ந.க. துறைவன் ஹைக்கூ கவிதைகள்.

by **ந.க. துறைவன்** Fri Dec 05, 2014 4:50 pm

உயிர்ஜோதி…!!
*
அணுவுக்குள் அணுவாய்
எங்கே தொடங்கியது?
இன்றும் அணையாத ஜோதி்
*
இரத்தமாய் எண்ணெய்
திரி நரம்பில்
பிரகாசிக்கின்றது தீபம்.
*
உயர் மலையில் சுடர்கிறது
எல்லோரும் தரிசிக்கின்றனர்
எனக்குள் ஒரு ஜீவஜோதி.
*
ஜோதிக்குள் ஜோதியாய்
ஜோதியுள் ஐக்கியமாகிறது
மானுடத்தின் உயிர்ஜோதி.
*
உணர்த்துவது என்ன?
உயிர்த் தத்துவமாய்…
ஒளிர்கின்றது கார்த்திகை தீபம்.
*

by **ந.க. துறைவன்** Mon Dec 22, 2014 4:09 pm

தும்பிகள்…!!
*
தும்பைப் பூவின் மீது
அமைந்து எதையோ?
ஆராய்கிறது தும்பிகள்.
*
வரலாற்று சின்னமாய்
பாஷோவின்
தவளை குதித்த குளம்.
*
துவங்கிய இடத்திலேயே
முடிந்தது
ஓட்டப் பந்தயம்.
*

by **ந.க. துறைவன்** Thu Jan 01, 2015 9:54 am

ஏகாந்த வெளி…!!
*
யாருமற்ற சூன்ய வெளி
அமைதி நிரம்பிய
துணிச்சலானப் பறவைகள்
*
ஏகாந்த வெளியில்
கவனிப்பாரற்ற
ஏராளமான புல்பூண்டுகள்
*
குக்கூ, பொய்க்கூ, போலிக்கூ
எல்லாமே இன்று
மெய்க்கூ ஹைக்கூ கவிதைகள்.
*

by **ந.க. துறைவன்** Sun Jan 04, 2015 9:33 am

கிறுக்கன்….!!
*
கண்ணாடிப் பெட்டிக்குள்
நீர்க் காற்றில்
அசைவற்ற பூச்செடிகள்.
*
சுவையான அப்பம்
சூழ்ந்து தின்கின்றன மீன்கள்
குளத்தில் நிலா.
*
பேண்ட் சர்ட் அணிந்த கிறுக்கன்
வயற்காட்டில்
காவல் பொம்மை.
*

by **ந.க. துறைவன்** Tue Jan 13, 2015 10:15 am

கோமாளி பொம்மை….!!
*
கீழே உதிர்ந்துக் கிடந்தது
கிளிகள் கொத்தி கொத்தி
எச்சில் படுத்திய இலந்தம்பழம்.
*
கோமாளி பொம்மை மேல்
எச்சமிட்டு பறக்கிறது
ரசிக்கத் தெரியாத காக்கை.
*
மனிதர்களை வேடிக்கைப் பார்க்கவா?
ஊருக்குள் வருகின்றன
காட்டு யானைகள்.
*

by **ந.க. துறைவன்** Fri Jan 16, 2015 9:57 am

மஞ்சள் வெயில்…!!.
*
எந்த விபத்தும் நடக்கவில்லை
சூரியன் வாரி இறைக்கிறான்
மாலை மஞ்சள் வெயில்.
*
பளபளப்பான மென்மை உணர்கிறான்
கைகவிரல்களில் கனவு
வண்ணத்துப் பூச்சியின் இறகு.
*

by **ந.க. துறைவன்** Fri Jan 23, 2015 9:21 am

மீன்கள்….!!
*
மீனின் இதயத்தைக்
குத்திக் கொல்கின்றது
தூண்டில் கொக்கியின் நுனி.
*
தூண்டில்காரனை ஏமாற்றி விட்டு
துள்ளி குதித்துத்
தப்பித்துப் போகின்றன மீன்கள்.
*
வயது என்னவாக இருக்கும்?
வெட்டுப்பட்டுப் கொண்டிருக்கும்
வலிமையான பெரிய மீன்.

by **ந.க. துறைவன்** Mon Jan 26, 2015 9:14 am

மீன்கள்….!!
*
மீனின் இதயத்தைக்
குத்திக் கொல்கின்றது
தூண்டில் கொக்கியின் நுனி.
*
தூண்டில்காரனை ஏமாற்றி விட்டு
துள்ளி குதித்துத்
தப்பித்துப் போகின்றன மீன்கள்.
*
வயது என்னவாக இருக்கும்?
வெட்டுப்பட்டுப் கொண்டிருக்கும்
வலிமையான பெரிய மீன்.
*

by **ந.க. துறைவன்** Wed Jan 28, 2015 4:25 pm

குணமறிந்து…!!
*

கோள் சொல்லத் தெரியாது
அவமானப்படுத்தத் தெரியாது
அமைதியான சிட்டுக் குருவிகள்
*
வழி தவறிப் போகிறதென்று
விசனப்பட்டான்.
சரியாகப் பறக்கின்றன பறவைகள்.
*
அறிவுரைச் சொல்வதற்கும்
நேர்மையான மனம் தேவை
எந்தப் புற்றில் நல்ல பாம்பு?
*

