ராஜபக்சேக்கு மற்றொரு சிக்கல். சட்டத் திருத்தம் வருமா?

by **sakthy** Mon Sep 01, 2014 1:20 pm

இலங்கை சட்டத்துறையில் சிக்கல். என்ன செய்யப் போகிறார் ராஜபக்சே?

நாட்டில் சட்ட விளக்க கட்டளைச் சட்டம் ஒன்றுள்ளது. அந்த கட்டளைச் சட்டத்தின் அடிப்படையில் இறந்த காலத்திற்கு சட்டங்களை அமுல்படுத்த முடியாது.

18வது அரசியல் அமைப்புத் திருத்தச் சட்டம் என்பது நாட்டின் ஜனநாயகத்தை குழித்தோண்டி புதைத்த, சட்டத்தை புறந்தள்ளிய திருத்தச் சட்டமாகும்.

இந்த சட்டம் கொண்டு வரப்பட்ட போது ஒன்றை மறந்து விட்டனர்.

ஜனாதிபதி மகிந்த ராஜபக்ஷ 17வது திருத்தச் சட்டத்திற்கு அமையவே இரண்டாவது முறைக்கான பதவிப் பிரமாணத்தை செய்து கொண்டார்.

இதன் காரணமாக அரசியல் அமைப்புச் சட்டத்தின் 31.2 கீழ் இரண்டாம் தவணைக்கு மாத்திரமே அவர் ஜனாதிபதியாக பதவி வகிக்க முடியும்.

இதனால், மூன்றாவது முறையாக அவர் ஜனாதிபதித் தேர்தலில் போட்டியிட முடியாது .

தற்போதைய ஜனாதிபதி மூன்றாவது முறையாகவும் போட்டியிட முடியாது. மகிந்த ராஜபக்ஷவே மூன்றாவது முறையாகவும் ஜனாதிபதியாக தெரிவாகுவார் என அரசாங்கத்தில் உள்ளவர்கள் எதிர்பார்த்திருந்தால் அது சட்டரீதியாக பாரதூரமான தவறாகும்.

சட்டத்தையும், ஜனநாயகத்தையும் குழித்தோண்டி புதைத்துள்ள அரசாங்கம், அரசியல் அமைப்புச் சட்டத்திற்கு முரணாகவே செயற்பட பார்க்கின்றது.

அமுலில் உள்ள சட்டம் மிக தெளிவானது என்பதால், சர்வஜன வாக்கெடுப்புக்கும் செல்ல முடியாது.

இப்படியான சட்டரீதியான காரணத்திற்காக சர்வஜன வாக்கெடுப்பை நடத்த முடியாது என அரசியல் அமைப்புச் சட்டத்தில் கூறப்பட்டுள்ளது. என சுனில் வட்டகல குறிப்பிட்டுள்ளார்.

சட்டம் மாற்றப்படுமா? இராணுவ ஆட்சியா? மகிந்தவின் மனா?