எனது மார்பகத்தை நான் காட்டுகிறேன்.உனக்கென்ன?

by **sakthy** Fri Sep 19, 2014 6:18 pm

எனது மார்பகத்தை நான் காட்டுகிறேன்.உனக்கென்ன?

பெண்களை உயர்வாக மதிக்கும் நாடாகத்தான் இருந்தது இது. கடந்த 20 ஆண்டுகளாக ஏற்பட்டுள்ள எலெக்ட்ரானிக் சாதனங்களின் அபரிமிதமான வளர்ச்சி, நாகரீகம் என்று நினைத்து அரங்கேற்றப்படும் அநாகரீகங்கள் - தவறையே சரி என்று வாதிக்கும் தவறான போக்கு….. பணம் இருந்தால், புகழ் இருந்தால், என்ன வேண்டுமானாலும் செய்யலாம் -

எதையும் ஏற்றுக் கொள்ள வைக்கலாம் – என்கிற மனோபாவம்,
5 வயதுச் சிறுமியைக் கூட சீரழிக்கும் மனசாட்சி அற்ற மனித மிருகங்களின் எண்ணிக்கை எல்லாமே அண்மைக்காலங்களில் வேகமாக வளர்ந்து வருகின்றன.

திரைப்பட நடிகர், நடிகைகளுக்கு அளவுக்கு மிஞ்சிய முக்கியத்துவம் கொடுக்கப்படுகிறது. அவர்களது உளரல்கள் எல்லாம் தத்துவங்களாக ஏற்றுக்கொள்ளப்படுகிறது. ட்விட்டர், பேஸ்புக், இத்யாதி தொடர்புகளால் விசவேகத்தில் இவை விரிவாகப் பரப்பப்படுகினறன.

ஆங்கில செய்தித்தாள் ஒன்று – ஒரு நடிகை ஒரு காட்சியில், மார்பு வளைவுகளை நன்றாகக் காட்டுகிறார் என்று எழுதி இருந்தது. அதற்கு பதிலாக அந்த நடிகை -(ட்விட்டர் -இந்த மாதிரி விஷயங்களுக்குத் தானே இன்று பயன்படுகிறது…?)

நான் ஒரு பெண், எனக்கு மார்புகள் இருக்கின்றன, காட்டுகிறேன் – இதில் உனக்கு எதாவது பிரச்சினையா …?என்று கேட்கிறார்.

சில சமயங்களில், ஒரு நபரின் ஒற்றை வார்த்தையே அவரது குணாதிசயத்தை பிரதிபலிப்பதாக அமைந்து விடுகிறது.
என்ன சொல்லி இருக்க வேண்டும் இவர் ….?

அந்த காட்சியில், என் மார்பு வளைவுகளைப்பற்றி கவலைப்படாமல், என் நடிப்பு எப்படி இருக்கிறது என்று பார். அதைப்பற்றி விமரிசனம் செய்-என்றல்லவா சொல்லால் அடித்திருக்க வேண்டும்….?

இவர் சொன்னதில் என்ன தவறு என்கிறீர்களா …?

நினைப்பிலேயே தவறு…. அணுகுமுறையிலேயே தவறு. பெண்களுக்கு மார்பகங்கள் இருப்பது – அதை வைத்து பணமும், பெயரும் – சம்பாதிப்பதற்காக அல்ல.

இந்த மனித குலம் அழியாமல், தொடர்ந்து நீடிப்பதற்காக, இறைவன் பெண்களுக்குக் கொடுத்துள்ள வரப்பிரசாதம் தான் மார்பகங்களும், முலைக்காம்புகளும். அவை தாய்மையின் வெளிப்பாடு. பச்சிளங் குழந்தை பிறந்தவுடன், பாதுகாப்பான
உணவிற்காக எங்கும் தேடி அலையாமல், தாயின் உடலிலேயே அதற்கான பாத்திரத்தையும் வைத்து, குழந்தை பிறந்த உடனேயே, அதில் சுவைமிக்க, சத்துமிக்க, சுகாதாரமான பாலையும் சுரக்க வைக்கிறான் இறைவன்( இயற்கை என்று சொன்னாலும் சரி தான் ….)

இவ்வளவு மதிப்பும் பெருமையும் வாய்ந்த பெண்மையின் பொக்கிசங்களை, தாய்மையின் சின்னத்தை - அதன் பெருமை புரியாமல்

-எனக்கு இருக்கிறது-காட்டுகிறேன் என்று சொல்லலாமா ….?

