கர்நாடக வனத்துறையினர் செய்த கொடூரமான படுகொலை........

கர்நாடக வனத்துறையினர் செய்த கொடூரமான படுகொலை........

தமிழக கர்நாடக எல்லைப்பகுதியான கோவிந்தபாடியைச் சார்ந்த மீனவர்களான முத்துசாமி, ராஜா, செட்டிப்பட்டியைச் சார்ந்த பழனி ஆகியோர் கடந்த நான்கு நாட்களுக்கு முன்பு அடிப்பாலாறு பகுதியில் மீன் பிடிக்கச்சென்றபோது,

அவர்களை கர்நாடக மாநில சாம்ராஜ்நகர் மாவட்ட வன அலுவலர்கள், வனப்பகுதிக்குள் இழுத்துச்சென்று, மான் உள்ளிட்ட வன விலங்குகளை பிடித்துத்தருமாறும், அதற்கு கூலி தருகிறோம் என்றும் வற்புறுத்தியுள்ளனர்,

இதை ஏற்க மறுத்த மூவரும் அங்கிருந்து தப்பிக்க முற்பட்டபோது, கர்நாடக வனத்துறையினர் கடுமையாகத் தாக்கியுள்ளனர்,

துப்பாக்கிச்சூடும் நடத்தியதில் ராஜாவின் காலில் பத்திற்கும் அதிகமான பால்ரஸ் குண்டுகள் பாய்ந்துள்ளது, அவரைக் காப்பாற்றி முத்துசாமி சொந்த ஊருக்கு கொண்டுவந்துவிட்டார், ராஜா தற்போது தனியார் மருத்துவமனையில் சிகிச்சை பெற்றுவருகிறார்.

இந்நிலையில், துப்பாக்கியால் சுடப்பட்டதில் நெஞ்சில் குண்டுக்காயங்களும், தலையில் வெட்டுக்காயங்களுடனும், இடது கை வெட்டப்பட்டும், ஆணுறுப்பு அறுக்கப்பட்டும் முழு நிர்வாண நிலையில் 42வயதான பழனியின் உடல், 24.10.2014.நேற்று கர்நாடக எல்லையில் உள்ள அடிப்பாலாறு பகுதியில் காவிரி ஆற்றில் கரை ஒதுங்கியிருந்தது......

கர்நாடக மாநில சாம்ராஜ்நகர் மாவட்ட வன அலுவலர்கள், கூலி ஆட்களைக்கொண்டு வனங்களில் உள்ள மான் உள்ளிட்ட விலங்குகளை பிடித்துவரச்செய்து,

அவற்றை முக்கிய அரசியல் புள்ளிகளுக்கும் வசதிபடைத்தோருக்கும் திருட்டுத்தனமாக விற்பனை செய்துவருவதும்,

இதற்கு ஒத்துழைப்பு தராதவர்களை அடித்து துன்புறுத்துவதும், அவர்கள் மீது "வன விலங்குகளை வேட்டையாட வந்தார்கள்" என்பது உள்ளிட்ட பொய்வழக்குகள் போடுவதும் வாடிக்கையாகக்கொண்டுள்ளனர்,

தற்போது, துப்பாக்கிச்சூடு நடத்தி கொடூரமாகாக் கொலையும் செய்துள்ளனர்.

கர்நாடக வனத்துறையினரின் கொடூரத்தாக்குதல்கள், படுகொலை, பொய்வழக்குகள் உள்ளிட்ட மனித உரிமை மீறல்களை, தமிழ்நாடு மக்கள் உரிமை இயக்கம் வண்மையாகக் கண்டிக்கிறது.

இதுகுறித்து நீதி விசாரணையை மேற்கொண்டும், படுகொலை செய்த கர்நாடக வனத்துறையினர் மீது கொலைவழக்கு பதிவு செய்து, சம்பந்தப்பட்ட கொலையாளிகளை உடனடியாக கைதுசெய்து தமிழக சிறையில் அடைக்கவும்,

பாதிக்கப்பட்ட குடும்பங்களுக்கு அதிகப்படியான நிவாரண நிதிகளை வழங்கி, சம்பந்தப்பட்ட குடும்பத்தினர்களுக்கு அரசு வேலை வழங்கவும்,

தமிழக கர்நாடக எல்லைப்பகுதிகளில் வாழும் தமிழர்களின் உயிர்களுக்கு போதிய பாதுகாப்பு வழங்கவும், தமிழக அரசை தமிழ்நாடு மக்கள் உரிமை இயக்கம் வலியுறுத்துகிறது.