கிரானைட் முறைகேடு: மதுரையில் மட்டும் விசாரிக்க சகாயத்திற்கு உத்தரவு!

by **அருள்** Tue Nov 25, 2014 3:11 pm

சென்னை: மதுரை கிரானைட் முறைகேடு தொடர்பாக மட்டுமே சகாயம் தற்போது விசாரிக்க வேண்டும் என சென்னை உயர் நீதிமன்றம் உத்தரவிட்டுள்ளது.

மிகப்பெரிய விவகாரம் என்பதால் படிப்படியாக விசாரணையை விரிவுபடுத்தலாம் என்றும் நீதிமன்றம் தனது உத்தரவில் குறிப்பிட்டுள்ளது.
முன்னதாக மனு மீதான விசாரணையின்போது சகாயம் கேட்கும் அனைத்து அதிகாரிகளையும் விசாரணைக்கு வழங்க முடியாது என தமிழக அரசு தரப்பில் மறுப்பு தெரிவிக்கப்பட்டது.
இதனையடுத்து விசாரணைக்கு செல்லும் நிலையில் உள்ள அதிகாரிகளை மட்டும் அனுப்பலாம் என நீதிமன்றம் உத்தரவிட்டது.
பசுமை தாயகம் மனு தள்ளுபடி
இதனிடையே கிரானைட் முறைகேடு குறித்து மாநிலம் முழுவதும் விசாரணை நடத்தக் கோரி பசுமை தாயகம் சார்பில் தாக்கக் செய்யப்பட்ட மனுவை தள்ளுபடி செய்த உயர் நீதிமன்றம், இக்கோரிக்கை தொடர்பாக பசுமை தாயகம் தனியாக மனு தாக்கல் செய்யலாம் எனக் கூறியது.
வழக்கு விவரம்
மதுரை மாவட்டம் மேலூர் பகுதியில் நடைபெற்ற கிரானைட் முறைகேட்டில் ரூ.16 ஆயிரம் கோடி அளவுக்கு அரசுக்கு வருவாய் இழப்பு ஏற்பட்டதாக புகார் கூறப்பட்டது. இது தொடர்பாக முழுமையான விசாரணை நடத்தி அறிக்கை தாக்கல் செய்ய ஐ.ஏ.எஸ். அதிகாரி சகாயம் தலைமையிலான குழு அமைத்து சென்னை உயர் நீதிமன்றம் உத்தரவிட்டது.

இதையடுத்து, தமிழக அரசு கடந்த மாதம் 31 ஆம் தேதி அனுமதி அளித்து, சகாயத்திற்கு துப்பாக்கி ஏந்திய கிரானைட் முறைகேடு: மதுரையில் மட்டும் விசாரிக்க சகாயத்திற்கு உத்தரவு! Granite%20new%282%29

கிரானைட் முறைகேடு: மதுரையில் மட்டும் விசாரிக்க சகாயத்திற்கு உத்தரவு! Granite%20new%282%29

போலீஸ் பாதுகாப்பும், மதுரையில் முகாம் அலுவலகமும் அமைக்க அரசு உத்தரவிட்டது. இந்நிலையில், சகாயம் குழுவில் 2 துணை கலெக்டர்கள், 2 தாசில்தார்கள் மற்றும் புவியியல் அலுவலர்கள், பணியாளர்கள், தட்டச்சர், கம்ப்யூட்டர் ஆபரேட்டர், வீடியோகிராபர், போட்டோ கிராபர் உள்ளிட்ட 15 பேர் இடம் பெற்றுள்ளனர்.

மேலும் இந்த குழுவுக்கு, போக்குவரத்துக்கு தேவையான வாகன வசதி மற்றும் அலுவலக அறைகள் ஒதுக்கீடு செய்யப்பட்டுள்ளது. இதற்கான பட்டியலை மதுரை மாவட்ட நிர்வாகம் சகாயத்திற்கு அனுப்பி இருந்தது.

மதுரை அரசு விருந்தினர் மாளிகையில் சகாயம் தங்குவதற்கு அறையும், மதுரை கலெக்டர் அலுவலகத்தில் முகாம் அறையும் ஒதுக்கீடு செய்யப்பட்டுள்ளன. மேலும் ஆய்வுக்கு தேவையான அனைத்து ஏற்பாடுகளையும் மதுரை மாவட்ட நிர்வாகம் செய்திருந்தது.

இதனால் சகாயம் குழுவின் விசாரணை வரம்பு மதுரைக்கு மட்டுமே என்ற நிலை ஏற்பட்டது. இதனையடுத்து மாநிலம் முழுவதும் நடைபெற்ற கிரானைட் மற்றும் தாது மணல் முறைகேடு குறித்து சகாயம் குழு விசாரிக்க உத்தரவிட வேண்டும் என டிராபிக் ராமசாமி புதிய மனு ஒன்றை உயர் நீதிமன்றத்தில் தாக்கல் செய்தார்.

மேலும் சகாயமும் தனது விசாரணை வரம்பு மதுரைக்கு மட்டுமா அல்லது மாநிலம் முழுவதிற்குமா? என விளக்குமாறு கேட்டு, உயர் நீதிமன்றத்தில் மனு தாக்கல் செய்திருந்தார்.
இது தொடர்பாக அவர் தாக்கல் செய்த மனுவில், "உயர் நீதிமன்ற உத்தரவின் அடிப்படையில், தமிழக அரசு மதுரை மாவட்டத்தில் நடந்த கிரானைட் முறைகேடு குறித்து விசாரணை நடத்த என்னை நியமித்துள்ளது. ஆனால், உயர் நீதிமன்றம் பிறப்பித்த 3 உத்தரவுகளில், வெவ்வேறு விதமாக உள்ளது.
எனவே, தமிழகம் முழுவதுமுள்ள 32 மாவட்டங்களில் நடந்துள்ள கனிமவள முறைகேடு குறித்து விசாரிக்க வேண்டுமா? மதுரை மாவட்டத்தில் நடந்துள்ள கிரானைட் முறைகேடு குறித்து விசாரிக்க வேண்டுமா? அல்லது மதுரை மாவட்டத்தில் நடந்துள்ள ஆற்று மணல், கல் உள்ளிட்டது குறித்து சேர்த்து விசாரிக்க வேண்டுமா?" என்று கூறியிருந்தார்.

இந்த மனு தலைமை நீதிபதி சஞ்சய் கிஷன் கவுல், நீதிபதி எம்.சத்தியநாராயணன் ஆகியோர் முன்பு இன்று விசாரணைக்கு வந்தது. அப்போது, அரசு தரப்பில் அட்வகேட் ஜெனரல் சோமயாஜி, மனுதாரர் சார்பில் வழக்கறிஞர் சுரேஷ், இந்த வழக்கில் தங்களையும் சேர்த்து விசாரிக்க வேண்டும் என்று பசுமை தாயகம் தாக்கல் செய்த மனு சார்பில் வழக்கறிஞர் கே.பாலு ஆகியோர் ஆஜராகி வாதிட்டார்கள்.