தமிழர்களின் கடவுள் யார்?

சிவன் என்பதன் பொருள் சிவந்தவன் ஆகும்.இது ஆரியர்களிடமோ ஆரிய வேதங்களிலோ இருக்கவில்லை. இந்த சிவன் என்பதை அன்றைய தமிழர்கள், ஞாயிற்றுக்கிட்டு என அழைத்தனர்.சிவவழிபாடு-ஞாயிறு வழிபாடு அன்றைய வழிபாடாயிற்று. சிவன் என்பது ஆரிய வேதங்களில் தமிழர் கடவுளாகச் சொல்லப்பட்டு, சிவனை எதிர்த்து போரிட்டது ரிக் வேதத்தில் குறிப்பிடப்படுகிறது.

சிவன்-சிவந்தவன்-ஒளி-ஞாயிறு என்றாகியது. இளஞ்சூரியன்-இளஞாயிறு-காலைச் சூரியன்-இளையவன்-முருகன். முருகன் என்றால் இளையவன் என்று அன்று சொல்லப்பட்டது.காலைச் சூரியனை, இளஞ்சூரியனை முருகன் என்றார்கள். மொகெஞ்சதாரோவில் பார்த்தீர்களானால், சூரியனில் ஆறு கதிர்கள் வரையப்பட்டு, கதிர்களின் முடிவில் ஒரு தலை வரையப்பட்டுள்ளது. இந்த சூரியக் கதிர்கள், நம்மிடையே வேறு விதமாக,நெற்றிக் கண்ணில் இருந்து புறப்பட்ட ஆறு குழந்தைகள் எனக் கதை புனையப்பட்டுள்ளது.

தமிழர்களை ஆரிய மதக் கலாச்சாரத்தில் இணைக்க, அவர்கள் தமிழர்கள் வணங்கிய கடவுள், சமயக் கொள்கைகளை இணைத்துக் கொண்டதன் மூலம்,தமிழர்களை தங்களுடன் சேர்த்துக் கொண்டார்கள். இது ஒரு தந்திரம். தாங்கள் ஐரோப்பிய நாடோடிகளாக தொடர்ந்து ஓடிக் கொண்டிருக்க முடியாத நிலையில், இந்தியாவில் நிரந்தர இடம் தேவைப்பட்டதால், சிறிது விட்டுக் கொடுப்பது போல், தங்கள் மதக் கொள்கைகளில் தமிழர்களின் சமயக் கொள்கைகளையும் சேர்த்துக் கொண்டு ஆக்கிரமித்துக் கொண்டார்கள். இதனால் தான் அவர்களால் தொடர்ந்து தமிழர்களிடம், தங்கள் மதக் கொள்கைகளை விதைத்திட முடிந்தது. முடிவு தமிழர்கள் ஆரியத்திடம் மண்டி இட்டார்கள். தமிழர் மதக் கொள்கை காற்றில் பறக்க, இந்து மதக் கொள்கைகள் தமிழர்களைப் பற்றிக் கொண்டது.

சுய நலமிக்க தமிழ் அரசர்கள் ஒத்துப் போனார்கள். கட்டப்பொம்மு-எட்டப்பன், விடுதலைப்புலிகள் -கருணா, இப்படிப் பல உதாரணங்களைச் சொல்லலாம். ஒத்துப் போகாதவர்கள்,தட்டிக் கேட்டவர்கள் பதுமனைப் போல் அரக்கர்களாக்கப்பட்டு வஞ்சகமாய் கொல்லப்பட்டார்கள். சுபாஸ் சந்திரபோஸ், வெள்ளைக் கொடி பிடித்தவர்கள்,போராளிகள் இப்படிப் பல.

பதுமனை அரக்கனாக்கி தீபாவளி கொண்டாட வைத்ததற்குக் காரணம்,பதுமன் சிவனை-முருகனை வழிபட்டதும், இந்துமதக் கொள்கைகளை எதிர்த்ததும் காரணமாயிற்று. தங்கள் வேதத்தில் இல்லாத சிவனை வணங்கியதால்,தங்கள் கடவுளை இழிவு செய்ததாக எண்ணிக் கொண்டார்கள்.விளைவு பதுமன் போன்றோர் இந்துமத வெறியர்களால் அழிக்கப்பட்டார்கள்.இதன் தொடர் விளைவுகள், சமண முனிவர்களை வாதுக்கு அழைத்து கழுவேற்றிய கொடுஞ் செயலாகும்.

ஆனாலும் அவர்களால் தொடர்ந்து எதிர்த்து அனைவரிடமிருந்தும் தமிழர்களின் வழிபாட்டை அகற்ற முடியவில்லை. ரிக் வேதத்தில் இல்லாத சிவனுக்கு,தமிழர்களை சமாதானப்படுத்த, ருத்திரனை சிவனாக்கினார்கள். வேததைப் படியுங்கள். ரிக் வேதம் சொன்ன ருத்திரனுடன் எந்த விதத்திலும் சிவன் ஒத்துப் போகவில்லை. புரியாத மொழியில் எழுதப்பட்டதை புரிந்து கொள்ள முடியாத தமிழர்கள், ஆமாம் சாமி போட்டுக் கொண்டார்கள்.

இந்த உலகம், பணம் பதவி பலம் உள்ளவர்கள் சொல்வதையே ஏற்றுக் கொள்கிறது . எத்தனை வரலாற்று ஆசிரியர்கள்,ஆய்வாளர்கள் ஆதாரத்துடன் வைத்த சாட்சியங்கள் எல்லாம் பலத்திற்கு முன்னால் காணாமல் போயின.

தமிழர்களின் வரலாற்றை தெரிந்து கொள்ள வேண்டுமாயின், மூன்று பிரிவுகளாகப் பிரித்துப் பார்க்க வேண்டும்.வள்ளுவனுக்கு முந்தியது, வள்ளுவனுக்குப் பிந்தைய களப்பிரயர் காலம்,அதற்குப் பிந்தைய காலம்.
இவை எல்லாம் எனது கருத்து அல்ல.வரலாற்றுப் பதிவுகள்.

முந்தைய ரிக் வேதம், Indra, Agni, Varuna, Surya, Rudra, Yama, Soma, Marut, Dyaus, Vayu, Prajanaya ஆண் கடவுளாகவும், Prithvi, Saraswati, Usha, aditi பெண் கடவுளாகவும் சொல்கிறது -முதல் ரிக் வேதம்.பெண் கடவுள் ஆண் கடவுளுக்கு நிகராக மாட்டார் என்கிறது ரிக். (தமிழர்கள் சிவன் என்று சொன்னாலும்,ஆணும் பெண்ணும் சேர்ந்த ஒன்று என்கிறார்கள்.)

பிந்தைய ரிக் வேதம், Indra, Agni,Varuna, Soma ,Yama, Surya, Savitri ,Pusan ,Vishnu, Vayu ,Dyaus, Aditi ,Maruts ,Gandharvas,Ashvins, Ribhus, Apsaras, Rudra ,Vishvadeva, Aranyani ,Usha, Prithvi இவர்களை கடவுளர்களாகச் சேர்த்துக் கொண்டது.

உண்மையை அறிய வேண்டுமாயின் முதலில் எழுதிய ரிக் வேதத்தையும்,பின்னர் எழுதிய ரிக் வேதத்தையும் ஒப்பிட்டுப் படிக்க வேண்டும்.கம்பனை வைத்து இராமாயணத்தை எப்படி எடை போட் முடியாதோ அப்படி.

நன்றி சக்தி உங்களின் கட்டுரை ஆயிரம் கேள்விகளுக்கு விடை கொடுத்து விட்டது