பிரதமர் ஜன் தன் யோஜனா ( மக்கள் நிதித் திட்டம் )

பிரதமர் ஜன் தன் யோஜனா ( மக்கள் நிதித் திட்டம் )

பிரதமர் நரேந்திர மோதியின் ’’ பிரதமர் ஜன் தன் யோஜனா ( மக்கள் நிதித் திட்டம் ) வின் படி கிராமத்தில் மற்றும் நகர்ப்புறங்களில் இருக்கும் இதுவரை வங்கிக்கணக்கு இல்லாத ஏழை எளிவர்களுக்கு வங்கிக்கணக்குத் துவக்குவது லட்சியம்.

# இதன்படி 0 பேலன்ஸுடன் வங்கிக்கணக்கைத் துவக்கலாம்.

# மிக சாதாரண அடையாள அட்டைகள் இருந்தாலே போதும். அறிமுகப்படுத்துவோர் அவசியமில்லை.

# கிடைக்கும் பணத்தினைச் சேமித்து வங்கிக்கணக்கை முறையாக வைத்துக்கொண்டால் ஆறுமாதத்தில் ஐயாயிரம் ரூபாய் அளவுக்கு மேலதிக கடன் ( ஓவர் ட்ராஃப்ட் ) வசதியைப் பெற்றுக்கொள்ளலாம்.

# வங்கிக்கணக்குடன் உடனடியாக ரூபாய் ஒரு லட்சத்துக்கான காப்பீட்டு செய்து தரப்படுகிறது. இதன் மூலம் குடும்பத்தலைவரோ அந்த குடும்பத்தின் உறுப்பினரோ விபத்தில் மறைந்தால் அக்குடும்பத்துக்கு ஒரு லட்ச ரூபாய் காப்பீட்டுத்தொகை உதவியாகக் கிடைக்கிறது.

# ஜனவரி 26 , 2015 க்குள் கணக்கு துவக்குபவர்களுக்கு ரூபாய் 30000/- வாழ்நாள் பாதுகாப்பு ( லைஃப் கவர் ) கிடைக்கிறது.

# RuPay என்னும் நிறுவனத்தின் மூலம் டெபிட் கார்டுகள் வழங்கப்படும் என்பதும் அந்த நிறுவனத்தின் மூலம் எல் ஐ சி மூலம் 30000 லைஃப் கவரும் HDFC Ergo என்னும் நிறுவனத்தின் மூலம் ஒரு லட்ச ரூபாய் காப்பீட்டுத்தொகையும் வழங்கப்படும். இந்த காப்பீட்டுத்தொகை விபத்தில் இறப்பு மற்றும் நிரந்தர உடற்பாக இழப்பு ஆகிய நிலையில் வழங்கப்படும்.

# இதில் ஒரு கண்டிஷன் உள்ளது. டெபிட் கார்ட் விபத்து க்ளைய்ம் செய்யும் முன்னர் 45 நாட்களுக்குள்ளும் ஆயுள் காப்பீட்டுத்தொகை க்ளெய்முக்கு 90 நாட்களுக்குள்ளும் ஒரு முறையாவது பயன்படுத்தப்பட்டிருக்கவேண்டும். சுருக்கமாகச் சொன்னால் குறைந்தது மாதம் ஒருமுறை டெபிட் கார்ட் பயன்படுத்தப்படுவது நலம்.

# இன்னும் ஒரே ஆண்டில் வங்கிக்கணக்கு இல்லாத இல்லமே இந்தியாவில் இருக்கக்கூடாது என்னும் உத்தேசத்துடன் தொடங்கப்பட்ட இந்த திட்டம் தொடங்கிய இன்றைய ஒரே நாளில் 15000000 வங்கிக்கணக்குகள் தொடங்கப்பட்டிருப்பதை வைத்து இந்த திட்டத்தின் வெற்றியைக் கணக்கிடலாம்.

# 26 ஜனவரி 2015 தேதிக்குள் ஏழரைக்கோடி வங்கிக்கணக்குகள் தொடங்கவைக்க உத்தரவிட்டுள்ளார்.

# ரிசர்வ் வங்கி இந்த திட்டத்திறாக KYC என்னும் உங்கள் கஸ்டமரை அறியுங்கள் என்னும் முறைப்பாட்டின் விதிகளையும் தளர்த்தியுள்ளது. ஆகவே பான் கார்ட் மற்றும் சில ஃபார்மாலிட்டிகள் கணக்கு துவக்க அவசியம் கிடையாது.

# அரசுடைமை வங்கிகளைத் தவிர தனியார் வங்கிகளும் இதற்கான கேம்ப்களை நடத்தி வங்கிக்கணக்கு துவங்க அறிவுறுத்தப்பட்டுள்ளது. நாடெங்கிலும் அதிவிரைவில் இத்திட்டம் விரிவுபடுத்தப்படுகிறது.

நண்பர்கள் அனைவரும் இத்தகவல்களைப் பகிர்ந்து அக்கம் பக்கத்தில் இருக்கும் ஏழை எளியவர்களுக்கு எடுத்துரைத்து இந்த அருமையான திட்டத்தை வெற்றிபெறச்செய்வோம்.