இலங்கையை பிரித்து தரும்படி கேட்கமாட்டோம்!-கூட்டணி சம்பந்தன்!

இலங்கையை பிரித்து தரும்படி கேட்கமாட்டோம்!-கூட்டணி சம்பந்தன்!
************************************************
சென்னையில் பேட்டி!
*******************************
சிங்களவர்களின் கோமணம்தான் எங்களுக்கு முகம் துடைக்க வேண்டும் ' என்று சொல்லும் சம்பந்தன் போன்றவர்களுக்கு..அதைச் சொல்ல என்ன தகுதி உண்டு?
****************************************
மு.வே.யோகேஸ்வரன்
********************************

தமிழர் கூட்டணித் தலைவர் இரா.சம்பந்தன் அவர்கள்,சில நாட்களுக்கு முன்னர் டெல்கி வந்து பல ஆளும் கட்சி அரசியல் பிரமுகர்களை,பிரதமர் உட்பட, சந்தித்துப் பேசினார்.அவருடன் சில ஊமைக் குழல்களும் வந்தன.
ஊமைக் குழல்கள் என்றால் புரியாதவர்கள் இருப்பது குறைவு என்று எண்ணுகிறேன் ..ஆயினும் அதுபற்றி ஓர் சிறு விளக்கம் இது!நாதஸ்வரம் வாசிப்பவர் சத்தமிட்டு ஊதுவார்,அவர் பக்கத்தில் வேறு ஒருவர், ஓர் குழலை வைத்துக் கொண்டு நாதஸ்வரத்துக்கு இசைவாக ஒரே இசையில் ஊதிக் கொண்டிருப்பார்.அவரைத்தான் ஊமைக் குழல் ஊதி ' என்று சொல்வார்கள்.
பெரு மதிப்புக்கு உரிய கூட்டணித் தலைவர் சம்பந்தனைப் பற்றி தெரியாதவர்களே இருக்க முடியாது..புலிகள் போராடிய காலத்தில் புலிகளின் ஆட்சி வடமாநிலத்தில் நிலவிய காலத்தில்,வன்னி சென்று தலைவரைச் சந்தித்து,தமிழ் ஈழத்துக்கு ஆதரவு தெரிவித்து சென்றவர்களில் ஐயாவும் ஒருவர்.உயிர்ப் பயத்தால் வந்ததாகச் சிலர் சொன்னாலும்,காக்காய் பிடிப்பதில் ஐயா அவர்கள் வல்லவர் என்பது பலருக்கும் தெரிந்த ஒன்றுதான்!
அடிமனதில் தமிழ் ஈழக் கனவுகள் இருந்தால்,அதையே எங்கும் சொல்லும் ஒருவரே உண்மையான தமிழின வாதி.ஆனால்,இவர் சிங்களவர்களை கொழும்பில் கண்டால் கூழைக் கும்பிடு போடுபவர்.
உயிருக்கு பயந்தவர்.அதனால்தான் அங்கும் வாலை ஆட்டுவார் இங்கும் வாலை ஆட்டுவார்.அதற்காக அந்த மிருகத்தை ஒப்பிட்டு இவரைச் சொல்கிறேன் என்று நினைத்துவிடாதீர்கள்..அது நன்றியுள்ள மிருகம்!.தலைவர் பிரபாகரனை கொன்றுவிட்டோம் என்று சிங்கள அரசு சொன்னதும், மேடைகளில் சிங்கக் கொடியை ஏந்தி சில காலம் வலம் வந்த கோமான் இவர்!
அதை மறந்துவிட மாட்டோம் நாங்கள்! 1958,1977,1983,என்று வரிசையாக எமது தமிழர்களை ஈழத்தில் கொன்று குவித்தது சிங்கள அரசு..அதுவும் இலங்கை பிரிக்கப் படாமல் இருந்த காலங்களில்தான்!பின்னர்,வகை தொகையின்றி வன்னியில்2009இல் எமது மக்களை தெருநாய்களைக் கொன்று குவிப்பதுபோல் கொன்று குவித்தது சிங்கள அரசு..அதுமட்டுமன்றி, இதுவரை ஈழத்தில் நடந்திராத வகையில் எமது பெண்கள் கணக்கு வழக்கின்றி பாலியல் வன்முறைக்கு உட்படுத்தப் பட்டதும் அதே வன்னிச் சண்டையின்போதுதான்!இதுவும் இலங்கை பிரிக்கப் படாமல் இருந்த காலத்தில்தான் நடந்தது!
