இதை தயவு செய்து பகிரவும் - அவசரம் - குழந்தைகளைக் காப்பாற்றுங்கள்- save the kids-

இதை தயவு செய்து பகிரவும் - அவசரம் - Share now to save the kids

ஒரிரு ஆண்டுகளுக்குப் பிறகு தான் ஒரு சாதாரணன்தான் என்ற உண்மை யதார்த்தம் சுடும் போது குறிப்பிட்ட குழந்தைகளின் ஆளுமை வெகுவாகச் சிதைகிறது.

விஜய் TV யின் சூப்பர் சிங்கர்: தமிழகத்தின் மாபெரும் பாலியல் வன்முறை!

1.ஐந்து வயது கூட நிரம்பாத குழந்தைகள், குமரிகளுக்கான விரக தாபத்துடன் ஐட்டம் பாடல்களைப் பாடுகிறார்கள். முக்கல் முனகல்களுடன் அபிநயிக்கிறார்கள். நடுவர்களை பார்த்து கண்ணடிக்கிறார்கள். இடுப்பைச் சுழற்றுகிறார்கள். இதனைப் பெற்றோர்கள் பார்த்து ஆர்ப்பரிக்கிறார்கள். நடுவர்கள், “உன் குரல்ல இன்னும் ஃபீல் பத்தல” என்று விமர்சிக்கிறார்கள். பத்து வயதுச் சிறுவன், பாடலை அவனது கேர்ள் பிரெண்டுக்கு அர்ப்பணிக்கிறான்.

2.குழந்தைகளின் திறமையை அளக்கும் அளவுகோல் என்பது தற்போது ஆட்டமும், பாட்டமுமே. மகன்கள் தோல்வியடைந்தால் தாய்மார்கள் கண்ணீர் சிந்துகிறார்கள். மகள்கள் வெற்றி பெறவில்லையெனில் தந்தைகள் முனகுகிறார்கள். ஒருசில நிகழ்ச்சிகளில், ”நல்லா பாடலைன்னா அப்பா அடிப்பார்” என்றே கூட குழந்தைகள் வெளிப்படையாகக் கதறி இருக்கின்றன. பெற்றோர்கள் இந்த நிகழ்ச்சியை ஆரோக்கியமான போட்டியாகக் கண்டிப்பாக பார்ப்பதில்லை.

3.குழந்தைகள் தோல்வியடைந்தால் அவர்கள் அழாவிட்டாலும் பெற்றோர்கள் அழுகிறார்கள். தோல்வியடைந்த தங்கள் குழந்தைகளைத் தேற்ற வேண்டிய பெற்றோர்களே, தேம்புவதைப் பார்த்து குழந்தைகள் திகைத்துப்போய் மிரண்டு நிற்கின்றன. சில ஆண்டுகளுக்கு முன்பு, இது போன்ற ரியாலிட்டி நிகழ்ச்சியிலிருந்து வெளியேற்றப்பட்டதற்காக மனமுடைந்து கோமா நிலைக்குச் சென்ற ஒரு சிறுமியைப் பற்றி கேள்விப்பட்டிருக்கலாம். இதன் மறுபக்கமாக, வெற்றி பெற்ற குழந்தைகளோ மாபெரும் வீரர்களாக சித்தரிக்கப்படுகின்றனர். வழிபட வேண்டிய பிம்பமாகக் காட்டப்படுகின்றனர். சாதிக்கவே முடியாததை சாதித்துவிட்டதாக இறுமாப்புக் கொள்கின்றனர். சினிமா ஸ்டாருக்கான அந்தஸ்தைப் பெற்றுவிட்டதாக மாயையில் உழலுகின்றனர். ஆனால், தாம் இருப்பது திரிசங்கு சொர்க்கம்தான் என்பதை இறுதிவரை அவர்களால் உணர முடிவதில்லை. ஆயினும் ஒரிரு ஆண்டுகளுக்குப் பிறகு தான் ஒரு சாதாரணன்தான் என்ற உண்மை யதார்த்தம் சுடும் போது குறிப்பிட்ட குழந்தைகளின் ஆளுமை வெகுவாகச் சிதைகிறது.

4.விஜய் டிவியும், பெற்றோரும் சேர்ந்து கொண்டு குழந்தைப் பருவத்தை விட்டு துரத்தி இளம் பருவத்தினராக்கி விட விரும்புகிறார்கள். குழந்தைகள், பெரியவர்கள் போல் பேசுகிறார்கள். ஜோக் அடிக்கிறார்கள். ஆனால், குழந்தைகளாக நடிக்கிறார்கள். இந்த நிகழ்ச்சிக்காக அமைக்கப்படும் சுற்றுகளும் வயதுக்கு மீறியதாகவே இருக்கிறது. அதற்கேற்ப அவர்களது நடை, உடை, பாவனைகளும் மாறுகின்றது. குழந்தை உருவத்தில், பெரியவர்களுக்கான பாடல்களை பாடுகின்றனர். அங்க அசைவுகளை வெளிப்படுத்துகிறார்கள். சின்னஞ்சிறு வயதிலேயே வயதுக்கு மீறிய உடல் மொழி, உணர்வுகளை மெல்ல மெல்லக் கற்றுக் கொள்கிறார்கள்.

