பால் விலையேற்றம் - சில தகவல்கள் !!!

பால் விலையேற்றம் - சில தகவல்கள் !!!

1. கடந்த மூன்றாண்டுகளாக விலை ஏற்றாததினால், ஆவின் நிறுவனம் தினமும் ஐம்பது லட்ச ரூபாய் நஷ்டத்தில் இயங்கி வருகிறது.
2. தனியார் பால் நிறுவனங்கள் ஆவினை விட 4 - 6 ரூபாய் லிட்டருக்குக் கூடுதலாகக் கொடுத்து கொள்முதல் செய்துவந்தன. இதனால், பால் உற்பத்தியாளர்கள் ஆவினுக்குப் பாலை விற்பதை விட தனியார் நிறுவனங்களுக்கு பால் விற்பதையே விரும்பினர்.
3. ஆவினின் தினசரி கொள்முதல் அளவு, கடந்தாண்டை ஒப்பிடுகையில், நான்கு லட்சம் லிட்டர் குறைந்தது. காரணம், விவசாயிகள் தனியார் நிறுவனங்கள் பக்கம் திரும்பியது.
4. இந்நிலை தொடர்ந்திருந்தால், ஆவினுக்கு பால் சப்ளை செய்வதை விவசாயிகள் நிறுத்தியிருப்பார்கள். ஆவின் இழுத்து மூடப்பட்டிருக்கும். தனியார் நிறுவனங்களின் ஆதிக்கம் ஏகபோகம் ஆகியிருக்கும்.
5. இந்த காரணத்தினால், பால் கொள்முதல் விலையை ஜனவரியில் மூன்று ரூபாயும், தற்போது ஐந்து ரூபாயும் - ஆக எட்டு ரூபாய் அரசு உயர்த்தியுள்ளது. இப்போது ஆவின் கொள்முதல் விலை தனியார் நிறுவனங்கள் அளவிற்கு இருக்கிறது. இதனால் பால் உற்பத்தியாளர்கள் பலரும் மீண்டும் ஆவினுக்கு சப்ளை செய்ய ஆரம்பிப்பார்கள்.
6. இப்படி எட்டு ரூபாய் கொள்முதல் விலை உயரும்பட்சத்தில், ஏற்கனவே ஐம்பது லட்சம் ரூபாய் நஷ்டத்தில் இயங்கும் ஆவின் எப்படி சமாளிக்கும் ? இதற்காகவே இந்த பத்து ரூபாய் விலை உயர்வு.
7. இந்த இரண்டு ரூபாய் வித்தியாசமும் அரசுக்கு முழுவதுமாக லாபமில்லை. இதில் செலவுகள் போக, அரசுக்குக் கிடைக்கப் போகும் லாபம் வெறும் 23 பைசா / ஒரு லிட்டருக்கு.
8. கிடைக்கப்போகும் ஓராண்டு லாபம் எட்டு கோடி. மக்கள் வயிற்றில் அடித்து நூற்றுக்கணக்கான கோடிகள் பிடுங்கவில்லை அரசாங்கம்.
9. ஒரு நடுத்தரக் குடும்பத்தின் மாதாந்திர கூடுதல் செலவு சற்றேறக்குறைய 250 ரூபாய்.
10. இறுதியாக, மாதம் இந்த 250 ரூபாய் கொடுத்து , தனியார் நிறுவனங்கள் தாறுமாறாக விலை உயர்த்தாமல் போட்டி அளிக்கும் ஒரு அரசு நிறுவனம் தொடர்ந்து நடக்க நம்மால் உதவ இயலாதா என்று சிந்தியுங்கள்.