தேக்குமர கடத்தலில் சிறை அதிகாரிகள்? போட்டோ வெளியிட்ட காவலர்கள்

by **ஜனனி** Tue May 18, 2010 7:15 am

கோவை
மத்திய சிறை கட்டடங்களில் இருக்கும் விலையுயர்ந்த தேக்குமரங்களை திருடி,
சிறைக்குள்ளேயே வீட்டு உபயோக பொருட்களாக மாற்றி, கைதிகளை கொண்டே
அதிகாரிகள் கடத்திச் செல்வதாக புகார் தெரிவித்துள்ளனர், காவலர்கள். அதற்கு
ஆதாரமாக, சில போட்டோக்களையும் வெளியிட்டுள்ளனர்.

கோவை மத்திய சிறையில் தண்டனை மற்றும்
விசாரணைக் கைதிகள் 2,200 பேர் அடைக்கப்பட்டுள்ளனர்; 300 காவலர்கள்
பணியாற்றுகின்றனர். சமீபகாலமாக, இங்குள்ள காவலர்கள் - அதிகாரிகள் இடையே
கடும் பனிப்போர் நிலவுகிறது. சிறை அதிகாரிகள் மீது அடுக்கடுக்கான
குற்றச்சாட்டுகளை, காவலர்கள் வெளியிட்டு வருகின்றனர். இதன் தொடர்ச்சியாக,
'தேக்குமரம் கடத்தல்' தொடர்பான குற்றச்சாட்டு மற்றும் போட்டோக்களை
வெளியிட்ட காவலர்கள், அதன் விவரங்களை முதல்வருக்கும் அனுப்பியுள்ளனர்.

புகார் மனுவில் கூறியிருப்பதாவது:கோவை
மத்திய சிறை அதிகாரிகள் முறைகேடுகளில் ஈடுபட்டு லஞ்சத்தில் உச்ச நிலையை
அடைந்துள்ளனர். கடந்த 1872ல் ஆங்கிலேயர் ஆட்சி காலத்தில் கட்டப்பட்ட
மத்திய சிறை வளாகத்தில் ஏராளமான கட்டடங்களும், தேக்கு மரத்தாலான கட்டுமான
பொருட்களும் இருந்தன. கட்டடங்கள் சிதிலமடைந்த பின், தேக்குமரங்கள் இருந்த
இடம் தெரியாமல் போய்விட்டன. மாட்டுப்பண்ணை வளாக கட்டடங்களின் தேக்குமர
சட்டங்கள் களவாடப்பட்டு, அதிகாரிகள் வீடுகளில் கட்டில், பீரோவாக
உருமாறிவிட்டன. சிலர், தேக்குமரங்களை கடத்தி வெளியில் வசிக்கும்
உறவினர்களுக்கும் சப்ளை செய்துள்ளனர்.சிறை கட்டடங்களில் இருக்கும் தேக்கு
மரங்கள் பெயர்த்து எடுக்கப்பட்டு, தண்டனை சிறைவாசிகளிடம் தரப்பட்டு அழகான
வேலைப்பாடுகளுடன் கூடிய கட்டில், பீரோ, '÷ஷா கேஸ்'களாக மாற்றப்படுகின்றன.

பின்னர், அனைத்தும் கைதிகளாலேயே (கேங் டூட்டி)
வெளியில் கடத்திச் செல்லப்படுகின்றன. தண்டனை சிறைவாசிகளை (வெளிக்குழு),
சிறை வளாகத்தை சுத்தப்படுத்தும் பணியில் மட்டுமே ஈடுபடுத்த வேண்டும்
என்பது விதிமுறை.ஆனால் அதிகாரிகளோ, தங்களது வீடுகளில் எடுபிடி வேலை
பார்க்கவும் நிர்பந்திக்கின்றனர். அந்த நேரத்தில் ஒரே ஒரு காவலர், ஐந்து
அல்லது ஆறு கைதிகளை கண்காணிக்க முடியாத நிலை ஏற்பட்டிருப்பதால், இவர்கள்
தப்பியோட வாய்ப்பு அதிகமுள்ளது. சிறையில் பணியாற்றும் அதிகாரிகள்,
சிறைக்குள் இருக்கும் விலையுயர்ந்த பொருட்களை கைதிகளை கொண்டே வெளியில்
கடத்திச் செல்கின்றனர்.இதன் மூலம், அரசு சொத்துகள் களவாடப்படுவது
மட்டுமின்றி, கைதிகளை சட்டவிரோத செயல்களில் ஈடுபடவும்
நிர்பந்திக்கின்றனர். கடத்தலில் ஈடுபடும் கைதிகளுக்கு, சிறைச்சட்ட விதிகளை
மீறி சலுகைகளும் வழங்கப்படுகின்றன. இதற்கான போட்டோக்களுடன் கூடிய
ஆதாரத்தை, புகார் மனுவுடன் இணைத்துள்ளோம். மரக்கடத்தல் தொடர்பாக விசாரணைக்
கமிஷன் அமைத்து, முறைகேட்டில் ஈடுபட்ட அதிகாரிகள் மீது அரசு கடும்
நடவடிக்கை மேற்கொள்ள வேண்டும்.இவ்வாறு, காவலர்கள் தெரிவித்துள்ளனர்.
குற்றச்சாட்டுகள் குறித்து, சிறைத்துறை டி.ஐ.ஜி., (கோவை) கோவிந்தராஜன் கூறுகையில்,
''காவலர்கள் சிலர், சிறை நிர்வாகத்துக்கு எதிரான ஆதாரமற்ற, பொய்யான
புகார்களை தெரிவித்துள்ளனர். மரத்தாலான பொருட்கள் எதுவும், சிறைக்கு
வெளியே கடத்தப்படவில்லை. சிறைக்குள் இருக்கும் கட்டடங்களில் பொருத்தவே
எடுத்துச் செல்லப்பட்டன; காவலர்கள் கூறும் புகார்கள் அனைத்தும்
அடிப்படையற்றவை,'' என்றா