கணினி பழையதா?வந்தட்டு சிறியதா?மாற்ற வேண்டுமா?

பொதுவாக மூன்று விதமான வந்தட்டுகள் பாவனையில் உள்ளன.Serial ATA (SATA) , Integrated Drive Electronics (IDE) ,solid-state drive (SSD). இவற்றில் எது என்பதை முடிவு செய்ய வேண்டும். IDE-பழைய வந்தட்டு முறை,SATA அதற்குப் பிந்தையது. SSD என்பது கைபேசி சிம்காட் போன்ற உள்ளே அசையும் பகுதிகள் இல்லாதது-ஆனால் சிறந்ததும் விலை கூடியதுமாகும்.

முதலில் தாய்ப்பலகை-Motherboard- உடன் எந்த வந்தட்டு இணைக்க முடியும் என தெரிந்து கொள்ள வேண்டும். இவற்றை தாய்ப்பலகையுடன் இணைக்க -slot- சரியானதாக இருக்கிறதா எனப் பார்க்க வேண்டும். இல்லையேல் பழைய கணினிகளில் SATA,SSD வந்தட்டுகளை இணைக்க , ஒரு சிறிய அடப்டரும் வாங்க வேண்டும்.

இரண்டு வந்தட்டையும் தனித்தனியாகவோ அல்லது ஒன்றாகவோ இயங்குதளம் நிறுவும் போது ஏற்படுத்திக் கொள்ள முடியும். அதாவது Disk 1,Disk 2 என வைத்துக் கொள்ளலாம். அல்லது இரண்டையும் இணைத்து 500GB+500GB=1000GB என ஒன்றாகவும்- ஒரே டிஸ்க்காகவும் பாவிக்கலாம்.

வந்தட்டு இணைக்க ஒரு தனிப்பட்ட IDE Cable அல்லது SATA Cable அல்லது SSD Cable அல்லது மூன்றையும் பாவிக்கக் கூடிய ஒரே இணைப்பொன்றை வாங்கலாம். அந்த Cable இணைப்பைக் கொண்டு Motherboard – Cable மூலம் – Hard Drive என இணைத்ததும்,Power Supply இல் இருந்து மின் இணைப்பைக் கொடுக்க வேண்டும். இணைக்கும் போது தவறு  ஏற்படாது. ஏனெனில் மாற்றி இணைக்க முடியாதபடி ஒரு பக்கமாக இணைக்கும்படி செய்யப்பட்டுள்ளது.

கணினி தொடக்கப்பட்டதும் தானாகவே  Plug and Play முறையில் கண்டு கொள்ளும். இல்லையேல் Control Panel -Disk Management சென்று சேர்த்துக் கொள்ளலாம்.

IDE வந்தட்டு என்றால் ஒரு சிறிய வேறுபாடு உண்டு. Master,Slave என்ற ஒரு முறை உண்டு.  

இரண்டாவது வந்தட்டை Master ஆக வைத்துக் கொண்டால், தனியான இணைப்பு Cable மூலம் தாய்ப்பலகையில் உள்ள இரண்டாவது slot இல் சொருக வேண்டும். ஏனெனில் முதலாவது slot இல் உள்ள முதலாவது வந்தட்டில் CD/DVD ஐ Slave ஆக Cable இன் நடுப்பகுதியுடன் இணைக்கப்பட்டிருக்கும்.

Jumper எப்போது என்றால், Cable இல் நடுப்பகுதியில்,அதாவது இரண்டு வந்தட்டுகளையும் ஒரே cable மூலம் இணைக்கும் போது வருகிறது. Jumper என்பது IDE வந்தட்டில் Cable இணைக்கும் பின்களுக்கும் மின் இணைக்கும் பின்களுக்கும் இடையில் சிறிய ஆறு பின் கள் வரை இருக்கும்.அந்தப் பின்களை மாற்றிச் சொருக வேண்டும். இணைக்கும் முறை வந்தட்டில் காட்டப்பட்டிருக்கும்.

IDE cable இலும் வந்தட்டிலும் 40 பின்கள் வரை இருக்கும்.இரண்டாவது வந்தட்டை இரண்டாவது slot இல் தனியான கேபிள் மூலம் இணைத்தால் ஜம்பர் பிரச்சனை வராது. மூன்றாவது வந்தட்டை இணைக்க வேண்டுமானால் slave-jumper வரும்.

SATA வந்தட்டுக்கு jumper settings கிடையாது.

இணைப்பு முடிந்ததும் வேண்டுமானால் BIOS பற்றி தெரிந்தால் சரி பார்த்துக் கொள்ளலாம்.

இல்லையேல் நேரடியாக கணினியை தொடக்கி சரி பார்த்துக் கொள்ளலாம்.எல்லாப் பின்களும் சரியாக சொருகப்பட்டிருந்தால் தவறு எதுவும் ஏற்பட வாய்ப்பில்லை.