இறப்பிற்குப் பின்னர்...........??? என்ன?

இறப்பிற்குப் பின்னர்...........???
என்ன?.................. முதலில் இந்தப் பதிவைப் படியுங்கள்.

[You must be registered and logged in to see this link.]

மனித வாழ்வில் பல விடை தெரியாத,விடை காணாத கேள்விகள்-சந்தேகங்கள்.
இறப்பிற்குப் பின் என்ன? ஆனாலும் அறிவியல் சற்றே நெருங்கிச் செல்கிறது அல்லது அதுபற்றி சிந்திக்கத் தொடங்கி உள்ளது எனச் சொல்லலாம்.

இறப்பிற்குப் பின்னர் என்ன? யாரும் கண்டறிய முடியாதவை இவை. சிலர் ஆவிகளுடன் பேச்சு இப்படி சொல்லிக் கொண்டிருந்தாலும்,அவை ஏற்றுக் கொள்ள முடியாத ஏமாற்றாகத் தெரியும் நிலையில், ஏதோ ஒன்று இறப்பிற்கு பின்னர் இருப்பது தெரிய வருகிறது.

மேலே உள்ள பதிவு. இதை கொஞ்சம் திரும்பிப் பார்க்க வைத்த நிலையில், அறிவியலாளர்கள் சில கருத்துக்களை வெளியிட்டுள்ளார்கள்.
நீண்ட கால ஆய்வுகள் தொடரும் நிலையில், இறந்த சில மணித்துளிகளில் அல்லது இறப்பை நெருங்கிய நிலையில்-out-of-body experiences (OBEs) or near-death experiences (NDEs)-மூளை தன் செயல்களை முற்றாக நிறுத்திய பின்னரும்....

University of Southampton விஞ்ஞானிகள் 2000 ற்கு மேற்பட்டவர்களின் இறப்பின் போதும் இறப்பின் பின்னருமான செயல்பாடுகளை,முக்கியமாக இதயக் கோளாறுகளினால் இறப்பு நேரிட்ட 15 அமெரிக்க பித்தானிய,ஆஸ்திரிய நோயாளர்களை நான்கு வருடங்களுக்கு மேலாக ஆய்வு செய்து வந்த  நிலையில் …........
சில ஆச்சரியமான செய்திகளை வெளியிட்டுள்ளார்கள்.

40% மேற்பட்டவர்கள் மருத்துவ முடிவின்படி இறந்தவர்களாகக்-clinically dead- கருதப்பட்டு மீண்டும் இதய துடிப்பு ஆரம்பித்தவர்கள்,சில விழிப்புணர்வை-முன்னுணர்வைப் பெற்றதாக சொல்லியதை அவர்கள் கண்டார்கள்.

ஒருவர் முற்றாக இறந்த அறிவிப்பு கொடுக்கப்பட்டு இருந்த சமயம் அறையின் மூலையில் இருந்து தான் உடலில் இருந்து மூச்சை உணர்ந்ததாக கூறி இருந்தார்.

57 வயதுடைய இன்னொருவர் இறந்த அறிவிப்பு வந்த மூன்று நிமிடங்களின் பின் மருத்துவ அலுவலர்கள் அருகில் இருந்த உபகரணம் பற்றி உரையாடியதை விபரித்திருக்கிறார்.



Dr Sam Parnia இது பற்றிக் கூறும் போது இதயத் துடிப்பு நின்றதும்  குருதி சுற்று இல்லாத நிலையில் மூளை செயல்பட முடியாது என்பதைக் குறிப்பிட்டு,இதயத் துடிப்பு  நின்ற 20-30 விநாடிகளில் மூளைச் செயற்பாடு முற்றாக நின்று விடும் என்றால், எப்படி மேல் சொன்ன நிகழ்வில் மூன்று நிமிடங்களின் பின்னர் நடந்த உரையாடலைக் கேட்டிருக்க முடியும் என்ற சந்தேகத்தை வெளியிடுகிறார்.

ஆக இதயத் துடிப்பு நின்றதும் மூளை செயற்பாடு நிறுத்தப்பட்ட சில நிமிடங்களின் பின்னர்,ஒருவர் மீண்டும் இதயத் துடிப்பைப் பெறும் போது, அந்தக் குறுகிய இடைப்பட்ட நேரத்தில் அவருக்கு ஏற்பட்ட அனுபவம் பல கேள்விகளை எழுப்புகிறது.

இறப்புக்கும்-மீண்டும் இதயத் துடிப்பு தொடங்கியதற்கும் இடையே இருந்த சிறிது நேரத்தில் ,அவர் அந்த அறையில் நடந்த அனைத்தையும், அறையில் இருந்து இயந்திரம் எழுப்பிய சிறிய ஒலியையும் அவரால் கேட்க முடிந்தது என்றால், அவர் எவ்வளவு நேரம் அந்த உணர்வை பெற்றார்?

2060 இதயத் துடிப்பு நிறுத்தம்-cardiac arrest – அடைந்தவர்களில் 330 பேர் காப்பாறப்பட்டதாகவும், அவர்களில் 140 பேர் தாங்கள் பெற்ற அனுபவத்தை விபரித்ததாகவும், அவர்கள் சொன்னவை உண்மையாக இருந்ததாகவும் சொல்கிறார்கள் விஞ்ஞானிகள்.

வேறு சிலர் எந்த உணர்வைப் பெற முடியாவிட்டாலும் ஏதோ ஒரு உணர்வைப் பெற்றதாகவும்,சுகமான உணர்வாக இருந்ததாகவும் சொல்லி இருக்கிறார்கள். வேறு சிலர் ஏதோ ஒருவித ஒளி -சூரிய ஒளி போல் தங்களை நோக்கி வந்ததாக சொல்கிறார்கள்.

சிலர் தாங்கள் தண்ணீருக்குள் ஆழ்ந்து போய்க் கொண்டிருப்பது போலவும், சிலர் தாங்கள் உடலை விட்டு பறந்து செல்வது போன்ற உணர்வைப் பெற்றதாகவும் சொல்லிக் கொண்டார்கள்.

இப்போது இந்தப் பதிவைப் படியுங்கள்.
[You must be registered and logged in to see this link.]

இதயத் துடிப்பு நின்றதும் மூளைச் செயல்பாடு இல்லாமல் போகிறது. பின்னர் இதயத் துடிப்பை ஏற்படுத்துகிறார் மருத்துவர். இந்த இரண்டு செயல்பாடுகளுக்கும் நடுவே அந்த உயிர் பெற்ற அனுபவம் என்ன?
இறப்பின் பின் ஏற்பட்ட அனுபவம் உண்மையா? உண்மையானால் நிரந்தர இறப்பின் பின் ஏதோ ஒன்று உண்டா?

ஆனாலும் இது ஒரு மாயத் தோற்றமே-hallucination- தவிர உண்மையில்லை என சிலர் வாதிடுகிறார்கள்.ஏனெனில் அறிவியல் ரீதியாக நிரூபணமாகாமல் சம்பந்தப்பட்டவர்கள் அனுபவத்தை வைத்தே சொல்லப்படுகிறது. சமய நம்பிக்கை கொண்டவர்களின் கருத்தாகவும் இருக்கலாம் என்கிறார்கள் சிலர்.There are to many religions and they are all man made...up.

இந்த நிலையில் இந்த ஆய்வுகள் தொடரும், நிரூபிக்க நீண்ட பயணத்தை மேற்கொள்ள வேண்டும் என்கிறார்கள் விஞ்ஞானிகள்.