உயர் போலீஸ் அதிகாரிகளின்ஆர்டர்லி, பி.எஸ்.ஓக்களுக்கு தடை: பாதுகாப்பு பணிக்கு அனுப்ப உத்தரவு; உள்துறை அமைச்சகம் அதிரடி..

by Tamil Mon Dec 15, 2014 3:39 pm

உயர் போலீஸ் அதிகாரிகளின்ஆர்டர்லி, பி.எஸ்.ஓக்களுக்கு தடை: பாதுகாப்பு பணிக்கு அனுப்ப உத்தரவு; உள்துறை அமைச்சகம் அதிரடி..

உயர் போலீஸ் அதிகாரிகள், தங்களின் அதிகாரத்தை வெளிப்படுத்த எங்கு சென்றாலும் உடன் சில போலீசாரை அழைத்து செல்வது, ஆர்டர்லி என்ற பெயரில் தங்கள் வீடு மற்றும் அலுவலகங்களில் உதவியாளர்களாக வைத்துக் கொள்ளும் பழக்கம் ஆங்கிலேயர் காலத்தில் இருந்து நடைமுறையில் உள்ளது. இந்த 'பந்தா' பழக்கத்துக்கு முற்றுப்புள்ளி வைக்கும் வகையில் காவல்துறையின் அனைத்து பிரிவுகளுக்கும் உள்துறை அமைச்சகம் அதிரடி உத்தரவை பிறப்பித்துள்ளது. அதில் ''உயர் போலீஸ் அதிகாரிகளின் பின்னால் போலீசார் செல்லும் பழக்கத்தை உடனடியாக ஒழித்து, அவர்களை பாதுகாப்பு பணியில் ஈடுபடுத்த வேண்டும். இந்தப் பழக்கம், ஆங்கிலேயர்கள் தங்கள் அதிகாரத்தை காட்டுவதற்காக பயன்படுத்தியது. தற்போதுள்ள போலீசார் நமது சகோதரர்கள், சக ஊழியர்கள். படையில் உள்ள போலீசாரை நியாயமாக பயன்படுத்த வேண்டும். டைரக்டர் ஜெனரல், கமிஷனர்கள் மட்டும் வெளியில் செல்லும்போது தங்களுடன் பி.எஸ்.ஓ.க்களை வைத்திருக்கலாம். மற்ற எந்த ஐ.பி.எஸ் அதிகாரியும் தங்களுடன் போலீசாரை வைத்திருக்கக் கூடாது. இந்த உத்தரவை கடுமையாக பின்பற்ற வேண்டும்'' என தெரிவிக்கப்பட்டுள்ளது.

Tamil: வலை நடத்துனர்; Posts : 11801
Join date : 02/01/2010