சரி இவைகளை விடுங்கள்..இப்போது அங்கே என்ன நடக்கிறது,,?வட மாகாணத்தையே பாலைவனம் ஆக மாற்றுகிறது சிங்கள அரசு..சிங்கள இராணுவ முகாம்களைச் சுற்றி செழித்து வளர்ந்திருந்த யாழ்ப்பாணத்தின் செல்வம் கொழிக்கும் மரங்களான பனைகளை அடியோடு பிடுங்கி,தன் இராணுவ முகாம்களை விஸ்தரித்து வருகிறது இனவாத அரசு! இராணுவ விஸ்தரிப்பின் அடுத்த கட்ட நடவடிக்கையாக, புதிய இராணுவ முகாம்களையும் ஏற்படுத்தும் முயற்சியில் ஈடுபட்டுள்ளது! அதுமட்டுமா? முல்லைத்தீவு மாவட்டத்தின் பல பாகங்களிலும் சிங்களவர்களை குடியேற்றி வருகிறது சிங்கள அரசு! நாவற்குழிக்கு அருகிலேயே சிங்களக் குடியிருப்புகள் ஏற்படுத்தப் பட்டுள்ளன.பாலியல் வியாபாரம்,சிறுவர் துர்ப்பிரயோகம்,மதுபானக் கடைகள்,புத்த பிக்குகளின் ஊர்வலம் ,சிங்களப் பெண் பித்தர்களின் அட்டகாசம், வீதிக்கு ஒன்று என்னும் நிலையில் புத்த கோவில்கள்,இப்படியாக வட மாகாணம் ஒன்றுபட்ட இலங்கைக்குள் சிக்கித் தவிக்கிறது!
சர்வதேசத்துக்கு கணக்கு காட்டும் சாக்கில் தமிழ்ப் பெண்களை இராணுவத்தில் சேர்த்து பலவித கொடுமைகளுக்கு ஆளாக்குகிறது சிங்கள அரசு..அதுவும் பிரிக்கப்படாத இலங்கைக்குள் நின்றே நடைபெறுகிறது!புத்த கோவில்களின் புதிய அவதாரங்களும்,தமிழர் கோவில்களின்,தமிழ்ப் பேசும் முஸ்லிம்களின் பள்ளிவாசல்களின் அழிப்பும் கூட அதே பிரிக்கப் படாத இலங்கைக்குள் இருந்தே செய்யப்படுகின்றன.
இத்தனைக்கும் மேலாக போரில் சரணடைந்த ஆயிரக் கணக்கான புலிகள் எங்கே?புலிகள் என்ற சந்தேகத்தின் பெயல் கைது செய்யப் பட்ட இளையோர்கள் எங்கே?..எல்லாமே விடை தெரியாத கேள்விகளாக இருக்கும்போது..இனியும் சிங்கள அரசின் குடைக்கு கீழ்..
ஒதுங்கி வாழ,பதுங்கி வாழ,தமிழர்கள் என்ன இளிச்ச வாயர்களா?
பிரிக்கப் படாத இலங்கைக்குள் கூட்டணி நாடாளுமன்ற உறுப்பினர்களின் உயிருக்கே பாதுகாப்பு அங்கே இல்லாத நிலையில்,அப்பாவி மக்கள்,விம்மலுடன் ,வேதனையுடன்,துன்பங்களைச் சகித்துக் கொண்டு சர்வாதிகளின் ஆட்சியின் கீழ் எத்தனை காலம் பிரிக்கப்படாத இலங்கைக்குள் இருந்து வாழமுடியும்?
லெட்சக் கணக்கான மக்கள் காலத்துக்கு காலம் அழிக்கப் பட்ட பின்னும், ' சிங்களவர்களின் கோமணம்தான் எங்களுக்கு முகம் துடைக்க வேண்டும் ' என்று சொல்லும் சம்பந்தன் போன்றவர்களுக்கு..அதைச் சொல்ல என்ன தகுதி உண்டு?..கடந்த காலங்களில் ஏற்பட்ட இனப்பிரச்சனைகளால் இவர்கள் மயிரளவு கூடப் பாதிக்கப் பட்டிருப்பார்களா?இல்லை..அப்படி இருக்கும்போது இலங்கையைப் பிரித்து தரும்படி நாம் கேட்கவில்லை..எங்கள் பாரம்பரிய மண்ணை எங்களிடம் தாருங்கள் என்றுதான் எமது மக்கள் கேட்கிறார்கள்..நாம் தொடர்ந்தும் அடிபட்டு,வதை பட்டு,மான பங்கப் பட்டு,கொல்லப்பட்டு ஒன்றுபட்ட இலங்கைக்குள் சேர்ந்து வாழமுடியாது!அதை சொல்லும் உரிமை சிங்கக் கொடியை தூக்கிப் பிடிக்கும் சம்பந்தன் போன்றவர்களுக்கு நிச்சயம் இல்லை!