சுவாமி சார்,நீங்க ரொம்ப மோசம்.

தமிழக மீனவர் படகுகளை விடுவிக்க வேண்டாம் என்று இலங்கைக்கு ஆலோசனை கூறியதாக பேட்டியளித்திருந்த பாஜகவின் மூத்த தலைவரான சுப்பிரமணியன் சுவாமி, தற்போது தாம் அப்படிக் கூறவில்லை என்று மறுப்புத் தெரிவித்துள்ளார்.

“இலங்கைக்கு தான் சென்று மகிந்த ராஜபக்சவை சந்தித்த போது, தமிழக மீனவர்கள் எல்லை தாண்டி வந்தால் அவர்களை கைது செய்து நீதிமன்றத்தில் ஆஜர்படுத்துங்கள்.. அவர்கள் தொழிலாளர்கள். அதனால் விடுவித்துவிடுங்கள்.

ஆனால் அவர்களது படகுகளின் உரிமையாளர்கள் பணக்காரர்கள். அதை விடுவிக்க வேண்டாம் என்று சொன்னேன். அதைத்தான் இலங்கை அரசு செய்து கொண்டிருக்கிறது என்று தொலைக் காட்சி ஒன்றிற்கு அளித்த நேர்காணலில் சுவாமி தெரிவித்திருந்தார்.

இவரது இந்தக் கருத்திற்கு தமிழகத்தில் கடுமையாக எதிர்ப்பு கிளம்பியது. அத்துடன், தமிழக முதல்வர் ஜெயலலிதா சுவாமியின் கருத்தைக் கண்டித்து பிரதமர் நரேந்திர மோடிக்கு கடிதம் அனுப்பியிருந்தார்.

மேலும் தமிழகம் முழுவதும் கடந்த 3 நாட்களாக சுப்பிரமணியன் சுவாமியின் கொடும்பாவி எரித்துப் போராட்டம் நடத்தப்பட்டு வருகிறது.

இந்த நிலையில் சுப்பிரமணியன் சுவாமி, தான் மீனவர் படகுகளை விடுவிக்க வேண்டாம் என்று இலங்கை ஜனாதிபதி ராஜபக்சவிடம் கூறவே இல்லை என்று பல்டி அடித்திருக்கிறார்.

இது குறித்து விளக்கம் அளித்துள்ள சுப்பிரமணியன் சுவாமி,

ஜெயலலிதா திரைத்துறையைச் சேர்ந்தவர். அவர் எழுதி வைக்கப்பட்ட கதையைத் தான் படிப்பார். நான் அப்படி எல்லாம் சொல்லவில்லை.

நான் மீனவர்கள் நலனுக்காகத்தான் செயல்படுகிறேன். அதனால் பலருக்கு என்னைப் பிடிக்கவில்லை. இராமேஸ்வரம் மீனவர்கள் என்னை சந்தித்து இலங்கை சிறையில் உள்ளவர்களை விடுவிக்க வேண்டும் என்று கோரிக்கை மனு கொடுத்தனர்.

அந்த மனுவைக் கொண்டு நான் ராஜபக்சேவிடம் கொடுத்தேன். அதனை ஏற்று மீனவர்களை ராஜபக்ச விடுவித்தார். ஆனால் மீன்பிடி இயந்திரப் படகுகளின் உரிமையாளர்கள் படகுகளை மீட்குமாறு என்னிடம் கோரிக்கை விடுவிக்கவில்லை.

ராஜபக்சதான் மீன்பிடி படகுகளை விடுவிக்க முடியாது என்றார் என்று சுப்பிரமணியன் சுவாமி தெரிவித்துள்ளார்.

வீடியோ ஆதாரத்தையே போட்டு உடைத்து விட்டீர்களே,சுவாமி சார்ர்ர்ர்ர்ர்.

அந்த நாய் அப்போ அப்போ இப்படிதான் செய்யும்

தமிழன் சொரணையற்று போனதன் விளைவுதான், சு.சாமி, பொன்.ராதா போன்றவர்களின் உளறல்கள்.

தமிழக படகுகளின் உரிமையாளர்கள் பணக்காரன், அதனால் அதை கைப்பற்றி வைத்துக் கொள் என்றால், இந்தியாவின் சொத்தை அபகரிப்பதற்கு, இலங்கைக்கு ஆலோசனை வழங்குவதாகத்தானே அர்த்தம் கொள்ள முடியும்? ஒரு உதாரணத்திற்கு வைத்துக் கொள்வோம், இலங்கைக்கு செல்லும் ஸ்பைஸ் ஜெட் விமானத்தை பிடித்து வைத்துக் கொண்டு, அதிலுள்ள பயணிகளை மட்டும் விட்டுவிடுங்கள் என்று சொல்ல முடியுமா? இந்தியாவில் உள்ள ஒவ்வொரு தனி நபரையும், சொத்தையும் பாதுகாப்பதுதானே, அரசின் முதல் கடமை. இந்த ஆல் இன் ஆல்சாமியின் இந்த பேச்சு, இந்திய இறையான்மை(?)யை பாதிப்பதாக இல்லையா?

குமரி மக்களே, நீங்கள் தேர்ந்தெடுத்த உங்கள் பிரதிநிதியின் ஆதங்கம், குமரி மாவட்டம் கேரளாவோடு சேராமல் போனதுதான். அதுவும் சரிதான் கேரளாவில் தேனும் பாலும் ஓடுது, இங்கு வெறும் சாராயமும், சாக்கடையும் மட்டும்தானே ஓடுகிறது! ஒன்று மட்டும் இந்த ஆளுக்கு புரியவில்லை, குமரி கேரளாவோடு இருந்திருந்தால், இவர் இன்று மத்திய மந்திரி ஆகியிருக்க மாட்டார் என்பது. மலையாளி மடையனல்ல இவர்களைப் போன்றவர்களை தேர்ந்தெடுக்க. இது இவர்களின் குறையல்ல. தமிழன் வாங்கி வந்த வரம் அப்படி. தமிழகத்தில் இருந்து மந்திரியும் ஆவீர்கள், தமிழனுக்கே குழியும் தோண்டுவீர்கள்.

வேறு எந்த மாநிலத்திலும் போய் இப்படி அந்த மாநில மக்களுக்கு எதிராக பேச முடியுமா? தமிழன் ரொம்ப உணர்ச்சிவசப்படக் கூடியவன்னு ஒரு பெரிய கருத்தரங்கம் வேற போனவாரம்தான் நடந்துது. இதைத்தான் நம்ம இலக்கியவாதிகள் ‘நகைமுரண்’ னு சொல்றாங்களோ என்ன எழவோ!