குழந்தைகளிடம் தாம் இப்படி, தகாத முறையில் பாலியலை அறிமுகப்படுத்தியதைப் பற்றி விஜய் டிவியோ அல்லது பெற்றோர்களோ கிஞ்சித்தும் கவலைப்படுவதில்லை. வெளிப்படையாக வல்லுறவு செய்தால்தான் பாலியல் வன்முறை என்பதில்லை. குழந்தைகளின் உணர்ச்சியை அளவு கடந்து தூண்டிவிடுதலும், குழப்புவதும் கூட பாலியல் வன்முறைதான்.

சகோதர, சகோதரிகளே இதை பாரக்கும் நம் வீட்டு குழந்தைகளும் ஆபாசத்தின் வலையில் விழ அதிக வாய்ப்பு உள்ளது ஆகையால் இந்நிகழ்ச்சி தடை செய்ய பட வேண்டும் நம் குழந்தைகளின் எதிர்காலத்திற்க்காக!

நம்மால் செய்ய முடிந்து இதை தடுக்க எந்த முயற்சியையும் செய்யாமல் குழந்தைகளுக்கு எதிரான இந்த உளவியல் தாக்குதலை ஆதரிக்கிறோம் என்று அர்த்தம்.

இந்த சிறுப்பெண்கள் பாடும் காதல் பாட்டுகள்,குத்துப் பாடல்கள்,விரசா வரிகள் - சே ரத்தம் கொதிக்கவில்லை என்றால் நாம் மனிதர்களே இல்லை!

இந்த குழந்தைகளை வைத்து நிகழ்ச்சி தயாரிப்பாளர்கள் பாட வைத்த வக்கிரப் பாடல்கள் சில.

1.நேத்து ராத்‌த்தீரி அம்மா.
2.வச்சுக்கவா உன்னை மட்டும் நெஞ்சுக்குள்ள
இன்னும் நிறைய விரல்கள் டைப் அடிக்க மறுக்கின்றது.

இதை பெருமையுடன் அப்பனும் ஆத்தாளும் உட்கார்ந்து பார்ப்பதுதான் வேதனை.

செவிடன் காதில் ஊதிய சங்கு. தமிழகத் தமிழனின் காதுகளில் இவை எதுவும் ஏறாது.

இரண்டாயிர வரலாறு. இந்துமதச் சாக்கடை, மூட நம்பிக்கைகள்,தொலைக்காட்சி வியாபாரம், சாமியார்களின் லீலைகள் இவை எல்லாம் அவனைப் போதைக்குள் ஆழ்த்தி விட்டன.

கைதட்ட ஒரு கூட்டத்தை விலை கொடுத்து வாங்கி,அவர்கள் மூலம் கைதட்ட வைத்து வாக்குப் போட வைத்திருக்கும் இந்த தொலைக்காட்சி விபச்சாரிகளை கண்டு கொள்ள யாரும் தயாராக இல்லை என்பதே இன்றைய யதார்த்த நிலை.

வருங்காலத்தை வளம் கூட்ட வரும் வழித்தோன்றல்களை , எதிர்காலத் தூண்களை, நிகழ்கால நியாயமற்ற தேவைகட்காக விலை பேசுவது அடிமைத் தொழிலாளியாக்குவது , அறிவாற்றல் , நல் வாய்ப்பு , மனித நேய மனப்பாங்கு , ஆகியவற்றை வளர்க்க வேண்டிய இளம் வயதில் அவர்கட்குரிய வாழ்வை அமைத்துக் கொடுக்கத் தவறிய சமூகம் அறிந்தோ அறியாமலோ அவர்களைச் சமுதாய காழ்ப்புணர்வோடு வளரச் செய்யும் கொடுமையைச் செய்து விடுகிறது.

14 வயதுக்கு உட்பட்ட குழந்தைகளை பணியில் அமர்த்துவது தடை செய்யப் பட்டுள்ளது.

1. 7 வயதுக்குட்பட்ட குழந்தைகளின் செயல்கள் குற்றமாகக் கருதப் படாது.

2. 7 முதல் 12 வயது வரை வயிதிலான குழந்தைகள் தாம் செய்வதன் விளைவுகளை அறியுமளவு போதுமான பக்குவப்படாத நிலையில் , தம் செயலின் பின் விளைவுகள் குறித்துப் புரிந்து கொள்ளாமல் செய்வதேதும் குற்றமாகக் கொள்ளப்படுவதில்லை.

3. கருச்சிதைவு , பிறக்க இருக்கும் குழந்தைக்கு காயம் விளைவிப்பது , பிஞ்சு குழந்தைகளைக் கவனிப்பின்றிக் கை விடுவது , பெற்ற குழந்தையை மறைத்தல் ஆகியவை தண்டனைக்குரிய குற்றங்களாகும்.

4. தவறான நோக்கத்தோடு குழந்தையைக் கடத்துதல் குற்றம். குழந்தைகளைக் கடத்திச் சென்று பெருந்தொகை கேட்டு மிரட்டுவது குற்றம். அங்கக் குறை பாடுள்ளதாக்கி இரந்துண்ணச் செய்வதும் , அதில் பொருளீட்டித் தரச் சொல்வதும் குற்றம்.

5. பாலியல் குற்றத்திற்கு வலியுறுத்த , பெண் குழந்தையைக் கடத்தி இத்தகைய நோக்கில் பணத்திற்காகக் கை மாற்றுவது , வியாபாரம் செய்வது முதலியவையும் குற்றம்.

இப்படி எல்லாம் சட்டம் சொல்கிறது.
ஆக,குற்றம் செய்வது யார்?
தொலைக்காட்சியினரே,பெற்றோர்களே நீங்கள் செய்வதும் சட்ட மீறல்களே. விபச்சாரமே.