சூழ்ச்சியால் வீழ்த்தப்பட்ட வீரப்பனின் நினைவுதினம் இன்று!

[You must be registered and logged in to see this image.]

சாமியார்களின்,நடிகர்களின் தினங்களைக் கொண்டாடும் போது...........
தமிழனை சூழ்ச்சியால் கொன்ற-வடவர்கள் கொண்டாட வேண்டிய தினத்தை தமிழர்கள் கொண்டாடும் போது..............
தன் பணத்தில் எதையும் செய்யாது,மக்கள் பணத்தில் பல இலட்சங்கள் பெறுமதியான சந்தணக் கட்டைகளை இந்துக் கோவிலுக்கு தானம் செய்யும் போது.............
ஏன் வீரப்பனை நினைவு கொள்ளக் கூடாது?

சத்தியமங்கலம் காட்டுப் பகுதியில் மறைந்து வாழ்ந்த,சந்தனக்கடத்தல் வீரப்பன் என்று அழைக்கப்பட்ட,வீரப்பன் (1952 - 2004) ,பல வருடங்களாக வீரப்பன் தமிழக, கர்நாடக, கேரளா அரசுகளுக்கு பெரும் சவாலாக விளங்கினார். ஒரு கட்டத்தில் சிலநூறு பேர் கொண்ட படையே தனக்கென வைத்திருந்தார்.

இவரை திட்டமிட்டு கண் பார்வையை இழக்க செய்யும் விசத்தை உணவு மூலம் பல நாட்களாக கொடுத்து பார்வையை இழக்க செய்த பின்பு திட்டமிட்டபடி பார்வை சிகிச்சை பெற செல்லும் வழியில் தமிழக காவல் துறை அதிகரிகளால் ஊர்தி சுற்றி வளைக்கப் பட்டதை உணர்ந்த வீரப்பன் தனக்கு தானே சுட்டுக் கொண்டார்.

இவர் கொல்லப்படும் வரை இவரை பிடித்து கொடுப்பவர்க்கு 5 கோடி (US$820,000) சன்மானம் அறிவிக்கப்பட்டிருந்தது.

வீரப்பன் 18 ஜனவரி 1952 ம் ஆண்டு கோபிநத்தம் என்னும் கிராமத்தில் பிறந்தார். இவருக்கு ஆஸ்த்மா பாதிப்பு இருந்தது. வீரப்பன் மலையூர் மம்மட்டியான் என்ற கைதேர்ந்த கொள்ளையனின் செயல்களால் ஈர்க்கப்பட்டார்.மம்மட்டியான் இரு கொள்ளை குழுக்களுக்கு நடுவே நடந்த சண்டையில் கொல்லப்பட்டார் .மம்மட்டியானை கொன்றவரின் சகோதரனை கொன்றதே வீரப்பன் செய்த முதல் கொலையாகும்.

நன்றி -விக்கிபீடியா தகவல்.
.................
தமிழ்தேசியவாதி.வீரப்பனார் அவர்கள் அரசுக்கு வைத்த கோரிக்கைகள்…

1: காவிரிப் பிரச்சினைக்கு நிரந்தர தீர்வு காண வேண்டும். அதற்கு முன்பு, வி.பி.சிங் காலத்தில் அமைக்கப்பட்ட நடுவர் மன்றத்தின் இடைக்காலத் தீர்ப்பில் கூறியுள்ளபடி 205 டி.எம்.சி. காவிரி நீரை உடனடியாக தமிழகத்திற்கு திறந்து விட வேண்டும். எதிர்காலத்தில் இந்தப் பிரச்சினையில், எந்தக் குழப்பமும் இருக்கக் கூடாது.

2: 1991-ம் ஆண்டு காவிரிக் கலவரத்தில் இறந்த தமிழர்களின் குடும்பத்தினருக்கு உரிய இழப்பீட்டுத் தொகை வழங்கப்பட வேண்டும். அத்துடன், கர்நாடகத் தமிழர்களின்
உயிருக்கும், உடைமைக்கும் உத்தரவாதம் தரப்பட வேண்டும்.

3:கர்நாடகத்தில் கன்னடர்களுக்கு அடுத்து அதிகம் உள்ளது தமிழர்கள் தான். எனவே தமிழை
கூடுதல் ஆட்சி மொழியாக கர்நாடக
அரசு அறிவிக்க வேண்டும்.

4: பெங்களூரில் அமைக்கப்பட்டுள்ள திருவள்ளுவர் சிலையைத் திறக்க கர்நாடக அரசு உடனடி
நடவடிக்கை எடுக்க வேண்டும்.

5: தமிழ்நாடு மற்றும் கர்நாடக மாநில அதிரடிப்படைகள் செய்த கொடுமைகள் குறித்து விசாரிக்க நீதிபதி சதாசிவா கமிஷன் அமைக்கப்பட்டது. இருப்பினும், இந்த கமிஷன் நியமனத்திற்கு கர்நாடக உயர்நீதிமன்றம் இடைக்காலத் தடை விதித்தது. இந்தத் தடையை நீக்க கர்நாடக அரசு விரைவான நடவடிக்கை எடுக்க வேண்டும்.

இந்த கமிஷன் அறிக்கையை பகிரங்கமாக வெளியிட வேண்டும். பொதுமக்கள் அனைவருக்கும் கிடைக்கும் வகையில் இதை வெளியிட வேண்டும். மேலும், அதிரடிப்படை நடவடிக்கையின் போது உயிரிழந்த ஒவ்வொருவரின் குடும்பத்திற்கும் ரூ. 10 லட்சமும், கற்பழிக்கப்பட்டவர்களுக்கு தலா ரூ. 10லட்சமும் வழங்க வேண்டும்.

பாதிக்கப்பட்ட பிறருக்கு தலா ரூ. 5 லட்சம் வழங்க வேண்டும். இந்தக் குற்றங்களுக்குக் காரணமான காவல்துறை அதிகாரிகள் மீதான புகார் நிரூபிக்கப்பட்டு அவர்களுக்கு உரிய தண்டனை வழங்க வேண்டும்.

6: கர்நாடக ஜெயில்களில் தடா சட்டத்தில் அடைக்கப்பட்டுள்ள அப்பாவிக் கைதிகளை விடுதலை செய்ய வேண்டும்.

7: கொல்லப்பட்ட 9 எஸ்.சி, எஸ்.டி மக்களின் குடும்பத்தினருக்கு போதுமான நிவாரணம் வழங்கப்பட வேண்டும்.

8: பச்சைத் தேயிலை பறிப்புக்கு வழங்கப்படும் குறைந்தபட்ச விலையை உடனடியாக ரூ. 15 ஆக அதிகரிக்க வேண்டும்.

9:தமிழ்நாடு ஜெயில்களில் உள்ள 5 பேரை விடுவிக்க வேண்டும்.

10: தமிழ்நாட்டில் மாஞ்சோலைத் தொழிலாளர்களின் பிரச்சினைக்குத் தீர்வு காண்பதற்கு முன்பு கர்நாடகம் மற்றும் தமிழகத்தில் உள்ள காபி மற்றும் டீ எஸ்டேட்களில் பணியாற்றும் தொழிலாளர்களுக்கு குறைந்தபட்ச தினக் கூலியாக ரூ. 150 வழங்க வேண்டும்……

வீரவணக்கம்