காட்டுவதற்கென்ன கண்காட்சிப் பொருளா அது ….? தன் திறனில், கலைத்திறனில், நடிப்புத்திறனில் - நம்பிக்கையுள்ள பெண், சதைப்பற்றை காட்சிப் பொருளாக்கி பணம் சம்பாதிக்க மாட்டாள்….
இருக்கிறது – காட்டுகிறேன் – என்று சொல்லி இவர்கள் காட்டும் விசயத்தை,

இன்றைய தினம் 10-15 வயது சிறுவர்கள் எல்லாம் கூட பார்க்ககூடிய அளவிற்கு தொழில் நுட்பம் வளர்ந்து விட்டது. மீண்டும் மீண்டும் அந்த சிறுவர்களை, இளைஞர்களை – இவர்கள் நடிக்கும் திரைப்படங்களுக்கு வரத்தூண்டுவது, இவர்களது கலைத்திறமையா அல்லது
காட்டும் திறமையா ….?

நான் காட்டினால் உனக்கென்ன கவலை என்று இவர் கேட்கிறாரே….

15-20-25 வயதில் பிள்ளைகள் இருக்கும் பெற்றோர்களுக்கல்லவா தெரியும் அந்தக் கவலை. மீண்டும் மீண்டும் கணினியில் போய் உட்காரும் பையன் எதைப் பார்க்கிறானோ, என்ன செய்கிறானோ என்று சொல்லவும் முடியாமல், மெல்லவும் முடியாமல் இரண்டு கெட்டான் நிலையில் தவிக்கும் எத்தனையோ பெற்றோர்களை பார்த்துக் கொண்டு தான் இருக்கிறோம்.

இது நம் நாட்டில் மட்டுமல்ல உலகம் முழுவதிலும் உள்ள பெற்றோர்களின் நிலையும் இதுதான்.

சில காட்சிகளையும், விளம்பரங்களையும் பார்க்கும்போது, பாவம் – பணத்துக்காக அந்தப் பெண்கள் எதையெல்லாம் செய்ய வேண்டி இருக்கிறது என்று கூட நினைத்துக் கொள்வோம்.

இருக்கிறது – காட்டுகிறேன் என்று திமிர் பிடித்துச் சொல்லும் இவரைப் போன்ற பெண்களால், வேறு வழி இல்லாமல், பொருளாதாரத் தேவைகளுக்காக நடிப்பிற்கும், விளம்பரத்திற்கும் வருகிற மற்ற பெண்களுக்கும் அவக்கேடு.

இவரை ஆதரித்து எழுதுகின்ற கூட்டம் எதுவென்று பாருங்கள்.அங்கும் கீரோயினைக் காட்டி ஐம்பது வயதானாலும் கீரோவாகவே தொடர்கின்ற சாரூக் கான் போன்றவர்கள் தான் முன்னால் நிற்பார்கள்.
இந்தப் பெண் பேசுவதும், எழுதுவதும் -நடந்து கொள்ளும் முறையும் – எல்லாமே

தவறான முன்னுதாரணங்கள். சமுதாயத்திற்கு கேடானவை….
அவர் போக்கிற்கு காரணம் – பெற்றோரின் வழிகாட்டுதல் இன்மையாலா அல்லது தவறான சகவாசங்களா தெரியவில்லை….

சிந்தியுங்கள். இப்படிப்பட்ட நடிகர் நடிகைகளுக்கு ஆதரவு காட்டாது,முடிந்தவரை நல்ல பதிவுகளைக் கொடுங்கள். சினிமா செய்திகளைக் குறையுங்கள். இன்று இவை நமக்கு இனிப்பு.நாளைய நம் சமூகத்திற்கு கசப்பு.

by **mmani** Fri Sep 19, 2014 6:24 pm

சிந்தியுங்கள். இப்படிப்பட்ட நடிகர் நடிகைகளுக்கு ஆதரவு காட்டாது,முடிந்தவரை நல்ல பதிவுகளைக் கொடுங்கள். சினிமா செய்திகளைக் குறையுங்கள். இன்று இவை நமக்கு இனிப்பு.நாளைய நம் சமூகத்திற்கு கசப்பு.

மேலும் அறிய இந்த லிங்க்கை அழுத்தவும் http://www.puthiyatamil.net/t48829-topic#ixzz3DlX3Vvkv
Under Creative Commons License: Attribution

எனது மார்பகத்தை நான் காட்டுகிறேன்.உனக்கென்ன?

எனது மார்பகத்தை நான் காட்டுகிறேன்.உனக்கென்ன?

Re: எனது மார்பகத்தை நான் காட்டுகிறேன்.உனக்கென்ன?