெஸ்டில் விளையாடும் வீராட் கோலிக்கு இது 10–வது சதமாகும். ஆஸ்திரேலியாவுக்கு எதிராக 6–வது செஞ்சூரியை பதிவு செய்தார்.
600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார் 10387502_919964481356378_1716284955422566546_n

600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார் 10387502_919964481356378_1716284955422566546_n

மேலும் இந்த டெஸ்ட் தொடரில் கோலி 630 ரன்னுக்கு மேல் எடுத்து புதிய சாதனை படைத்தார். இதற்கு முன்பு ராகுல் டிராவிட் 4 டெஸ்டிலும் சேர்த்து (8 இன்னிங்ஸ்) 619 ரன் எடுத்ததே சாதனையாக இருந்தது. இதை கோலி முறியடித்தார். அவர் 4 டெஸ்டில் 7 இன்னிங்சில் 630 ரன்னுக்கு மேல் எடுத்து ஆஸ்திரேலியாவுக்கு எதிரான டெஸ்ட் தொடரில் அதிக ரன் எடுத்த இந்தியர் என்ற சாதனையை புரிந்தார். இதில் 4 சதமும், ஒரு அரை சதமும் அடங்கும்.

by **mmani** Thu Jan 08, 2015 9:29 pm

சிட்னி டெஸ்ட் போட்டியின் 3-ஆம் நாளான இன்று இந்திய டெஸ்ட் கேப்டன் விராட் கோலி 140 ரன்கள் எடுத்து களத்தில் உள்ளார். இதன் மூலம் ஆஸ்திரேலியாவுக்கு எதிராக ஒரு தொடரில் அதிக ரன்கள் என்ற சாதனையைப் படைத்தார் விராட் கோலி.

சிட்னி டெஸ்ட் 3-ஆம் நாள் ஆட்டத்தின் சுவையான புள்ளி விவரங்கள் இதோ:

இன்றைய சதத்தின் மூலம் ஆஸ்திரேலிய மண்ணில் 5 டெஸ்ட் சதங்களை எடுத்துள்ளார் விராட் கோலி, சச்சின் டெண்டுல்கர் மட்டுமே ஆஸ்திரேலிய மண்ணில் 6 சதங்கள் எடுத்து இந்திய வீரர் என்ற முறையில் ஆஸ்திரேலியாவில் எடுத்த சதங்கள் எண்ணிக்கைப் பட்டியலில் முன்னிலை வகிக்கிறார். சுனில் கவாஸ்கரும் ஆஸ்திரேலிய மண்னில் 5 சதங்களை எடுத்துள்ளார். டேவிட் கோவர், கிளைவ் லாய்ட் ஆகியோரும் 5 சதங்களை ஆஸ்திரேலியாவில் எடுத்துள்ளனர்.

ஆஸ்திரேலிய மண்ணில் அதிக சதங்கள் எடுத்த வீரர்கள் பட்டியலில் முதல் 3 இடங்களில் இங்கிலாந்து வீரர்கள் உள்ளனர்:

ஜே.பி.ஹாப்ஸ் 1908-29 ஆண்டுகளுக்கு இடையே விளையாடியவர். இவர் 9 சதங்களை ஆஸ்திரேலியாவில் எடுத்துள்ளார். 2-வது இடத்தில் இங்கிலாந்து வீரர் வால்டர் ஹேமண்ட் 7 சதங்களுடன் இருக்கிறார். 3-வது இடத்திலும் இங்கிலாந்து வீரர் சட்கிளிப் 6 சதங்களுடன் இருக்கிறார். லாரா, லஷ்மண், விவ் ரிச்சர்ட்ஸ், கேரி சோபர்ஸ் ஆகியோர் 4 சதங்களை எடுத்துள்ளனர். சமகாலத்திய வீரர்களில் வேறு எந்த வீர்ர் பெயரும் இந்தப் பட்டியலில் இடம்பெறவில்லை.

பார்டர்-கவாஸ்லர் டிராபி தொடங்கப்பட்ட பிறகு ஆஸ்திரேலியாவுக்கு எதிராக ஒரு தொடரில் அதிக ரன்களை எடுத்த வீரராக ராகுல் திராவிட்தான் இருந்து வந்தார். அவர் 2003-04 தொடரில் 619 ரன்கள் எடுத்தார். கோலி தற்போது இந்த இன்னிங்ஸில் ஆட்டமிழக்காத நிலையில் 639 ரன்களை எடுத்து திராவிடை முறியடித்துள்ளார்.

ஒரே டெஸ்ட் தொடரில் 4 சதங்களை அடித்த வகையில் விராட் கோலி, சுனில் கவாஸ்கர் சாதனையை சமன் செய்துள்ளார். ஆனால் சுனில் கவாஸ்கர் தனது அறிமுக டெஸ்ட் தொடரிலேயே (1971) ஹெல்மெட் அணியாமல் பயங்கர வேகப்பந்து வீச்சாளர்களை மேற்கிந்திய மண்ணில் சந்தித்து 4 சதங்களை எடுத்தார்.

பிறகு 1978-79 தொடரில் மே.இ.தீவுகளுக்கு எதிராக இந்தியாவில் நடைபெற்ற டெஸ்ட் தொடரில் மீண்டும் 4 சதங்களை எடுத்து சாதனையை மீண்டும் நிகழ்த்தினார்.

கேப்டனாக முதல் 3 இன்னிங்ஸ்களில் சதம் எடுத்த ஒரே கேப்டன்/வீரர் கோலிதான். அடிலெய்டில் 2 இன்னிங்ஸ்களிலும் சதம் பிறகு சிட்னியில் முழுநேர கேப்டனான பிறகு இன்று முதல் இன்னிங்ஸில் சதம்.

600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார்

600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார்

Re: 600 ரன்னை கடந்து கோலி சாதனை: டெஸ்ட் தொடரில் 4வது சதத்தை பதிவு செய்தார்