by **ந.க. துறைவன்** Fri Jan 30, 2015 9:18 am

ந.க. துறைவன் ஹைக்கூ
N.G. THURAIVAN’S HAIKU.
TAMIL / ENGLISH.
*
கர்ப்பக்கிரகத்துள் மூலவர்
சுவரிலோ
சி்ற்பியின் பாலியல்.
Sanctum sanctorum-
At the corridors,
Sex appeals of the sculptor!
*
தனிமை நிலவு
வீதியில் காவல்
நடுநிசி நாய்கள்.
Solitary moon
to guard the streets
midnight dogs.
*
அண்மைக் காலமாய்
அருகிப் போனது
சிரிப்பின் அற்புத கணப்பொழுது.
Nowadays – the pleasant
moments of laughter
becoming almost a rarity!.
*
நிரம்பி வழியும் ஏரி
துணிச்சலான சவாரி
சருகு இலைப் படகுகள்.
Lake overflows….
on expedition, the boats,
with withered leaves!.
*
சாபமா கோபமா
வானம் பார்த்த பூமியில்
பொழிவதில்லை மேகம்.
Fury or a curse?
Clouds, heedless
Of the drought – prone soil!.
*
சஞ்சல மனத்திற்கு
சஞ்சீவி மருந்து
மோன மௌனம்.
A panacea
For a waverly mind
Silent composure.
*
மடியில் உறங்கும் குழந்தை
அம்மாவின் வயிற்றில் துள்ளும்
இன்னொரு குழந்தை.
On mother”s lap
a child asleep whilst
a foetus nudging at womb!
*
தமிழ் : ந.க. துறைவன்
Tamil : N.G. THUAIVAN.
ஆங்கிலம் : கவிஞர். அமரன்.
Eng .Translated by : Kavingzhar. AMARAN.
நன்றி :- “ மகாகவி ” – டிசம்பர்- 2014. இதழில்
வெளிவந்துள்ளது.
*

by **ந.க. துறைவன்** Wed Feb 04, 2015 3:59 pm

தூங்காமல் தூங்கி…!!
*
கிரிவலப் பாதை நெடுக
பக்தர்கள் பேச்சின் இரைச்சல்
அச்சத்தில் பறவைகள்.
*
கருந் திராட்சைப் பழம்
ருசித்துச் சாப்பிடும் தருணம்
பால் குடித்த நினைவு.
*
செடி மறைவில் ஒய்வாய்
தூங்காமல் தூங்கி அழகாய்
விழித்திருக்கிறது முயல்.
*

by **ந.க. துறைவன்** Wed Feb 11, 2015 8:59 am

பதற்றம்…!!
*
பார்வை எதிலோ லயித்திருந்தது
எதையோ நினைக்கிறது மனம்
சுடர்விடும் சிந்தனையில் சூரியன்.
*
எதிர்ப் பார்ப்பவர்களுக்கு ஏமாற்றம்
ஏமாந்தவர்களுக்கு பதற்றம்
சலசலத்து ஒடுகிறது ஆற்றுநீர்.
*
இன்னும் எவரொருவராலும்
முழுமையாக எழுதப்படவில்லை
எந்தக் கேள்விக்குமான பதில்.
*

by **ந.க. துறைவன்** Thu Feb 26, 2015 8:37 am

துயரம்…!!
*
பறவைகள் அறிகின்றன
வெட்டப்படும்
மரங்களின் துயரம்.
*
எங்கே போயின?
சத்தமிடும் தவளைகள்
நீரில்லாதக் குளம்.
*

பொழுதடைந்த நேரம்
கூடு திரும்பின பறவைகள்
மழையில் நனைந்து…!
*

by **ந.க. துறைவன்** Wed Mar 18, 2015 4:19 pm

ஆழம்…!! [ HAIKU / ஹைக்கூ ]
*
கண்டறிய முடியவில்லை?
வாழும் உயிரினங்களுக்கு
கடலின் ஆழம்.
*
கண்ணுக்குத் தெரியாமல் இயங்குகிறது
உடல் உறுப்புகளில் எல்லாம்
பிரபஞ்ச வெளியின் அணுக்கூறுகள்
*
தூக்கத்தின் இடைஇடையே
தொல்லைச் செய்தன கனவுகள்
விழித்திருந்தன விண்மீன்கள்.
*

by **ந.க. துறைவன்** Fri Mar 27, 2015 5:08 pm

கை மேல் பலன்…!!
*
எதையோ நினைத்தான்
நடக்கவேண்டுமென தவித்தான்
கை மேல் கிடைத்தது பலன்.
*
அயர்ந்து தூங்கும்
முயலை எழுப்பி விட்டது
படபடப்பாய் வந்த மழை.
*
உரக்கக் கத்தினான்
எதிரொலித்தது மலை
காதலின் பெயர்.
*

by **ந.க. துறைவன்** Sun Mar 29, 2015 9:46 am

மனோரஞ்சிதப் பூக்கள்…!!
*
காற்றில் சுமந்து வருகிறது வாசம்
இலைகள் மட்டும் தெரிகிறது
மலர்ந்த மனோரஞ்சிதப் பூக்கள்.
*
எல்லா நேரமும்
கவிதைக்குள்
இருப்பதில்லை மனம்.
*
தகிக்கும் வெயிலில் மூதாட்டி
புங்கம் இலைப்போர்த்திய கூடை
உள்ளே குளிர் நுங்குகள்.

by **ந.க. துறைவன்** Mon Apr 06, 2015 9:41 am

நியதி…!!
*
இருப்பது எதுவும் எனதல்ல
இருக்கப் போவதும் எனதல்ல
இருக்கின்றது யாருக்குச் சொந்தம்.
*
மழையை எதிர்ப்பார்த்து
கணந்தோறும் காத்திருக்கிறது
காட்டில் வளரும் மரங்கள்.
*
கூர்மையான அறிவு இருக்குமோ?
நியதி தவறாமல் வாழும்
ஜீவராசிகளுக்கு…
*

by Sponsored content

ந.க. துறைவன் ஹைக்கூ கவிதைகள்.

ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.

Re: ந.க. துறைவன் ஹைக்கூ கவிதைகள்.