பிரான்சில் கேர்ணல் பரிதியின் நினைவுச் சின்னம் சிங்கள கைக் கூலிகளால் பிடுங்கி எறியப்பட்டது

பிரான்சில் கேர்ணல் பரிதியின் நினைவுச் சின்னம் சிங்கள கைக் கூலிகளால் பிடுங்கி எறியப்பட்டது என்பது.. புலிகள் அமைப்பை சீண்டிப்பார்க்கும் இழி செயல் ஆகும்!
*************************************************
ஐரோப்பிய ஒன்றிய புலிகள் மீதான, தடையை நீடிக்கும் ஓர் நரித்தனமும் இதில் அடங்கியுள்ளது!
***********************
மு.வே.யோகேஸ்வரன்
*********************************

28 நாடுகளைக் கொண்ட ஐரோப்பிய ஒன்றியம், புலிகள் மீது விதித்த தடை பொருத்தமற்றது..புலிகள் பயங்கர வாதிகள் அல்ல..ஓர் விடுதலைப்போராட்ட அமைப்பே ..என்று அண்மையில் ஐரோப்பிய நீதி மன்றம் வழங்கிய அதிரடித் தீர்ப்பினால் ஆடிப் போயுள்ளது சிங்கள இனவாத அரசு..!
ஐரோப்பிய நீதி மன்றத்தின் மேற்படி தீர்ப்புக்கு எதிராக மறு ஆய்வு செய்வதெனில், ஐரோப்பிய நாடுகளில் பலவும் அதற்கு உடன்பட வேண்டும்..அதுவும் இன்னும் இரு மாதங்களுக்குள்! அது எப்படி சாத்தியமாகும்?
அவைகள் அதற்கு உடன்படுவதானால், அதற்கு தகுந்த காரணங்களை சொல்லியே ஆகவேண்டும்..குறிப்பாக ஐரோப்பாவில் புலிகள் அமைப்பாலோ,அல்லது அதன் ஆதரவு அமைப்பாலோ ஏதும் பயங்கரவாத நடவடிக்கைகள்-அல்லது வன்முறைகள் மேற்கொள்ளப் படும்போதே,அதை சுட்டிக் காட்டி தடையை நீக்கியது ,மறுபரிசீலனை செய்யப் படவேண்டும் என்று வாதிடமுடியும்..!
அதனால்,சிங்கள அரசே அத்தகைய நடவடிக்கைகளை மேற்கொள்ள முயல்வதையே மேற்படி கேர்ணல் பரிதியின் நினைவுச் சின்னம் 1..11.2014இல் சில வன்முறையாளர்களால் திட்டமிடப் பட்டு பிரான்சின் முக்கிய பகுதி(லாச்சப்) ஒன்றில் இருந்து பிடுங்கி எறியப் பட்டுள்ளதை காட்டுகிறது!
இந்த நடவடிக்கை நிச்சயம் ஒவ்வொரு ஈழத் தமிழனின் குருதியையும் கொந்தளிக்க வைக்கும் ஓர் நடவடிக்கை என்பதில் மாற்று கருத்துக்கு இடமில்லை!..முன்னாள் மூத்த புலி உறுப்பினரான கேர்ணல் பரிதி எனது இனிய நண்பன்..அவனுடன் நான் சேர்ந்து போராடிய காலங்களை விட,போராட்ட வேளையில் சிறையில் ஒன்றாக இருந்த காலமும் அதிகம்தான்! நினைவில் இருந்து அழியாத நாட்கள் அவை!
அப்படிப்பட்ட கேர்ணல் பரிதியின் நினைவுச் சின்னத்தை இனக்கறை படிந்த கைகளுடன், சிங்கள கைக்கூலிகள் சிதைத்து முற்றாக அகற்றியது..என்பது ஏற்றுக் கொள்ள முடியாத ஒன்றாகும்! எனக்கே இதை கேட்க உள்ளம் கொதிக்கிறது..இளம் உள்ளங்களுக்கு எப்படி இருக்கும்?
ஆனால்..இந்த வேளையில்தான் நாம் சற்று பொறுமையாக இருக்கவேண்டும்..இந்த நடவடிக்கையின் பின்னணியில் சிங்கள உளவாளிகளின் கைகள்தான் இருக்கின்றன.. என்று தெரிகிறது..அதை ஏன் இந்த நேரத்தில் அவர்கள் செய்திருக்கிறார்கள்? என்று சிந்தித்திதுப் பார்த்தால் அதன் காரணிகள் மிக தெளிவாக எமக்கு தெரிகிறது..
கைப் புண்ணை பார்க்க கண்ணாடியா வேண்டும்?
(1)...எதிர்வரும் தை மாதத்துக்குள் ஐரோப்பிய ஒன்றியத்தின் புலிகள் மீதான தடை நீக்கம் மீதான வழக்கில் மறு ஆய்வு மனு தாக்கல் செய்யப்படவேண்டும்- இல்லையேல் அந்த தீர்ப்பு மாசி மாதம்(2015) முதல் அமுலுக்கு வந்துவிடும்..அதற்குள் புலிகள் இன்னும்
பயங்கரவாத செயல்களை வெளி நாடுகளில் நிறுத்தவில்லை என்று நிருபித்துவிட்டால் ..?..மீண்டும் புலிகள்மீதான தடை இறுகும்.. அதற்குத்தான் புலியின் மீசை மயிரை பிடுங்கிப் பார்க்கின்றன சிங்கள உளவு அமைப்பும், சிங்கள இனவாத அரசும்!
இந்த நடவடிக்கைக்கு பதிலடி கொடுக்க நினைத்து, உணர்ச்சி வசப்பட்டு எதையாவது செய்தால், அது ஐரோப்பிய நீதிமன்றத்தின் கவனத்துக்கு நிச்சயம் போகும்..அதன் விளைவாக நன்மை அடையப் போவது யார்? என்று நாம் ஒருகணம் எண்ணிப் பார்க்கவேண்டும்?
(2) மாவீரர் நாளை வழக்கம்போல் குழப்ப எடுக்கும் ஓர் நடவடிக்கையே கேர்ணல் பரிதியின் நினைவுச் சின்னம் நொறுக்கப் பட்டு, அகற்றப் பட்டதாகும்.இதுவும் இரண்டாவது காரணி ஆகும்!
இந்த இரு நடவடிக்கைகளையும் மையப் படுத்தி முன்னாள் புலிகளின் உறுப்பினர்கள்-அல்லது அவர்களின் ஆதரவாளர்கள்-அல்லது தமிழ் இன உணர்வாளர்கள்.. எதையாவது செய்யாமல் இருப்பதோ ..எந்த வன்முறையிலும் இறங்காமல் இருப்பதோதான் இன்றுள்ள முக்கிய ராஜ தந்திர நடவடிக்கை ஆகும்..!
எங்கள் வீரம்.. காட்டவேண்டிய இடத்தில்-காட்ட வேண்டிய நேரத்தில்- காட்டப் படவேண்டும்..!
மீண்டும் ஒருமுறை நாம் பொறுமையாக இருப்போம்..எம் இனத்தின் நன்மைக்காக!